Жолдогу автоунаалар. Архив

Камералар чет элдик номерлүү автоунаалардын эреже бузуусун каттайбы? Жооп

125
(жаңыланган 12:09 07.10.2021)
Санариптик өнүгүү министринин орун басарынын айтымында, чет элдик номер тагылган автоунаанын ээлерине айып пул салуу механизми иштелип жатат.

БИШКЕК, 7-окт. — Sputnik. Жол эрежесин бузган чет элдик номерлүү автоунааларды "Коопсуз шаардын" камералары жазат, бирок андай айдоочуларга айып пул салуу механизми азыр иштелип жатат. Бул тууралуу санариптик өнүгүү министринин орун басары Асел Кененбаева Sputnik Кыргызстандын мультимедиалык маалымат борборунда өткөн "Адамды жүзүнөн тааныган камералар — "Коопсуз шаардын" ишке ашып жатышы" деп аталган брифингде айтып берди.

Заместитель министра цифрового развития Асель Кененбаева на брифинге в мультимедийном пресс-центре Sputnik Кыргызстан
© Sputnik / Табылды Кадырбеков
Санариптик өнүгүү министринин орун басары Асел Кененбаева
"Бул чындыгында көйгөй жаратууда. Чет элдик номер тагылган автоунаалардын айдоочуларынын жол эрежелерди бузган учурлары катталып, жазылып калат. Бирок долбоордун алкагында аларды айыпка жыгуу механизми жок. Бирок Жол кыймылы коопсуздугун камсыз кылуу боюнча башкы башкармалыктын башкы ченемдик актылары бар. Анын алкагында иш жүргүзө алышат. Тилекке каршы, мындай автокөлүктөрдүн кайда жайгашканы туурасында эч жерде жазылбагандыктан, буларды табууда кыйынчылыктар жаралат. Анткен менен баары бир айыпка жыгыш үчүн бул багытта иштер жүргүзүлүп жатат", — деп түшүндүргөн Кененбаева.

Учурда аталган маселени чечүү боюнча бир нече варианттардын бар экендиги айтылды.

"ЕАЭБ алкагында мүчө өлкөлөр менен маалымат алмашып, камерага түшүп калган автоунаанын кайда катталганы боюнча табуу жолу бар, же болбосо Чек ара кызматынын алкагында аракет жасаш керек. Дагы бир ирет белгилеп айта кетейин, эреже бузуулар катталып, чогултулуп жатат, бирок калган ишти Жол кыймылы коопсуздугун камсыз кылуу боюнча башкы башкармалык Кайгуул автоунаалардын жардамы менен жасоодо. Алар автоунаанын номерин башка реестрлер топтолгон планшетке киргизип, эреже бузуулар жана төлөнбөгөн айып пулдар боюнча текшерсе болот. Кимдики баары жайында болсо, ага токтомду почта аркылуу жөнөтөт, ал эми жазылган айыпты төлөбөй жүргөндөр боюнча Кайгуул автоунаалары иштеп жатат. Андан ары мындай автокөлүктөрдү айып короого токтотуп, соттук приставдар менен иш алып барышат", — деди Кененбаева.

Ал чет элдик номер тагып алып, жолдо жүрүүнүн эрежесин бузган айдоочуларды айып тарттыруу боюнча механизм иштелип жаткандыгын айтып, буга кызыкдар болгон мамлекеттик органдардын катышып жаткандыгын кошумчалады.

125
Белгилер:
Кыргызстан, Асел Кененбаева, Коопсуз шаар, камера, айып пул
Тема боюнча
"Коопсуз шаардын" экинчи этабы үчүн Мониторинг борбору даярдалды. Сүрөт
"Унаа" автоунааны текшерип жатканда эмнеге сүрөткө тартууда? Түшүндүрмө
"Коопсуз шаардын" көчмө радарлары коюлган жерлердин даректери
Санарип коомчулук 2021 конференциясын банери

Huawei компаниясынын конференциясында санариптик тренддер талкууланат

23
(жаңыланган 21:20 21.10.2021)
Huawei ишканасынын өкүлдөрү "Келечектеги бирдиктүү санарип коомчулук" деп аталган өнүктүрүү стратегиясынын пландары менен бөлүшөт.

БИШКЕК, 21-окт. — Sputnik. Huawei компаниясы 26-27-октябрда жыл сайын болуучу экинчи "Санарип коомчулук 2021" конференциясын (Huawei Digital Community Conference 2021, HDCC) өткөрөт. Бул тууралуу компаниядан билдирди.

Huawei ишканасынын өкүлдөрү Россияда коопсуз жана көз карандысыз экосистема тармагын куруу процессине катышуунун алкагында "Келечектеги бирдиктүү санарип коомчулук" деп аталган өнүктүрүү стратегиясынын пландары менен бөлүшөт.

"Конференция – бул кардарларга жана өнөктөштөргө санарип трансформациясына байланыштуу өзгөрүүлөргө байкоо салууга жардам бере турган ачык платформа. Ошондой эле маалыматтык-коммуникациялык экосистеманы өнүктүрүүнү тездетүү үчүн биргеликте иштөө жана тажрыйба алмашуу каралган. Жарандар онлайн режиминде пленардык сессияны жана форумду көрө алышат жана санарип жаатындагы маселелерди эксперттер менен талкуулоого шарт түзүлөт", — деп айтылат маалыматта.

Конференцияга катышуучуларына дүйнөдө жана Россияда маалыматтык-коммуникациялык технологиялардын өнүгүп жаткан тренддери менен таанышууга мүмкүнчүлүк түзөт. Ошондой эле санарип энергетика, "булут" технологиялары жана уюлдук экосистема боюнча маалымат берилет.

Президент Huawei в Евразии Дэниел Чжоу
© Фото / пресс-служба Huawei / ARSEN GALSTYAN
Huawei компаниясынын Евразиядагы президенти Дэниела Чжоу
"Маалыматтык технология жаатындагы алдыңкы эксперттер менен биргеликте биз ар кандай тармактагы санариптик бизнес-моделдерди колдонуунун практикалык кейстерин изилдейбиз жана санарип технологиялар доорунда бизнести өнүктүрүү үчүн соңку чечимдерди ортого салабыз", — деди Huawei компаниясынын Евразиядагы президенти Дэниела Чжоу.

Иш-чарада маалыматтык-коммуникациялык технология индустриясынын ар кандай аспектилерин талкуулоо үчүн алты темада форум уюштурулат.

Катышуучулар үчүн виртуалдуу көргөзмө зонасы жеткиликтүү болот. Ал жактан Huawei компаниясы өзүнүн ийгиликтүү кардарлары менен өнөктөштөрүнө өнөр жайды санариптештирүү үчүн жасап берген продукциялары көрсөтүлөт. Ошондой эле Huawei эксперттери менен реалдуу убакыт режиминде сүйлөшүүгө шарт түзүлмөкчү.

23
Белгилер:
Huawei, конференция, эксперт, санарип
Тема боюнча
Бишкектин борбордук бөлүгүндө акысыз Wi-Fi зона иштей баштады
Кыргызстанда Илон Масктын Starlink компаниясынын өкүлчүлүгү ачылышы мүмкүн
Аял кол чатыр менен кар жаган учурда. Архив

Жума күнгө карата аба ырайы

30
22-октябрда аба ырайы кескин өзгөрүлүп, көпчүлүк аймактарда мезгил-мезгили менен жаан жаайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 21-окт. — Sputnik. Жума күнү өлкөнүн тоолуу райондорунда кар жаап, жолдорго муз тоңот. Бул тууралуу Кыргызгидромет билдирди.

Абанын температурасы Чүй, Ысык-Көл облустарында +1…+6, Таласта 0…+5, Ош, Жалал-Абад, Баткен аймактарында +4…+9, Нарын өрөөнүндө 0…+5 градус болот.

Күндүн табы Бишкекте +2…+4, Ош шаарында +6…+8 градусту көрсөтөт.

30
Белгилер:
аба ырайы, октябрь, Кыргызстан
Тема боюнча
Ноябрь айында аба ырайы кандай болот. Синоптиктердин божомолу