Жашылча консервалары. Архив

Диетолог организмди токсиндерден тазалай турчу азыктарды атады

382
Адистин айтымында, ачытылган жашылчаларда пробиотиктер көп болуп, алар сасык тумоо сыяктуу вирустук оорулардан коргоого жардам берет.

БИШКЕК, 6-окт. — Sputnik. Ачытылган бадыраң, капуста организмди шлак, токсиндерден тазалап, аны бекемдөөгө жардам берет. Бул тууралуу диетолог Светлана Фустун айтканына таянып "Известия" басылмасы жазды.

Адис белгилегендей, негизи эле ачытылган азыктарда пробиотиктер көп болот. Алар сасык тумоо сыяктуу вирустук оорулардан коргоп, тамак сиңирүүнү жакшыртууга жардам берет.

"Ачытылган жашылчалар организмден токсиндерди тазалоого да жардам берет. Жашылчадагы булалар адамды ток кармап жүрөт", — деген диетолог.

Медик ачытылган азыктар туздуу келерин айтып, аларды көп жебеш керектигин эскерткен. Адис мындай азыктардан күнүнө 120 грамм жесе жетиштүү экенин белгилеген.

382
Белгилер:
организм, Бадыраң, диетолог, капуста, токсин
Тема боюнча
Ооруга кептейт. Диетолог 45 жаштан кийин баш тарта турчу азыктарды атады
Диетолог туура тамактануунун 4 принциби менен бөлүштү
Судьянын балкасы. Иллюстративдик сүрөт

Арбитраждык соттордо Кыргызстандын кызыкчылыгын коргоо боюнча план бекитилди

8
(жаңыланган 12:08 26.10.2021)
Планды ишке ашыруу мамлекетти юрисдикциялык жактан коргоону жакшыртып, арбитраждык доолордун потенциалын төмөндөтөт.

БИШКЕК, 26-окт. — Sputnik. Юстиция министрлиги Эл аралык арбитраждык соттордо мамлекеттин кызыкчылыгын коргоо боюнча иш-аракеттер планын бекитти. Бул тууралуу аталган мекеменин маалымат кызматы билдирди.

Кыргызстанга каршы демилгеленген эл аралык арбитраждык доолордун, анын ичинде "Кумтөр" долбоорунун айланасындагы кырдаалдын алкагында Эл аралык арбитраждык жана башка соттук процесстерде мамлекеттин кызыкчылыгын коргоонун натыйжалуулугун жогорулатуу боюнча, ошондой эле жаңы арбитраждык доолордун мүмкүнчүлүктөрүн төмөндөтүү боюнча мөөнөттүү иш-чаралардын планы бекитилген.

Ал төмөнкүлөрдү камтыйт:

  • Мамлекеттин юрисдикциялык иммунитетин күчөтүүгө басым жасоо менен инвестициялык мыйзамдарды өркүндөтүү;
  • Жергиликтүү же эл аралык юристтердин кызмат көрсөтүүлөрүнүн сапатына баа берүү боюнча инструменттерди киргизүү жана чыгымдардын деңгээлине мониторинг жүргүзүү;
  • Эл аралык юристтер менен иштөө үчүн арбитраждык маселелер боюнча жергиликтүү топ түзүү;
  • Жогорку тобокелчилик топтордогу мамлекеттик органдар жана мамкызматкерлер менен талдоо жана түшүндүрүү иштерин жүргүзүү.
"Планды ишке ашыруу мамлекетибизди юрисдикциялык жактан коргоону жакшыртып, Кыргызстанга каршы арбитраждык доолордун потенциалын төмөндөтөт. Учурда Кыргызстанга каршы демилгеленген бардык арбитраждык процесстердин мазмунуна талдоо башталды. Юридикалык өкүлчүлүктүн натыйжалуулук маселелерин жана сапаттын/чыгашанын мониторинг жүргүзүүнүн механизми изилденүүдө. Ошондой эле жаңы арбитраждык доолор үчүн тобокелдиктерди жараткан же Кыргызстандын соттук позициясынын натыйжалуулугун төмөндөткөн системалык себептер аныкталды", — деп айтылат маалыматта.

Ошондой эле ата мекендик эксперттер тобун түзүү жана эл аралык укук, арбитраждык сот өндүрүшү маселелеринде юрист-практиктердин ата мекендик мектебин өнүктүрүүгө басым жасап, эл аралык консультанттар менен иштешүүнүн жаңы форматын киргизүү пландалып жатканы айтылды.

Мындан тышкары, мамлекеттик органдар үчүн маалыматтык жана тренингдик кампаниялар жүргүзүлмөкчү.

8
Белгилер:
Эл аралык арбитраждык сот, план, бекитүү, Кыргызстан, кызыкчылык, коргоо
Тема боюнча
Жапаров жакырлардын укугун коргогон адвокаттардын айлыгын көтөрүүнү тапшырды
Ооруканадагы турган капельница. Архив

"Империя пиццы" кафесинен уулангандардын саны 179га жетти

35
(жаңыланган 11:45 26.10.2021)
Тамакка ууланып кайрылгандардын ичинен 18и балдар экени айтылды. Алардын 12си учурда ооруканада.

БИШКЕК, 26-окт. — Sputnik. Бишкектеги кафеден ролл жеп ууланып ооруканага кайрылган адамдардын саны 179га жетти. Бул тууралуу Саламаттык сактоо министрлиги кабарлады.

Маалымат бүгүн, 26-октябрь, саат 11:00гө карата алынган. Билдирмеге караганда, статистикага Чүй облусу да кошулган. Тамакка ууланып кайрылган 179 адамдын 18и балдар.

Ууланып ооруканада дарыланып жаткандар:

  • Темир жол ооруканасы — 13;
  • 3-шаардык клиникалык балдар ооруканасы — 12;
  • Улуттук госпиталь — 24;
  • Ысык-Атадагы жалпы дарыгердик практика борбору — 1.

Калганы медициналык жардам алган соң үйлөрүнө жөнөтүлгөн.

Эске салсак, 24-октябрда "Империя пиццы" кафесинин тамагына ууланып 12 адам Темир жол ооруканасынын жугуштуу илдеттер бөлүмүнө түшкөн. Анын үчөө жаш бала. Бейтаптар ооруканага 23-24-октябрь күндөрү келе баштаган.

35
Белгилер:
Кыргызстан, Бишкек, тамак, уулануу, суши
Тема:
Бишкектин кафесиндеги массалык уулануу
Тема боюнча
Санэпидкөзөмөл борбору өлкөдөгү тамак-аш сатуучу жайларды текшере баштайт
"Империя пиццы" кафесинин бардык филиалдары убактылуу жабылды