Кыз скамейкада отурат. Архив

Бала татуировка жасатып, чачын жашылга боёйм десе эмне кылуу керек. Адистин кеңеши

560
Психологдун айтымында, бала кардиналдуу түрдө өзгөргүсү келсе, демек, жан дүйнөсүндө боштук бар. Бул бирөөнүн көңүлүн бурдуруп же кайсы бир топко кошулгусу келип жатканынан кабар берет.

БИШКЕК, 6-окт. — Sputnik. Ата-эне баласынын өспүрүм кездеги "акылга сыйгыс" аракеттерин кантип жеңсе болорун РИА Новости агенттигине клиникалык психолог Григорий Мисютин айтып берди.

Журналист ага "эгер өспүрүм татуировка жасатып, кызыл түстөгү линза тагынып же жоон сандан өйдө жалтырак юбка кийгиси келсе, ата-эне эмне кылышы керек?" деген суроо берди.

Адистин айтымында, мындай учурда караманча каршы туруп баланы өзүнө душман кылуунун зарылдыгы жок.

"Эмне үчүн бала мынчалык кардиналдуу түрдө өзгөргүсү келет? Демек, жан дүйнөсүндө боштук бар. Бирөөнүн көңүлүн бурдуруп же кайсы бир топко кошулгусу келет. Бул учурда ата-эне көйгөйдү татуировкадан же кыска юбкадан эмес, баласынын психологиясынан издеши керек. Өспүрүм менен сүйлөшүп, бооруна тартууга аракет кылуу зарыл", — деди Мисютин.

Ал эми бала каалаганын ата-энеге айтпай туруп ишке ашырып салганда алгач жардам берүүнүн жолдорун издөө керектигин эскертет.

"Бала татуировка койдуруп алды дейли. Аны дароо беттен албай, ооруп жатабы, кандай дары сүйкөө керек экен, бул сүрөт эмнени түшүндүрөт, дарыгерге барып келелиби деген суроолорду берүү керек. Анткени болору болду, эми баланы өзүңдөн алыстатпоого аракет кылыш керек. Ушундан кийин гана бала ата-энесине ишене баштайт", — деди психолог.

Сөзүнүн аягында адис ар бир бала өзүнчө индивид экенин айтып, ата-эне ага кесип тандоо, дос күтүү, кийинүү сыяктуу маанилүү учурларда өзү туура деп эсептеген эрежелерди таңуулабашы керектигин кошумчалады.

560
Белгилер:
бала, ата-эне, психология, ишеним
Тема боюнча
Окумуштуулар: гаджеттен көзүн албаган бала күнүнө бир саат кыймылда болушу керек
Кол чатыр көтөрүп баратан жуп. Архив

Ишембиге карата аба ырайы

422
23-октябрда өлкөнүн дыйканчылык аймактарында жаан карга айланып, тоолуу райондордо кар жаайт. Айрым жерлерде батыштан соккон шамалдын ылдамдыгы секундасына 15-20 метрге жетет.

БИШКЕК, 22-окт. — Sputnik. Ишембиде республиканын тоолуу райондорунда жолдорго муз тоңуп, тайгак болот. Бул тууралуу Кыргызгидромет билдирди.

Абанын температурасы Чүй облусунда +6…+11, Талас өрөөнүндө +5…+10, Ош, Жалал-Абад, Баткен аймактарында +9…+14, Ысык-Көлдө +2…+7, Нарында 0…+5 градус болот.

Бишкек жана Ош шаарларында күндүз жаан-чачын күтүлбөйт. Күндүн табы борбордо +9…+11, Ош шаарында +11…+13 градусту көрсөтөт.

422
Белгилер:
аба ырайы, Кыргызстан
Тема боюнча
Күнгө чагылышкан алтын күз. Бишкектин көз талдырган видеосу
Аэропорттогу жүргүнчүлөр. Архив

Россиялыктар арасында бир апталык эс алууда Кыргызстанга келгиси келгендер бар

120
(жаңыланган 23:15 22.10.2021)
Россиядагы коронавируска байланыштуу эпидемиологиялык абал оорлошуп кеткенине байланыштуу өлкө президенти Владимир Путин 30-октябрдан 7-ноябрга чейин дем алыш жарыялаган.

БИШКЕК, 22-окт. — Sputnik. Россиянын саякаттоо сервиси боюнча анализ жүргүзгөн Туту.ру сайты алдыдагы бир апталык деп алышта жарандар кайсы мамлекеттерге көбүрөөк бара турганын жарыялады.

Россиянын жашоочулары 30-октябрдан тарта 7-ноябрга чейин барып келүүнү пландаган алдыңкы 10 мамлекеттин ичинде Кыргызстан дагы бар.

Россиялыктар барууну пландаган өлкөлөрдүн ондугу (эл аралык авиакаттамдарга билет алгандардын жалпы санынан пайыз менен бөлүп көрсөтүлөт):

  • Өзбекстан — 16,6 пайыз;
  • Армения — 14,1;
  • Түркия — 13,5;
  • Кыргызстан — 9,6;
  • Азербайжан — 6,6;
  • Молдова — 6,1;
  • Беларусь — 4,4;
  • Кипр — 3;
  • Казакстан — 2,8;
  • Египет — 1.

Эске салсак, Россиядагы коронавируска байланыштуу эпидемиологиялык абал оорлошуп кеткенине байланыштуу өлкө президенти Владимир Путин 30-октябрдан 7-ноябрга чейин эс алуу жарыялаган. Ошондой эле ал абал жакшырбаса, дем алыштын мөөнөтү узартыларын кошумчалады.

120
Белгилер:
Россия, пандемия, эс алуу, билет, Кыргызстан
Тема боюнча
Россиялыктар коронавирустан улам 30-октябрдан 7-ноябрга чейин эс алмай болду
Москвада коронавирустан улам бир катар чектөөлөр кирди. Тизме
Голос долбоорунун сахнасы. Архив

Кыргызстандык "Голос" шоусуна катышып, Билан менен Агутинди таң калтырды

0
(жаңыланган 00:18 23.10.2021)
Бишкектик ырчы Адилет Жумабековду дароо үч насаатчы командасына алгысы келди. Ал долбоордогу чыгармасын апасына арнаган.

БИШКЕК, 23-окт. — Sputnik. Кыргызстандык Адилет Жумабеков Россиянын "Голос" шоусунун кийинки этабына өттү.

Бул шоуда насаатчылар аткаруучуларды артты карап алып угуп, жакса бурулушат. Адилет кесипкөй ырчы эмес экенин, бирок бир нече аспапта ойной турганын айткан.

"Апам төрт баланы жазгыз өстүрдү. Мен музыкалык окуу жайда окучумун, бирок финансылык кыйынчылыктан улам музыкант, ырчы болуп иштеп кеткем. "Голос" долбоору — менин көптөн берки кыялым", — деген Жумабеков.

30 жаштагы бишкектик ырчы долбоордо Boyz II Men — End of the road ырын аткарды. Ал ырдап жатканда Александр Градский, Леонид Агутин менен Дима Билан бурулуп караган. Залда отургандар да ага кол чаап, "Баракелде!" деген. 

Пелагея кыргызстандык ырчынын аткаруусуна таң берген, Агутин стилин жана тембрин баалаган, Билан дагы аны өз командасынан көргүсү келип жатканын билдирген. Натыйжада Жумабеков Биланды тандаган.

0
Белгилер:
Россия, 'Голос' долбоору, ырчы
Тема боюнча
Бишкекте "Орто Азия романсиадасы" конкурсунун жеңүүчүлөрү аныкталды. Сүрөт