Электр жабдыктары. Архив

Энергетиктер: кыргызстандыктар электр кубатын чегинен аша колдонууда

909
(жаңыланган 20:59 06.10.2021)
5-октябрь күнү өлкө боюнча ченелген электр энергиясынын көлөмү 32 миллион 476 миң киловатт-саат экенине карабай, 39 миллион 908 миң киловатт-саат колдонулуп кеткен.

БИШКЕК, 6-окт. — Sputnik. Республика боюнча колдонулган электр энергиясынын көлөмү кескин көбөйдү. Бул тууралуу "Кыргызстан улуттук электр тармагы" ААКсынан билдирди.

Компания калкты электр энергиясын үнөмдөөгө чакырат. 5-октябрь күнү өлкө боюнча ченелген электр энергиясынын көлөмү 32 миллион 476 миң киловатт-саат экенине карабай 39 миллион 908 миң киловатт-саат колдонулуп кеткен.

Мекеменин маалыматына караганда, сентябрь айында пайдаланылган электр энергиясы нормадан 890 миллион киловатт-саатка ашып кеткен.

"Токтогул суу сактагычында түзүлгөн кырдаалга байланыштуу калкты электр энергиясын үнөмдөөгө чакырабыз. Зарыл болбогон учурда электр жабдууларын иштетпей эле коюу туура болот”, — деди компаниянын директору Жолдошбек Ачикеев.

Буга чейин Улуттук энергохолдинг кыргызстандыктар электр энергиясына берилген чектен ашып кетип жатканын айтып, бул кышкысын жарык менен камсыздоо иштерине тоскоолдук жаратарын кошумчалаган.

909
Белгилер:
Кыргызстан, электр энергиясы, тартыштык, кайрылуу
Тема боюнча
Энергохолдинг: лимит сакталбай жатканы электр кубатына таасир тийгизиши мүмкүн
Бишкекте түнкүсүн жарык берүүгө чектөө киргизилбей турган болду
Тажикстан Кыргызстан алардан электр энергиясын сатып алып жатканын төгүндөдү
Айыл, суу чарба жана региондорду өнүктүрүү министрлигинин Механизациялоо жана айыл чарбасын энергия менен камсыз кылуу департаментинин директору Нурлан Кожогулов

Кожогулов: 450 техника дыйкандарга жеңилдетилген шартта берилет

1
Айыл, суу чарба жана региондорду өнүктүрүү министрлигинин Механизациялоо жана айыл чарбасын энергия менен камсыз кылуу департаментинин директору Нурлан Кожогулов фермерлер үчүн айыл чарба көргөзмөсү өтөрүн маалымдады.

Бишкек шаарынын эски аянтында 22-24-октябрь күндөрү фермерлер үчүн "АгроТехЭкспо 2021" көргөзмөсү жана "Алтын күз" айыл чарба жарманкеси өтөт. Бул тууралуу Нурлан Кожогулов Sputnik Кыргызстан радиосунда маек куруп жатып билдирди.

Кожогулов: 450 техника дыйкандарга жеңилдетилген шартта берилет

Анын айтымында, аталган көргөзмө республикада сегизинчи жолу өткөрүлүүдө.

"Көргөзмөгө жалпы 200дөн ашык чет элдик жана жергиликтүү компания, ишкерлердин катышуусу күтүлүүдө. Анда дыйкандарга заманбап техникалар, технологиялар, асыл тукум малдын жаңы породалары, жер семирткичтер, вакциналар жана банк кызматтары сунушталат. Мындан тышкары, окутуулар, айыл чарба тармагындагы кызмат көрсөтүүлөр болот. Бул жылы көргөзмөгө асыл тукум малдын породалары боюнча кошумча бөлүм кошулат. Ошондой эле органикалык айыл чарба продукцияларынын жарманкеси өтөт. Аны өндүрүү боюнча мастер-класстар уюштурулат. Мындай көргөзмөлөр жакшы натыйжа берет. Анткени дыйкандар оруп-жыюу иштери жыйынтыкталган соң көргөзмөгө катышып тетиктер, техника боюнча маалымат алып тапшырык беришет. Быйыл лизинг берүү боюнча эки жаңы долбоор киргиздик. Февралда 540 миллион сом, октябрдын башында 446 миллион сом бөлүндү. Жылдын этегине чейин лизингге айыл чарба техникаларын берүүнү 900 миллиондон 1 миллиард сомго жеткирүүнү мерчемдеп жатабыз. Жалпы 450 техника дыйкандарга жеңилдетилген шартта берилет", — деди Кожогулов.

Ошондой эле ал республика боюнча 10 миңден ашык дыйкандын жана 5-6 миң Бишкек шаарынын тургундарынын катышуусу күтүлүп жатканын кошумчалады.

Подкастты толугу менен видеодон көрө аласыз:

1
Белгилер:
Нурлан Кожогулов, дыйкан, техника, шарт
Тема боюнча
Фермерлер Чоң Чүй каналынын суусунан канткенде көз каранды болбойт. Шарты
Төө-Ашууда автоунаа. Архив

Төө-Ашуу менен Суусамырда сак болгула! Милиция айдоочуларга кайрылды

15
(жаңыланган 10:00 22.10.2021)
Кайгуул кызматы айдоочуларды ашууларда ылдамдыкты өтө жогорулатпай, каршы тилкеге чыкпоого чакырды.

БИШКЕК, 22-окт. — Sputnik. Чүй облустук милициясынын Жол кыймылы коопсуздугун камсыздоо башкармалыгы аба ырайы бузулгандыгына байланыштуу айдоочуларды Суусамыр өрөөнү менен Төө-Ашуудан өтүүдө сак болууга чакырды.

Билдирмеге караганда, кайгуул кызматынын өкүлдөрү аталган аймактарда жол тазалоо иштерин көзөмөлдөп, коопсуздукту камсыз кылууда.

"Айдоочулар өтө сак болуп, автоунаалар арасындагы аралыкты сактап, ылдамдыкты жогорулатпай, каршы тилкеге чыкпашы керек!" — деп жазылган маалыматта.

Буга чейин ӨКМ 22-23-октябрда өлкөнүн көпчүлүк аймактарында аба ырайы кескин өзгөрүп, жаан, кээ бир жерлерге кар жаай турганын эскерткен.

15
Белгилер:
Төө-Ашуу, Суусамыр, ашуу, кар, эскертүү, айдоочу
Тема боюнча
Автоунааны кышка даярдоодо биринчи эмнелер маанилүү. Эксперттин кеңеши