Ош шаарынын стилин иштеп чыгууга сынак жарыяланды. Жеңүүчү 100 миң сом алат
16:46 07.10.2021 (Жаңыртылды: 22:59 15.12.2021)
© Фото / Михаил Дудин
Жазылуу
Жеңүүчүгө 100 миң сом, экинчи орунду ээлегенге 50 миң сом берилет. Сынакка катышуучу эмгектер 1-ноябрга чейин берилиши зарыл. Сынактын жыйынтыгы 5-ноябрда чыгарылат.
Ош шаарынын мэриясы калаанын фирмалык стилин иштеп чыгуу үчүн Ош — Silk Road Provider деген аталышта сынак жарыялады. Шаар мэри Алмаз Мамбетовдун буга байланышкан кайрылуусу муниципалитеттин социалдык баракчасына чыкты.
Сынактын шарттары:
- конкурска Кыргызстандын резиденттери жана резиденти болбогон юридикалык жана жеке жактар катыша алышат;
- катышуучулардын жаш курагы чектелбейт;
- бүткөн долбоорлорду тапшыруунун акыркы мөөнөтү 1-ноябрь саат 18:00гө чейин;
- визуалдаштыруу боюнча сынакка катышуу үчүн берилген эмгектер jpeg форматында болушу керек;
Ош брендинин визуалдаштыруу боюнча сунуштардын саны чектелбейт;
- техникалык тапшырма алуу үчүн катышуучу толук аты-жөнүн, телефон номерин жана электрондук почта аркылуу maksatchaki@mail.ru e-mail дарегине "Техникалык тапшырма" деп белгилеп, сурам жөнөтүшү керек;
- иштелип чыккан долбоордук эскиздерди аты-жөнүн жазып жана "Бренд города ОШ" деп белгилөө менен maksatchaki@mail.ru дарегиндеги почтага жиберүү керек. Сынакка жиберилгендер рецензияланбайт жана кайтарылбайт.
- сынакта жеңген эмгектер авторлор менен түзүлгөн келишимден кийин мэриянын менчиги болуп калат;
- катышуучулар өз эмгектерин комиссиянын талабы боюнча Corel Draw, jpeg, pdf форматтарында тапшырышы керек.
Жеңүүчүгө 100 миң сом, экинчи орунду ээлегенге 50 миң сом берилет. Сынактын жыйынтыгы 5-ноябрда чыгарылат.
