Кыз салмагын өлчөп жатат. Иллюстративдик сүрөт

Дарыгер арыктайм дегендердин негизги катасын атады

194
Эндокринолог эртең мененки боткого быштак, жумуртка, тооктун эти сыяктуу белоктуу тамактарды аралаштыруу керек экенин билдирди.

БИШКЕК, 8-окт. — Sputnik. Тамак-ашта белоктун жоктугу салмак таштоого тоскоол болот. Бул тууралуу медицина илимдеринин кандидаты, эндокринолог Зухра Павловага таянуу менен РИА Новости жазды.

Адис эртең менен боткону сууга бышырып, ак майга аралаштырып жеген бейтабын мисал келтирген. Спорттук көнүгүү жана дары-дармек менен салмак таштаса да аялдын майы көбөйүп, булчуң эти кичирейген. Дарыгер бул белоктун жоктугунан болгонун айтат.

"Жумуртка жакпаса быштак, аны да жей албасаңар кайнатылган тоок этин жегиле. Ботконун өзүн эле колдонбош керек", — деген адис.

Ал ошондой эле ботконун өзү арыктатпай турганын айтып, анын ордуна жашылча-жемишти пайдаланууга кеңеш берген.

Мындан сырткары, дарыгер азык-түлүктүн энергиялык баалуулугуна көңүл бурууга жана бир гана спорттук көнүгүүнүн жардамы менен арыктайм дегенден алыс болууга чакырган.

194
Белгилер:
дарыгер, арыктоо, салмак, белок, тамактануу
Тема боюнча
Көз кургап, тери бузулуп... Организмге А витамини жетишпесе эмне болот
Диетолог организмди токсиндерден тазалай турчу азыктарды атады
Whatsapp логотиби. Архивдик сүрөт

Программист мессенжердеги жазышууну толугу менен кантип өчүрүү керектигин айтты

12
Адистин айтымында, мессенжерлер колдонуучулар тууралуу көп жеке маалыматтарга ээ жана анын баары серверде сакталат.

БИШКЕК, 24-окт. — Sputnik. Мессенжердеги маалыматты өчүрүү өтө кыйын, жазышууларды тазалагандан кийин дагы иштеп чыгуучунун серверинде калып калат. Бул тууралуу "Прайм" агенттигине "ИТ-Резерв" компаниясынын директору Павел Мясоедов айтып берди.

Анын айтымында, мессенжерлер колдонуучулар тууралуу көп жеке маалыматтарга ээ жана анын баары серверде сакталат. Ал түшүндүргөндөй, жазышууда система билдирүүнү алгач иштеп чыгуучунун инфраструктурасына жиберет, андан кийин гана маектешип жаткан кишиге жөнөтүлөт.

"Жазышууну уюлдук телефондон же башка жактан өчүрүүнүн пайдасы жок. Муну менен аны түп-тамырынан бери өчүрө албайбыз", — деди программист.

Адистин айтымында, маалыматтарды ортомчусуз алмашууга мүмкүн, ал үчүн атайын программаларды көчүрүү керек. Маселен, peer-to-peer протоколдору боюнча иштеген программалар бар.

12
Белгилер:
программист, жазышуу, өчүрүү
Тема боюнча
Facebook өзүнө таандык WhatsApp мессенджериндеги жазышууларды окуйт. Максаты
WhatsApp сүрөт менен видеону сапаттуу жөнөткөнгө мүмкүнчүлүк түзөт
Москва шаары. Архивдик сүрөт

Эртең "Көл" тасмасы Москвада көрсөтүлөт

17
"Көл" — драмалык жанрда Ысык-Көлдө тартылган тасма. Сюжетинде ыйык көлдө балык түрүндө жашаган байыркы ата-бабалардын жан дүйнөсү тууралуу уламыш баяндалат.

БИШКЕК, 24-окт. — Sputnik. Эртең, 25-октябрда, Москва шаарында кыргызстандык режиссёрдун "Көл" аттуу кинофильми алгачкы ирет көрсөтүлөт. Бул тууралуу Кинематографты колдоо фондунан кабарлады.

Картина РФтин Кинематографисттер союзунун Кино үйүндө Россиядагы кыргыз кино күндөрүнүн алкагында коюлмакчы.

Кирүү акысыз, каалоочулар бул тиркеме аркылуу каттоодон өтүп коюшу керек.

"Көл" — драмалык жанрда Ысык-Көлдөн тартылган кинокартина. Сюжетинде ыйык көлдө балык түрүндө жашаган байыркы ата-бабалардын жан дүйнөсү тууралуу уламыш баяндалат.

Кинонун сценарийин Эрке Жумакматова менен КРдин эмгек сиңирген артисти Эмил Атагелдиев жазган. Башкы ролдорду Артыкпай Сүйүндүков, Болот Тентимишов, Малика Айдабосунова, Айнура Качкынбек кызы, Санжар Өмүрбаев аткарган. Фильм бир катар эл аралык сыйлыктарга көрсөтүлүп, жеңүүчү да болгон.

17
Белгилер:
Москва, 'Көл' тасмасы, бет ачар, маданият, Кыргызстан
Тема боюнча
Россиялык тасмага тартылган кыргызстандык курьерди режиссер издеп жатат. Видео
Кыргызстандан барган тасма Алматыда "Мыкты фильм" аталды. Видео