Коронавирустан кийин оңолуп аткан бейтап. Архивдик сүрөт

Коронавирустан кийин иммунитетти көтөрүүгө аракет кылбаш керек. Себеби

130
(жаңыланган 10:21 06.10.2021)
Дарыгер иммунитетти көтөрөт деген препараттар жана кошулмалар ден соолукту чыңдабай эле башка ооруларга кептеши мүмкүндүгүн эскертти. Ал иммунитетти калыбына келтирүүнүн оңой жолдорун атаган.

БИШКЕК, 6-окт. — Sputnik. Инфекциядан кийин эмнеге иммунитетти көтөрүүгө аракет кылбоо керектигин брифингде Саламаттык сактоо жана социалдык өнүктүрүү министрлигинин штаттан тышкаркы инфекционист дарыгери Айнура Кутманова билдирди.

"Башка вирустук инфекциялар сыяктуу эле COVID-19 менен ооруганда иммундук система өзгөчө жабыркайт, кошумча таасирлер жаңы ооруларга дуушар кылышы мүмкүн. Иммуностимуляторлорду алуу иммундук системаны бузат", — деди Кутманова.

Дарыгер бир катар эрежелерди сактоо менен иммундук системаны калыбына келтирсе болорун айтат.

"Иммунитетти көтөргөн иммуностимуляторлорду, чөптөрдү жана биологиялык активдүү кошулмаларды колдонууга болбойт. Иммундук система орточо эсеп менен 2-3 айда калыбына келет. Бул үчүн 8 саат уктап, оор жумуш жасабай, туура тамактанып, сейилдеп, стресстен оолак болуу зарыл", — деди адис.

Инфекционист бейтаптардын көбү табиттин жоктугунан жабыркай турганын кошумчалаган. Буга байланыштуу белок, май, углевод, минерал жана витаминдерди камтыган оңой сиңе турган тамактарды жеп, суу ичүүнү сунуштады.

130
Белгилер:
коронавирус, иммунитет, дары, тамактануу
Тема:
Дүйнөгө жайылган коронавирус (1561)
Тема боюнча
Сыркоологон балдардын ичи өтүп, кусуп жатат. Коронавирус эмеспи?
Коронавирустан улам Бишкектеги мектептерде 13 класс жабылды. Тизме
Аял кол чатыр менен кар жаган учурда. Архив

Жума күнгө карата аба ырайы

1
22-октябрда аба ырайы кескин өзгөрүлүп, көпчүлүк аймактарда мезгил-мезгили менен жаан жаайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 21-окт. — Sputnik. Жума күнү өлкөнүн тоолуу райондорунда кар жаап, жолдорго муз тоңот. Бул тууралуу Кыргызгидромет билдирди.

Абанын температурасы Чүй, Ысык-Көл облустарында +1…+6, Таласта 0…+5, Ош, Жалал-Абад, Баткен аймактарында +4…+9, Нарын өрөөнүндө 0…+5 градус болот.

Күндүн табы Бишкекте +2…+4, Ош шаарында +6…+8 градусту көрсөтөт.

1
Белгилер:
аба ырайы, октябрь, Кыргызстан
Тема боюнча
Ноябрь айында аба ырайы кандай болот. Синоптиктердин божомолу
Лампочка. Архив

Жума күнү Бишкектин 39 көчөсүндө электр жарыгы өчүрүлөт. Тизме

40
Электриктер тобу турак үйлөрдөгү жабдууларды оңдоо менен алектенишет. Мындан тышкары, трансформатордук көмөк чордондордун ишин карашат.

БИШКЕК, 21-окт. — Sputnik. Жума күнү, 22-октябрда, Бишкектин айрым аймактарында электр энергиясы өчүрүлөт. Бул тууралуу "Түндүк электр" ишканасы билдирди.

Электриктер тобу турак үйлөрдөгү жабдууларды оңдоо менен алектенишет. Мындан тышкары, трансформатордук көмөк чордондордун ишин карашат.

Жарык кайсы аймактарда өчүрүлөт:

  • 9:00дөн 16:00гө чейин — Жал 23 кичи району, Чоң-Арык айылы (Северная, 50 лет победы, Шушенский көчөлөрү) Подольская көчөсүнүн бир бөлүгү;
  • 9:00дөн 17:00гө чейин — Ак-Босого (Чүй 20, Чүй 21, Чүй 41ден Чүй 47ге чейин), Арча-Бешик (Эр-Тайлак, Сулуу-Төр, Сары-Булуң көчөлөрү), Көлмө (Республика, Максат, Мыскал, Кулуев, Ак-Жол көчөлөрү), Ак-Өргө (Гагарин, Каркыра, Кара-Булак көчөлөрү) конуштары. Андан тышкары, Жеңиш көчөсүнүн, Беломорский тар көчөсүнүн айрым жерлеринде, Бейшеналиева көчөсүндөгү №6 үйдө болбойт;
  • 9:30дан 17:00гө чейин — Рухий Мурас конушу (6, 5 жана Горький көчөлөрү), 3-кичи райондогу №16 үй;
  • 9:30дан 19:00гө чейин — Көк-Жар конушу (Шоокум көчөсү, 13а тилкеси), Айтматов, Огонбаев жана Таллин көчөлөрүнүн айрым бөлүктөрү;
  • 9:40тан 14:00гө чейин — Алтын Ордо конушунун нөлүнчү жана экинчи көчөлөрү;
  • 14:00дөн 19:00гө чейин — Алтын Ордо конушу (1, 2 жана Горький көчөлөрү).
40
Белгилер:
Бишкек, электр жарыгы
Тема боюнча
Бишкектин бир районунда 4 күнгө газ өчөт. Себеби