Дүйнөлүк банктын Сүт секторунун өндүрүмдүүлүгүн комплекстүү жогорулатуу долбоорунун жетекчиси Төрөгул Беков. Архивдик сүрөт

Парламентте "уйдун атасы, апасы" деген агроном депутаттарды таң калтырды

1105
(жаңыланган 15:46 07.10.2021)
Агрономдун айткан сөзүнө таң калган депутат "кайсы ири мүйүздүү малдын атасы, апасы болот?" деп сурады.

БИШКЕК, 7-окт. — Sputnik. Парламентте "уйдун атасы, апасы" деп сүйлөгөн агроном депутаттарды таң калтырды.

Дүйнөлүк банктын "Сүт секторунун өндүрүмдүүлүгүн комплекстүү жогорулатуу" долбоорунун жетекчиси Төрөгул Беков малдын асыл тукумдуулугу тууралуу Экмат Байбакбаевдин суроосуна жооп берген.

"Апасы жылына 2000 литр сүт берип жатат, атасы 11,5 миң литр сүт берген бука болуп жатат (бука породасындагы уйлар — ред.). Биз жасалма уруктандыргандан кийин алардын музоолору 4,5 миң литр сүт берет деп ойлойбуз. Биз сапатка өтүп жатабыз", — деди Беков.

Андан соң сөзүнө түшүнбөгөн Аалы Карашев "малдын да атасы, апасы болобу?" деп таң калып, кайсы ири мүйүздүү малдын атасы, апасы болоруна кызыкты.

Мындан улам Бековдун кесибин сурады эле, ал тоют өндүрүү боюнча агроном экенин айтты.

"Бир зоотехникти алып келбейсиңерби, "атасы, апасы" дебей "саан уй, бука" деп айткыла да", — деди Карашев.

Анда Төрөгул Беков бир орун басары зооинженер, экинчиси ветеринардык дарыгер экенин айтты.

Учурда парламент Дүйнөлүк банктын "Сүт секторунун өндүрүмдүүлүгүн комплекстүү жогорулатуу" долбооруна кошумча каражат тартуу боюнча макулдашууну ратификациялоо мыйзамын карап жатат.

1105
Белгилер:
агроном, Төрөгул Беков, Сүт, бука, уй
Тема боюнча
Момбеков: кышка эмес, кадрга кам көрүшкөн, Чүйдүн жарымы жарыксыз отурат
Депутат: Марипов эмнеге кортеж менен жүрөт, ал президенттин жардамчысы эле да
Кыз электрондук тамеки менен. Архив

Электрондук тамеки менен кальяндын салыгы 10 эсе жогорулайт. Жаңы кодекс

26
Салыктык ставкалар кадимки тамеки менен теңделип, натыйжада жылына бюджетке кошумча 50 миллион сом түшөрү болжолдонууда.

БИШКЕК, 28-окт. — Sputnik. Кальян, электрондук тамеки, вейп сыяктуу тамекини алмаштыруучу каражаттардын акциздик салыгы 10 эсеге жогорулайт. Бул туурасында жаңы Салык кодексинин долбоорунда жазылган.

Ага ылайык, 1 000 даанасына 2 250 сомго чейин (ысытылуучу тамеки таякчалар, ысытылуучу тамеки капсулалары жана башка) акциз салыгын көбөйтүү, башкача айтканда, кадимки тамекинин салыгы менен теңдөө каралууда.

"Азыркы учурда тамекини алмаштыруучулар кеңири колдонулууда, салык салуу шарттарын теңдөө үчүн аталган категориядагылардын акциз салыгынын ставкасын жогорулатуу боюнча чечим кабыл алынды. Бир даана ысытылуучу тамекиге болгон акциз салыгы кадимки чылымдын акциз салыгынан 10 эсеге аз. Салыкты көтөрүүнүн натыйжасында жылына бюджетке кошумча 50 миллион сом түшөрү болжолдонууда", — деп жазылган долбоордо.

Ошондой эле мындай норманы киргизүүгө жакында коомдук жайлар менен мекемелерде чылымдын бардык түрүн чегүүгө тыюу салган мыйзам кабыл алынганы да түрткү болгон.

26
Белгилер:
кальян, салык кодекси, электрондук тамеки
Тема боюнча
Жапаров бюджетти 400 млрд. сомго чыгаруу үчүн каяктан акча табарын айтты. Видео
Instagram да, блогер да салык төлөйт. Жаңы кодекске кошулган берене
Көмүр саткан жайларга рейд жүргүзүлүүдө

Чүйдө көмүр саткан жайларга рейд жүргүзүлүүдө. Сүрөт

45
(жаңыланган 16:57 28.10.2021)
Текшерүүгө Монополияга каршы жөнгө салуу мамлекеттик агенттиги менен Экономика жана коммерция министрлигинен тышкары бир катар мамлекеттик жана муниципалдык органдардын кызматкерлери чыкты.

БИШКЕК, 28-окт. — Sputnik. Бишкектин төмөнкү жагындагы айланма жолдогу жана Сокулук районундагы көмүр саткан жайларда рейд жүргүзүлүүдө. Бул тууралуу Монополияга каршы жөнгө салуу мамлекеттик агенттиги кабарлады.

Рейды по урегулированию цен на уголь на топливных базах и стационарных точках объездной дороги Бишкека и в Сокулукском районе. 28 октября 2021 года
© Фото / пресс-служба ГААР при ПКР
Бишкектин төмөнкү жагындагы айланма жолдогу жана Сокулук районундагы көмүр саткан жайларда рейд жүргүзүлүүдө

Текшерүүгө аталган агенттиктен, Экономика жана коммерция министрлигинен тышкары бир катар мамлекеттик жана муниципалдык органдардын кызматкерлери чыкты.

"Сатуучуларга көмүрдүн баасы көтөрүлбөшү керектиги тууралуу түшүндүрүү иштери жүргүзүлдү", — деп айтылат билдирүүдө.

Сатуучулар мыйзамды бузуу менен мындан ары дагы бааны жогорулатса жоопко тартылары боюнча эскертүү берилди.

Эске салсак, буга чейин Кыргызстандын аймагында көмүрдүн баасын мамлекет убактылуу жөнгө салып турмай болгон.

Аталган чечим көмүрдүн баасынын өсүү темпин кармап туруу, 2021-2022-жылдагы күз-кыш мезгилинен өтүүдө калкты көмүр менен өз убагында туруктуу камсыз кылуу максатында кабыл алынган.

45
Белгилер:
Чүй облусу, Бишкек, көмүр, баа, рейд
Тема боюнча
Бийлик Бишкек менен аймактарда көмүрдүн баасын бекитти. Канчадан ашпаш керек?