Түнкү Бишкек. Архив

Жарыктын өчүрүлүшү "Коопсуз шаардын" ишине таасир этеби?

295
(жаңыланган 20:08 07.10.2021)
Министрдин орун басары жолдордогу жарык стратегиялык пункт катары кабыл алынып, жарык өчүрүлбөй турганына үмүт артарын айтты.

БИШКЕК, 7-окт. — Sputnik. Санариптик өнүктүрүү министринин орун басары Асел Кененбаева жарыктын өчүшү "Коопсуз шаардын" камераларына таасир этер-этпеси боюнча маалымат берди.

Ал Sputnik Кыргызстан агенттигиндеги "Жүздү тааныган камералар. "Коопсуз шаарды" ишке ашыруу" аттуу брифингге катышты.

Министрдин орун басары 4-октябрда Улуттук энергохолдингдин өкүлдөрү тышкы жарыктандыруу өчүрүлбөйт деп айтканын эске салды.

Заместитель министра цифрового развития Асель Кененбаева на брифинге в мультимедийном пресс-центре Sputnik Кыргызстан
© Sputnik / Табылды Кадырбеков
Санариптик өнүктүрүү министринин орун басары Асел Кененбаева
"Ушул себептен биздин камералар иштей берет деген үмүттөбүз. Камералар инфракызыл жарыктандыруу модулдары менен жабдылгандыктан түнкүсүн дагы эреже бузууларды каттай алат. Бирок ишке жол белгилеринин сапаты жана башка факторлор дагы таасир этет", — деди Кененбаева.

Министрдин орун басары жолдордогу жарык стратегиялык пункт катары кабыл алынып, жарык өчүрүлбөй турганына үмүт артарын кошумчалады.

295
Белгилер:
Коопсуз шаар, камера, жарык өчүрүү
Тема боюнча
Камералар чет элдик номерлүү автоунаалардын эреже бузуусун каттайбы? Жооп
"Коопсуз шаардын" айып пулдары кайда кетет. Министрлик түшүндүрмө берди
Энергетиктер: кыргызстандыктар электр кубатын чегинен аша колдонууда

Ижарага батир издеп жүрөсүзбү? Октябрдагы баалар

4
Октябрда Бишкектеги "элиткалардын" ижара акысы кымбаттады. Башкаларга салыштырмалуу жеке типтеги үч бөлмөлүү батирлер арзандаган.
Бишкектеги батирлердин октрябрь айына карата ижара акысы  2021

Sputnik Кыргызстан агенттиги ар ай сайын борбор калаадагы батирлердин ижара акысына көз салып, өткөн айдагы баалары менен салыштырып турат.

Бул материалды даярдоо учурунда 641 жарнама каралды. Октябрда деле өткөндөгүдөй эмереги бар жана мейманкана тибиндеги батирлерди изилдеп чыктык.

Бардык типтеги эмереги бар бир бөлмөлүү батирлердин ижара акысы кайрадан жогорулады. Жеке типтеги бир бөлмөлүү батирге мурдагыга караганда 1 100 сом көп төлөөгө туура келет. Үч бөлмөлүү "элиткалар" болсо 2 900 сомго кымбаттады. 105-сериядагы үч бөлмөлүү батирлердин ижарасы орто эсеп менен алганда 2 300 сомго өстү.

Жеке типтеги эки бөлмөлүү үйлөр 1 800дөй сомго арзандады. Ушул эле категориядагы үч бөлмөлүүлөр 2000 сомго төмөндөдү.

Окурмандардын ыңгайы үчүн түрдүү типтеги бир, эки жана үч бөлмөлүү батирлердин (104, 105, 106-серия, "элитка", жеке тип) орточо ижара баасынын диапазонун көрсөтүп бердик.

Ачык маалымат булактарына таянсак, октябрь айында Бишкектеги эмереги бар бир бөлмөлүү батирлердин ижара акысы төмөнкүдөй болду:

  • 104-серия — 15 800 сом (13 000ден 22 000ге чейин);
  • 105-серия — 15 900 (11 000ден 25 000ге чейин);
  • 106-серия — 16 200 (14 000ден 20 000ге чейин);
  • жеке типтегилер — 17 600 (7 000ден 29 700гө чейин);
  • "элитка" — 27 800 (17 000ден 42 400гө чейин);
  • жеке типтегилер — 7 400 (6 000ден 11 000ге чейин).

Эмереги бар эки бөлмөлүү батирлердин орточо баасы:

  • 104-серия — 20 200 сом (15 000ден 26 000ге чейин);
  • 105-серия — 20 100 (13 000ден 29 700гө чейин);
  • 106-серия — 22 200 (15 000ден 29 700гө чейин);
  • жеке типтегилер — 23 600 (15 000ден 35 000ге чейин);
  • "элитка" — 45 100 (25 000ден 84 800гө чейин).

Эмереги бар үч бөлмөлүү батирлердин орточо баасы:

  • 104-серия — 24 700 сом (18 000ден 29 700гө чейин);
  • 105-серия — 29 300 (20 000ден 42 400гө чейин);
  • 106-серия — 28 900 (20 000ден 40 000ге чейин);
  • жеке типтегилер — 28 200 (20 000ден 42 400гө чейин);
  • "элитка" — 68 400 (33 900дөн 127 200гө чейин).

4
Белгилер:
Бишкек, батир, ижара, эмерек
Тема боюнча
Бишкектеги батирлердин сентябрдагы ижара акысы
Шам жандырып жаткан аял. Архив

Эртең Бишкектин айрым көчөлөрү менен конуштарында жарык өчөт. График

3
(жаңыланган 17:55 28.10.2021)
Бригадалар үйлөрдүн ичиндеги түйүндөрдү оңдоп, зым тартат. Ошондой эле трансформаторлорду карап чыгышат.

БИШКЕК, 28-окт. — Sputnik. Бишкектин кээ бир аймактарында эртең, 29-октябрда, жарык өчөт. Бул тууралуу "Түндүк электр" ишканасы билдирди.

Жарык берүү үзгүлтүккө учурай турган аймактар:

  • 9:00-17:00 — Фрунзе, Ала-Арча, Бөкөнбаев көчөлөрүнүн бөлүктөрүндө, Жибек Жолу проспектинде, Ак-Босого (Чүй, 19, 23) конушунда;
  • 9:30-11:30 — Рухий-Мурас конушунда;
  • 9:30-13:30 — Алтын-Ордо (2-4-көчөлөр) конушунда;
  • 9:30-17:00 — Осмонкул, № 295;
  • 9:30-18:00 — Арча-Бешик (Чортеков, Кең-Кол, Кең-Суу), Ак-Босого (Чүй, 4) конуштарында;
  • 9:30-19:00 — Токомбаев, Жукеев-Пудовкин, Дачный көчөлөрүнүн бөлүктөрүндө, Дачный, Арал туюк көчөлөрүндө;
  • 11:30-13:00 — Туңгуч кичи районунда, № 5-8, 21, 23, 25, 27, 36, 36/1а, 36/1а, 37, 39;
  • 13:00-15:00 — "Туңгуч" кичи районунда, № 16/1, 17/2, 1-4, 12, 15, 17, 19;
  • 13:00-18:00 — Пушкин, Рыскулов, Павлов, Чымкент, Кулиев, Чүй көчөлөрүнүн бир бөлүгүндө, Краснознаменный туюк көчөсүндө;
  • 14:00-18:00 — Ак-Босого (Чүй 29, 30) конушунда;
  • 15:30-17:30 — Медеров, Найманбаев, Суванбердиев, Матросов, Скрябин көчөлөрүнүн бир бөлүгүндө, Елецкий туюк көчөсүндө.
3
Белгилер:
Бишкек, жарык берүү, 'Түндүк Электр' ишканасы
Тема боюнча
Жаан жаайбы? Дем алышка карата аба ырайы