Маршрутканы аялдамада күтүп аткан жарандар. Архивдик сүрөт

Мэр: Бишкекте мурда 4 миң маршрутка иштесе, азыр 1,6 миңи гана чыгууда

222
(жаңыланган 13:59 07.10.2021)
Азыркы тапта Бишкек шаарында ичи бошураак маршруткалар сейрек кездешет. Мэрдин айтымында, мурдагыга салыштырмалуу маршруткалардын саны кескин азайды.

БИШКЕК, 7-окт. — Sputnik. Бишкектеги маршруткалардын саны 4,1 миңден 1,6 миңге азайды. Бул тууралуу мэр Айбек Жунушалиев брифинг учурунда билдирди.

Анын айтымында, каттамга чыккан автобустардын дагы саны кыскарган.

"2017-жылы борбор калаада 4,1 миң маршрутка эл ташычу. Азыр линияга 1,6 миңи гана чыгып жатат. 2019-жылы автобустардын саны 137ге жеткени менен бузулуп отуруп учурда 87си гана иштөөдө", — деди мэр.

Ал ошондой эле 2017-жылы 103 троллейбус болсо, учурда 130 троллейбус иштеп жатканын кошумчалады.

Жунушалиев жакында эле дагы 210 автобус алынганын эскертип, анын 80-90у гана иштеп жатканын айтты.

"Учурда айдоочулар окутуудан өтүп жатат. Ошондуктан жаңы автобустардын жарымы линияга чыга элек", — деди мэр.

Жунушалиевдин айтымында, транспорт тартыштыгын чечүү үчүн 33 миллион евро бөлгөнү жаткан Евразия өнүктүрүү банкы менен сүйлөшүүлөр жүрүп жатат. Бул каражатка газ менен жүргөн 250-300 автобус сатып алуу пландалууда. Келишим долбоору министрлер кабинетинде каралып жатат.

Мындан сырткары, Азия өнүктүрүү банкы менен электробустарды алуу үчүн 50 миллион долларлык долбоор боюнча иш жүрүп жатканы айтылды.

Мэр газ менен жүргөн автобустар боюнча да көйгөй жаралышы ыктымалдыгын кошумчалады.

"Бишкек автотранспорт ишканасынын "Газпром Кыргызстан" компаниясына 18 миллион сом карызы бар экен. Эгер эртең автобустар токтоп калса ким күнөөлүү болот? Жаңы келген мэрби?" — деди мэр.

Ал ошондой эле "Газпром Кыргызстан" кырдаалга түшүнүү менен мамиле жасашы үчүн сүйлөшүүлөрдү жүргүзүүгө аргасыз болушканын кошумчалады.

222
Белгилер:
Бишкек мэриясы, маршрутка, автобус
Тема боюнча
Бишкекте жол кире үчүн 20 сом талап кылган маршрутка айдоочусуна чара көрүлдү
Мэрия балалуу аялды албай кеткен айдоочу менен маршруттук фирмага айып салды
Кишенчен аял. Иллюстративдик сүрөт

Милиция блогер Гүлзат Мамытбекти 110 миң доллар алган деп кармады

39
(жаңыланган 10:53 26.10.2021)
Арыз жазгандардын айтымында, блогер кыска убакытта ири суммадагы киреше табасыңар деп акча алып, таптырбай кеткен.

БИШКЕК, 26-окт. — Sputnik. Гүлзат Мамытбек деп таанылган блогер Гүлзат Алымкулова кармалды. Бул тууралуу Sputnik агенттигине укук коргоо органдарындагы ишенимдүү адам билдирди.

Маалыматка ылайык, буга чейин Биринчи май РИИБге жети киши Мамытбекти алдамчылыкка айыптап кайрылган. Алардын айтымында, блогер кыска убакытта ири суммадагы киреше табасыңар деп акча алып, таптырбай кеткен. Жалпы 110 миң доллар зыян келтирилгени маалым болду.

Аталган факт Жазык кодексинин "Алдамчылык" беренеси боюнча Кылмыш жана жоруктардын бирдиктүү реестрине катталды.

Шектүү былтыр февраль айында Кыргызстандан чыгып кеткени белгилүү болгон. Июнда ага кылмышка шектелип жатканы боюнча кабар берилген жана сыртынан баш коргоо чарасы тандалып, борбордогу №1 тергөө абагына киргизилмек.

Бирок августта Мамытбекке карата тергөө токтотулган, бул ага издөө жарыяланышы менен байланыштуу болгон.

Кечээ, 25-октябрда, шектүү Кыргызстанга келери менен Биринчи май РИИБдин кызматкерлери тарабынан кармалган. Учурда Бишкек ШИИБдин убактылуу кармоочу жайына киргизилди.

Тергөө уланууда.

39
Белгилер:
блогер, алдамчылык, милиция, кармоо, Гүлзат Мамытбек
Тема боюнча
Кара-Кулжада өзбекстандыктарга жасалма паспорт берип жүргөн адис кармалды
Таанышканына эки күн болгон. Чүйдө кыз ала качты деп төрт киши кармалды
Ноокат райондук администрациясынын башчысы Данир Иманалиев

Иманалиев: акимдердин аймакта "хан" болуусуна бир норма жол бербейт

26
(жаңыланган 10:50 26.10.2021)
Ноокат райондук администрациясынын башчысы Данир Иманалиев акимдердин аймактарда "хан" болуусуна "жаран өзү туулуп өскөн аймакта аким боло албайт" деген норма жол бербей турганын белгиледи.

Акимдердин ыйгарым укуктарынын кеңейиши — бул чоң жоопкерчилик. Аны эбегейсиз бийлик катары баалоонун өзү жаңылыштык. Мындай пикирин Данир Иманалиев Sputnik Кыргызстан радиосунда маек куруп жатып билдирди.

Иманалиев: акимдердин аймакта "хан" болуусуна бир норма жол бербейт

Анын айтымында, эми акимдерден кемчилик кетсе түз эле сөз министрлер кабинетинин төрагасына жана президентке тиет.

"Райондук администрациясынын жетекчиси аймактарда "хан" болуп алат дегенге макул эмесмин. Биринчиден, мыйзамда жаран өзү туулуп өскөн аймакта жетекчилик кызматты аркалай албай турганы жазылган. Бул фундаменталдуу нерсе. Анткени ротация менен башка аймакка барып алып түшпөс жетекчи болууга эч кандай негиз жок. Акимдердин эң негизги максаты — президенттин саясатын жер-жерлерге жеткирип, аймакты өнүктүрүү боюнча милдеттерди аткаруу. Экинчиден, акимдердин ыйгарым укуктарынын кеңейишинин аркасында чоң жоопкерчилик бар. Себеби мындан ары акимдер, жергиликтүү жетекчилер кемчилик кетирсе түз министрлер кабинетинин төрагасына жана президентке сөз тиет. Анын үстүнө бүгүнкү күнү коомчулук кандайдыр бир жеке кызыкчылыктарды ишке ашырууга жол бербейт. Ошондой эле мыйзамда акимдерди иштен алуу механизми так көрсөтүлгөн. Эгерде алар социалдык-экономикалык көрсөткүчтөрдү, мыйзамдарды аткарбаса, ишенимден кетсе иштен алынат", — деди Иманалиев.

Ошондой эле ал мыйзам бийлик вертикалынын бекемдей турганын кошумчалады.

26
Белгилер:
Данир Иманалиев, аким, мыйзамдар, аймактар
Тема боюнча
Жапаров мэр, акимдерди өзү дайындамай болду, акимдин укуругу узарды. Жаңы мыйзам
Алтын куймалары. Архив

Электрондук алтын деген эмне? Кыргызстанда кантип пайда көрсө болот

0
(жаңыланган 11:16 26.10.2021)
Кыргызстанда каражат салуу жана инвестициялоо популярдуу болуп баратат. Sputnik Кыргызстан накталай эмес металлдык эсептин артыкчылыктарын жана кемчиликтерин талдап көрүүнү чечти.

Дүйнөдө накталай эмес металлдык эсеп кеңири тараган. Кыргызстанда мындай кызматты бир нече банктар көрсөтөт.

Накталай эмес металлдык эсеп деген эмне?

Алтындын өзүн сатып албайсыз — аны сиздин эсебиңизге жазып берет. Эгер аталган баалуу металлдын баасы жогоруласа ошондон пайда көрөсүз. Аны өзүңүздүн эле банкыңызга сатсаңыз болот. Алдыда акча салуунун мындай түрүнүн артыкчылык жана кемчиликтерин талдап, алтынга болгон бааны билип көрөбүз.

Алтындын наркы дүйнөлүк котировкадан көз каранды, андыктан Лондондун баалуу металлдар рыногу ассоциациясынын кечки фиксингине таянып бааны белгилейбиз. Жыл башында троялык унциянын (31,1 грамм) наркы олку-солку болуп, бирок жалпы трендде төмөндөдү. Январдан 22-октябрга чейин унция 1943,2 доллардан 1808,25ке чейин түшүп кетти.

Быйыл эле арзандаганы болбосо, буга чейин тынымсыз кымбаттап келгенин белгилей кетүү керек. Мисалы, өткөн жылдын башында унция 1527,1 доллар турса, 2019-жылдын январында 1282,9 долларга бааланган. Башкача айтканда, быйыл арзандаса да мурунку жылдарга салыштырмалуу баасы түшкөн жок.

Артыкчылыгы

Накталай эмес металлдык эсеби барлар алтын куймаларынын ээлериндей болуп баалуу металлын урдап кетет деп кооптонбойт. Демек, сактоо жагынан кооптуулук жок.

Накталай эмес эсептен сатып алынган алтын берки куймаларга караганда арзан болот. Себеби аны жасоо жана транспорт менен ташууга акча кетпейт. Мисал үчүн бир грамм куйма 6400 сомдон жогору, ал эми электрондук алтын 5200 сомго чукул турат. Ири куймаларда мындай айырма жок, бирок сиз анчалык көп өлчөмдө алууга чамаңыз жетеби?

Көл жээкте эс алып жаткан кыз. Архив
© Sputnik / Константин Михальчевский
Жеткиликтүү. Улуттук банктан эң азы бир грамм алтын сатып ала аласыз, ал эми накталай эмес металлдык эсептин алкагында 0,1 грамм сатып алуу мүмкүнчүлүгү бар.

Албетте, алтын эле эмес, платина, күмүш да сатып алса болот. Бул ыңгайлуу, себеби алардын баасы арзан, ошондой эле бир гана баалуу металлдын наркына көз карандуулук жаралбайт.

Салымдардын диверсификациясы. Мисалы, эгер сомдун курсу түшүп баратса, алтындын баасы өсөт. Мындай жол менен накталай эмес металлдык эсеп сомдун кунунан жоготкон акчанын ордун жаап берет.

Өтүмдүүлүгү жогору (ликвиддүү) — алтынды бардык банкка жумушчу күндөрү барып сатып, накталай акчасын ала аласыз. Ошол эле учурда финансылык мекемелерге барбай деле сатсаңыз болот. Ал үчүн накталай эмес металлдык эсеп уланган карточка жасатышыңыз керек, алтын ошол убактагы баа менен электрондук түрдө сомго конвертация болот.

Кемчилиги

Накталай эмес металлдык эсепте куймаларга караганда сатып алуу менен сатуунун ортосундагы айырма жогору.

Салыштыруу үчүн 25-октябрга карата маалыматты көрсөтөлү:

  • Улуттук банкта куйма: сатып алуу — 6 442 сом, сатуу — 6 410,5 (айырма 31,5 сом);
  • Накталай эмес металлдык эсеп "А" банкында: сатып алуу — 4 590, сатуу 5 190 (айырма 600 сом);
  • Накталай эмес металлдык эсеп "Б" банкында: сатып алуу — 4 735,27, сатуу 5 046,66 (айырма 311,4 сом).

Башкача айтканда, мындан пайда көрүү үчүн алтындын баасы өсүп турушу керек.

Накталай эмес металлдык эсеп камсыздандырылган эмес. Мамлекет салымдын 200 миң сомго чейинки суммасын сактоого кепилдик берет, эгер банкта жагымсыз жагдай жаралган болсо, электрондук алтынды кайтарып алуу оңойго турбайт.

Накталай эмес металлдык эсептен (куймалардан) депозит сыяктуу пайда көрүүгө эч ким кепилдик бербейт. Эгер алтын кымбаттаса жакшы, кокус арзандап кетсе артка кетесиз.

0
Белгилер:
алтын, металл, эсеп, артыкчылык, кемчилик, пайда, Улуттук банк
Тема боюнча
Кыргызстан августта чет жакка былтыркыдан 40 эсе аз алтын экспорттоду