Ички иштер министринин мурдагы орун басары Курсан Асанов. Архив

Курсан Асанов аудио жазылмага дайындалган экспертизанын жыйынтыгын кабарлады

350
(жаңыланган 18:07 06.10.2021)
Курсан Асанов анын Алмаз Сарыбаев менен бийликти басып алуу жөнүндө сүйлөштү делген аудио жазылмага техникалык экспертиза жүргүзүлүп, жыйынтыгы чыкканын билдирди.

БИШКЕК, 6-окт. — Sputnik. Бүгүн, 6-октябрда, Кыргызстандын акыйкатчысы Токон Мамытов Бишкек шаарынын убактылуу кармоочу жайына барып, ички иштер министринин мурдагы орун басары Курсан Асанов менен жолукту. Бул тууралуу Акыйкатчы институту билдирди.

Маалыматка караганда, Курсан Асанов анын Алмаз Сарыбаев менен бийликти басып алуу жөнүндө сүйлөштү делген аудио жазылмага техникалык экспертиза жүргүзүлүп, жыйынтыгы чыкканын билдирген.

"Россия менен Казакстандан экспертизанын жыйынтыгы келди. Ага ылайык, аудио жазылма алты жеринен кескиленип, түрдүү убакта, түрдүү сүйлөшүүлөрдү колдонуу менен жасалганы аныкталды", — деген Асанов.

Ал ошондой эле акыйкатчыга ИИМдин имаратын басып албаганын айтып, окуя кандайча болгонун түшүндүргөн.

"6-октябрда ИИМдин имаратына келсем ал жерде мурдагы ички иштер министри менен дагы башка бейтааныш адамдар бар экен. Ошол жерден мага УКМКдан чакыруу түштү, ойлонбостон жөнөп кеткем. Ал эми ички иштер министринин милдетин Коопсуздук кеңешинин катчысынын орун басарынын жазуу түрүндөгү буйругун алгандан кийин киришкем. Эң башкысы мен ИИМдин жамаатына расмий түрдө тааныштырылгам", — деген Асанов.

Сөзүнө далил катары Асанов Коопсуздук кеңешинин 6-октябрдагы катынын (Курсан Асановду ички иштер министринин милдетин аткаруучу кылып дайындоо жөнүндө) көчүрмөсүн көрсөтүп берген.

Курсан Асанов 14-сентябрда бийликти күч менен басып алууга шектелип Жазык кодексинин 309-беренесинин негизинде кармалган. Бишкектин Биринчи май райондук сотунун чечими менен ал өзгөчө оор кылмыш жасагандар кармалуучу №50 тергөө абагына эки айга камакка алынган. Бул иш боюнча "Толубай" коммерциялык банкынын директорлор кеңешинин мүчөсү Алмаз Сарыбаев да камалган. Ал Бишкектеги №1 тергөө абагына киргизилген.

 

350
Белгилер:
Кыргызстан, Акыйкатчы, Курсан Асанов, экспертиза
Тема боюнча
Курсан Асанов №50 тергөө абагына эки айга камакка алынды
Боом капчыгайында жолдо бараткан унаа. Архив

Таш кулатылат. Боомдун жолу төрт күн бою маал-маалы менен жабылат

25
(жаңыланган 15:24 22.10.2021)
Мындай аракет автоунаа жолуна таш кулап кетүү кооптуулугун алдын алуу максатында жасалып, беш күнгө уланары күтүлүүдө.

БИШКЕК, 22-окт. — Sputnik. 25-29-октябрь күндөрү Бишкек — Нарын — Торугарт унаа жолунун 131-чакырымында (Боом капчыгайы) кулоо коркунучу бар таштар атайылап түшүрүлөт. Бул тууралуу "Кыргыз темир жолу" ишканасынан билдирди.

Иш-чарага тиешелүү күчтөр жана техникалар тартылат. Таш кулатуу иштери күндүзгү саат 9:00дөн 15:00гө чейин жасалып, унаа жолу Жол кыймылы коопсуздугун камсыздоо башкы башкармалыгынын (ЖКККББ) кызматкерлери тарабынан маал-маалы менен жабылып турмакчы.

Унаа жолду тазалоо учурунда транспорт бир тилке менен жүрөт.

"30-40тан ашуун автотранспорт топтолуп калса иштер токтотулуп, жол убактылуу ачылат", — деп айтылат маалыматта.

Мындай аракет автоунаа жолуна таш кулап кетүү кооптуулугун алдын алуу максатында жасалууда.

25
Белгилер:
Боом капчыгайы, Кыргыз темир жолу, таш кулатуу
Тема боюнча
Бишкекте үч көпүрө курулуп жатат. Чоо-жайы

Күнгө чагылышкан алтын күз. Бишкектин көз талдырган видеосу

60
Борбор калаада узаган жума ичинде күн жылуу болду. Аба ырайынын температурасы 19 градуска жетип, шаардыктар кечээ эле жеңил кийинип жүрүшкөн.

Күз келгени бирде ысыса, бирде сууп аба ырайы өзгөрүлмөлүү болууда. Кечээ, 21-октябрда, күн чайыттай ачылып, түркүн түскө боёлгон бак-дарактар шаардын көркүн арттырды.

Бирок жума соңунда аба ырайы сууй түшкөнү менен синоптиктер айдын аягында күн кайра жылый турганын кабарлады.

60
Белгилер:
Бишкек, күз, аба ырайы
Тема боюнча
Гүл жайнаган Бишкекке жааган кар. Шаардын асмандан тартылган видеосу
Министрлер кабинетинин төрагасы Акылбек Жапаров өлкөдөгү банктардын жетекчилери менен жолугушту

Акылбек Жапаров банк жетекчилери менен көмүскө экономиканы талкуулады

31
(жаңыланган 16:14 22.10.2021)
Жолугушууда накталай эмес төлөмдөрдүн үлүшүн жогорулатуу жана экономиканы көмүскөдөн алып чыгуу боюнча сөз болгон.

БИШКЕК, 22-окт. — Sputnik. Министрлер кабинетинин төрагасы Акылбек Жапаров өлкөдөгү коммерциялык банктардын жетекчилери менен жолугушту. Бул тууралуу өкмөттүн маалымат кызматынан кабарлады.

  • Бизнес-завтрак руководителей коммерческих банков с кабинетом министров. 22 октября 2021 года
    Министрлер кабинетинин төрагасы Акылбек Жапаров өлкөдөгү коммерциялык банктардын жетекчилери менен жолугушту
    © Пресс-служба правительства / Алишер Алиев
  • Участники бизнес-завтрака руководителей коммерческих банков с кабинетом министров. 22 октября 2021 года
    Жолугушуунун негизги максаты накталай эмес төлөмдөрдүн жана эсептешүүлөрдүн үлүшүн жогорулатуу болгон
    © Пресс-служба правительства / Алишер Алиев
  • Участники бизнес-завтрака руководителей коммерческих банков с кабинетом министров. 22 октября 2021 года
    Жапаров экономиканы көмүскөдөн алып чыгуу үчүн ачык-айкындуулук керек экендигине токтолгону айтылат
    © Пресс-служба правительства / Алишер Алиев
1 / 3
© Пресс-служба правительства / Алишер Алиев
Министрлер кабинетинин төрагасы Акылбек Жапаров өлкөдөгү коммерциялык банктардын жетекчилери менен жолугушту

Жолугушуунун негизги максаты накталай эмес төлөмдөрдүн жана эсептешүүлөрдүн үлүшүн жогорулатуу болгон. Жапаров экономиканы көмүскөдөн алып чыгуу үчүн ачык-айкындуулук керек экендигине токтолгону айтылат.

"Эң алдыңкы технологиялар ар дайым банктарда болгон. Биз накталай эмес эсептешүүлөрдүн үлүшүн жогорулатууну стимулдаштыруу иши министрлер кабинетинин карамагында болуусун каалайт элек. Алсак, Казакстанда салыктарды чогултуу банктардын биринин телефондогу тиркемесине жараша жогорулаган. Анда адамдар базардагы азык-түлүктөр үчүн да ал тиркеме аркылуу эсептеше баштады. Банктар жаңы технологияларды киргизүүдө жардам берет деп ишенем. Министрлер кабинетинин алдыга койгон милдеттерине толугу менен жетишүүгө болот", — деген Жапаров.

Министрлер кабинетинин төрагасы банктардын сунушун эске алуу менен накталай эмес эсептешүүлөрдүн үлүшүн жогорулатуу боюнча чаралар кабыл алынарын убадалаган.

31
Белгилер:
коммерциялык банктар, жетекчи, Акылбек Жапаров, көмүскө, экономика
Тема боюнча
Акылбек Жапаров жергиликтүү бийликтин колуна канча акча берерин тизмектеди
Таштандыдан мүлккө чейин. Жапаров аткаминерлердин негизги милдетин атады