Росгвардиянын кызматкери полициянын автоунаасын жанында. Архив

Элчилик мигранттардын Санкт-Петербургда кармалышы боюнча түшүндүрмө берди

160
(жаңыланган 15:00 08.10.2021)
Россия ИИМи менен министрликтин Ленинград облусу боюнча башкы башкармалыгы чет өлкөлүк жарандар тарабынан жасалган кылмыштардын алдын алуу максатында Санкт-Петербург шаарында 400 чет элдикти текшерген.

БИШКЕК, 8-окт. — Sputnik. Кыргызстандын Россиядагы элчилиги Санкт-Петербург шаарында чет элдиктердин массалык түрдө текшерилиши боюнча түшүндүрмө берди.

Маалыматка караганда, Россия ИИМи менен министрликтин Ленинград облусу боюнча башкы башкармалыгы чет өлкөлүк жарандар тарабынан жасалган кылмыштардын алдын алуу максатында Санкт-Петербург шаарында 400 чет элдикти текшерген.

"Алардын арасындагы Кыргызстандын бир жараны миграциялык мыйзамдарды бузгандыгы аныкталды. Анын Россиядан чыгарылышы күтүлүүдө", — деп айтылат билдирүүдө.

Буга чейин Москванын Шереметьево аэропортунда Кыргызстандын 100гө чукул жараны кармалып, кийин акыры бардыгы өткөрүлгөн. Жарандар ФСБнын Чек ара кызматы тарабынан жүргүзүлгөн текшерүү иштеринен улам кармалып турушкан. Мындай абал Россияга кирүү уруксатынан ажыраган кыргызстандыктардын жеке маалыматтарын өзгөртүп жаткандыгына байланыштуу экени айтылган.

160
Белгилер:
Россия, Кыргызстан, Мигрант, мыйзам, полиция, элчилик
Тема боюнча
ИИМ Россияда спорт менен машыккан мигранттарга түшүндүрүү иштерин жүргүздү
"Россиядагы кыргыздар": Москвада мигранттар үчүн жаңы портал ачылат
КР элчилиги: Россиядагы кыргыз мигранттарынын теңинен көбү аялдар
Аял кол чатыр менен. Архив

Күн кайра ачылабы? Дем алышка карата аба ырайы

70
Апта этегинде кээ бир аймактарга жаан жааса, тоолуу жерлерге кар түшүшү ыктымал. Жекшемби күнү жаан-чачын күтүлбөйт.

БИШКЕК, 22-окт. — Sputnik. Кыргызгидромет ушул аптанын дем алыш күндөрүнө карата аба ырайы божомолун жарыялады.

Билдирмеге караганда, апта этеги кээ бир облустарда жаанчыл болуп, абанын температурасы төмөндөшү күтүлүүдө. Бирок айрым аймактарга жаан жаабайт.

Чүй облусу

23-октябрда түнкүсүн айрым райондордо жаан, тоолуу жерлерге кар жаашы күтүлөт. 23-октябрда күндүз жана 24-октябрда күн ачык болору айтылды.

Талас облусу

Таласта дем алышта жаан-чачын күтүлбөйт. Абанын температурасы 8...10 градус болушу ыктымал.

Ош, Жалал-Абад, Баткен облусу

23-октябрда түнкүсүн кээ бир райондорго жаан, кар жааса, тоолуу жерлерге кар түшүшү күтүлүүдө. Ал эми 23-октябрда күндүз жана 24-декабрда жаан жаабай турганы божомолдонду. Бул аймактарда абанын температурасы 15...17 градуска чейин жылыйт.

Нарын облусу

23-октябрда түнкүсүн кээ бир райондордо жаан, тоолуу жерлерге кар жааса, 23-октябрда күндүз жана 24-октябрда күн ачык болору айтылды. Абанын температурасы 3...8 градус болушу ыктымал.

Ысык-Көл облусу

23-октябрда түнкүсүн көпчүлүк аймактарда жаан, кар, тоолуу райондордо кар жаашы, кээ бир райондордо жаан-чачын катуу жаашы мүмкүн. 23-октябрда күндүз айрым райондордо жаан, кар, тоолуу райондордо кар жаашы күтүлөт. Ал эми 24-октябрда жаан жаабайт. Абанын температурасы 5...10 градуска жылышы ыктымал.

70
Белгилер:
дем алыш, аба ырайы, Кыргызгидромет, божомол, жаан
Тема боюнча
Оору күчөдү, мектептер онлайн окутууга өтөбү? Мэриянын жообу
Ноябрь айында аба ырайы кандай болот. Синоптиктердин божомолу
COVID-19 анализи үчүн кан үлгүлөрү бар медик. Архив

Коронавирус 125 кишиден табылып, 4 киши көз жумду. Соңку статистика

18
(жаңыланган 09:33 22.10.2021)
Илдет илештиргендердин саны күн санап өсүп жатканы байкалууда. Азыркы тапта 639 бейтап ооруканаларда дарыланып жатат.

БИШКЕК, 22-окт. — Sputnik. Өткөн суткада Кыргызстанда 125 кишиден коронавирус аныкталып, 59 бейтап сакайды. Бул тууралуу Республикалык штаб кабарлады.

Жуктургандар:

  • Бишкек – 58;
  • Ош шаары – 3;
  • Чүй облусу – 36;
  • Ош облусу – 5;
  • Талас облусу – 2;
  • Нарын облусу – 1;
  • Ысык-Көл облусу – 12;
  • Жалал-Абад облусу – 4;
  • Баткен облусу – 4.

Ушуну менен илдет илештиргендердин жалпы саны 180 348ге жетти. Анын ичинен 174 934 адам дартты жеңген. Тилекке каршы, бир сутка ичинде төрт бейтап коронавирустун курмандыгы болгон. Аларды кошкондо оору 2 647 адамдын өмүрүн алды.

Азыркы тапта стационарда 639, ал эми амбулатордук шартта 622 адам дарыланып жатканы айтылды.

18
Белгилер:
Кыргызстан, коронавирус, оору, статистика
Тема:
Кыргызстандагы коронавирус жуктуруп алгандар
Тема боюнча
Бишкекте 15-сентябрдан бери 50 окуучу коронавирус менен ооруду
Москвада коронавирустан улам бир катар чектөөлөр кирди. Тизме