Вакцина алып жаткан адам. Архив

Эмдөө жай жүргөн аймактар. Бишкек менен Сүлүктү эң артта

47
(жаңыланган 11:56 07.10.2021)
Бакашова профессордук-окутуучу курамдын, 18 жаштан жогорку окуучулардын арасында эмдөөнүн өзгөчө маанилүү экендигин белгиледи.

БИШКЕК, 7-окт. — Sputnik. Министрлер кабинетинин төрагасынын орун басары Жылдыз Бакашова коронавирус инфекциясына каршы күрөшүү боюнча ыкчам штабдын кеңешмесин өткөрүп, анда эмдөө жай өтүп жаткан аймактар аталды. Бул тууралуу өкмөттүн маалымат кызматы кабарлады.

Президент Садыр Жапаров. Архивдик сүрөт
© Пресс-служба президента КР / Султан Досалиев
Кеңешменин жүрүшүндө жалпы эпидемиологиялык абал, Баткен облусунун билим берүү мекемелеринин вакцинация жүргүзүүгө даярдыгы маселеси жана калкты вакцинациялоо боюнча кампаниянын жүрүшү талкууланды. Шаарлардын мэрлери, райондордун акимдери өз тейлеген участоктору боюнча маалымат беришти.

Бакашова бир катар аймактарда калкты эмдөө темпи төмөн экенин айтты. Алсак, эң төмөнкү көрсөткүчтөр Бишкек шаарында (20%), Чүй облусунда (19%), Баткен (19%) жана Сүлүктү (20%) шаарларында белгиленген.

"Натыйжада Саламаттык сактоо жана социалдык өнүктүрүү министрлигине эмдөө кампаниясын күчтөндүрүү жана президенттин облустардагы өкүлдөрү менен Бишкек, Ош шаарларынын мэрлерине бул маселени жеке көзөмөлгө алуу тапшырылды. Ошондой эле калкты амбулатордук жана стационардык деңгээлдеги тийиштүү медициналык кызмат көрсөтүүлөр менен өз учурунда камсыздоо максатында коронавирус инфекциясы боюнча эпидемиологиялык абалды үзгүлтүксүз негизде мониторингдөө милдеттендирилди", — деп айтылат маалыматта.

Мындан тышкары, Саламаттык сактоо жана социалдык өнүктүрүү министрлигине дарыканаларда жана саламаттык сактоо мекемелеринде коронавирус инфекциясына каршы дары-дармектердин, медициналык шаймандардын, жеке коргонуу каражаттардын тийиштүү корун камсыздоо тапшырылган. Буга катар министрлик кадрлар жетишсиз болгон аймактарга ар кандай профилдеги медициналык кызматкерлерди жөнөтүп турмай болду.

Бакашова профессордук-окутуучу курамдын, 18 жаштан жогорку окуучулардын арасында эмдөөнүн өзгөчө маанилүү экендигин белгиледи. Буга байланыштуу Билим берүү жана илим министрлигине жогорку окуу жайлардын, орто кесиптик окуу жайлардын, мектептердин жана мектепке чейинки билим берүү мекемелериндеги кызматкерлердин арасында түшүндүрүү иштерин жүргүзүү тапшырылды.

Акыркы маалымат боюнча, өткөн суткада республикада 5 998 киши вакцина алса, 4 468 адам экинчи компонентин алды. Жалпы жонунан 645 340 кыргызстандык вакцинаны толук сайдырган.

 

47
Белгилер:
коронавирус, пандемия, Жылдыз Бакашова, эмдөө, вакцина, окуучу, студенттер, медик
Тема:
Коронавируска каршы эмдөө (257)
Тема боюнча
Эмдөө уланууда. Бир суткада 9 153 адам коронавируска каршы вакцина алды
Кайсы маморгандын кызматкерлери көбүрөөк вакцина алып жатат. Рейтинг
Медик коронавируска алынган үлгү менен. Иллюстративдик cүрөт

112 кишиден коронавирус табылып, оору үч бейтаптын өмүрүн алды

25
(жаңыланган 10:08 26.10.2021)
Көз жумгандар коронавируска каршы вакцина албагандыгы айтылды. Пандемия башталгандан тарта дарттан 2 658 адам каза болду.

БИШКЕК, 26-окт. — Sputnik. Өткөн суткада Кыргызстанда 112 кишиден коронавирус аныкталып, 99 бейтап айыкты. Бул тууралуу Республикалык штаб кабарлады.

Жуктургандар:

  • Бишкек – 43;
  • Чүй облусу – 42;
  • Ош облусу – 2;
  • Талас облусу – 3;
  • Ысык-Көл облусу – 11;
  • Жалал-Абад облусу – 7;
  • Баткен облусу – 4.

Ушуну менен өлкөдө илдет илештиргендердин жалпы саны 180 741ге жетти. Анын ичинен 175 196сы айыккан. Бир суткада эмделбегендер арасында үч бейтап коронавирустун курмандыгы болгон. Пандемия башталгандан тарта өлкөдө жалпысынан 2 658 адам каза тапты.

Азыркы тапта стационарда 680, ал эми амбулатордук шартта 687 адам дарыланып жатат.

25
Белгилер:
Кыргызстан, коронавирус, статистика, дарт, бейтап
Тема:
Кыргызстандагы коронавирус
Тема боюнча
Оору күчөдү. Кошумча орун эмнеге кургак учукту алдын алуу борборунда даярдалды?
Көптөрдүн үшүн алган COVID-19дун дельта-штаммынын сүрөтү жарыяланды
Дарыгер антибиотиктер менен. Иллюстративное сүрөт

Дарыгер антибиотик кайсы учурда таптакыр жардам бербесин айтты

45
Адис олуттуу себеби жок учурда антибиотик ичип алса, организм кийин аны тоготпой калышы мүмкүн экенин түшүндүрдү.

БИШКЕК, 26-окт. — Sputnik. Дарыгер жана теле алып баруучу Александр Мясников бронхит болуп, жөтөл кыйнап жатканда антибиотик ичпөөгө чакырды. Бул тууралуу РИА Новости жазды.

"Тамак ооруп же жөтөл кыйнап жаткан учурда антибиотиктин зарылдыгы жок. Бул учурда бир гана жөтөлгө каршы дары-дармектер жардам берет. Анткени көпчүлүк учурда бронхитти инфекция козгобойт", — деди Мясников.

Ошондой эле медик гайморит болуп жатканда дагы антибиотик пайда түгүл, зыян алып келиши мүмкүн экенин билдирди.

"Мен муну көп жолу айттым. Антибиотикти үйдөн дарыгер жазып берген учурда гана ичүү керек. Адатта медиктер антибиотикти ангина күчөп, дене табы 40 градустан түшпөй жатканда, жыныстык органда инфекциялык илдеттер пайда болгондо же пневмония өпкөнүн көпчүлүк бөлүгүн жабыркатканда гана сунушташат", — деди дарыгер.

Сөзүнүн аягында олуттуу себеби жок учурда антибиотик ичип алса, организм кийин аны тоготпой калышы мүмкүн экенин кошумчалады.

45
Белгилер:
дарыгер, антибиотик, жөтөл, бронхит
Тема боюнча
Дарыгер күздөгү уйку басууну кантип жеңсе болорун айтып берди
Бразилиялык мушкер Вагнер Мартинс спортчу Кароль Филасиньски менен жаакка чабышуу турниринде

Бразилиялык 180 килограммдык мушкер жаакка жеп нокаутка түштү. Видео

0
Зулузинью оор салмактагылар арасында ММА беттештерине чыгып таанылган. Ал 2005-жылы россиялык белгилүү спортчу Федор Емельяненко менен кармашкан.

БИШКЕК, 26-окт. — Sputnik. ММА дүйнөсүндө Зулузинью каймана аты менен таанымал бразилиялык мушкер Вагнер да Консейсан Мартинс алакан менен жаакка чабышуу турниринде атаандашына нокаут менен утулду. Бул тууралуу Р-Спорт жазды.

Punchdown аталышындагы турнир Польшада өткөн. Бразилиялык мушкер жергиликтүү спортчу Кароль Филасиньски менен кармашкан.

​Видеодон Зулузиньюну каршылашы сол колу менен чапканда теңселе түшкөнүн, артындагылар кармайын деп, бирок алы жетпей, мушкер жерге кулап түшкөнүн көрүүгө болот.

Зулузинью оор салмактагылар арасында ММА беттештерине чыгып таанылган. Анын салмагы 180 килограмм болсо, бою эки метр. Аралаш мушташ боюнча 23 беттеш өткөрүп, анын 14үн уткан. 2005-жылы россиялык белгилүү спортчу Федор Емельяненко менен кармашып, 26 секундда эле жеңилип калган.

0
Белгилер:
мушкер, турнир, видео, жаакка чабуу
Тема боюнча
"Минип алып" ургулап. UFC мелдешинин урунттуу учурларынын видеосу
UFC: Россия мушкерлеринин мыкты нокауттары. Видео
Хабиб же Майкл Жордандай эле. Лорен Мерфи мушкер Валентина Шевченкого баа берди