Шприц кармап турган дарыгер. Архив

Бишкекте сасык тумоого кабылгандар көбөйдү. Вакцинаны кайдан алса болот

114
(жаңыланган 15:17 08.10.2021)
Бишкек шаары сасык тумоого каршы россиялык өндүрүштөгү "Гриппол плюс" вакцинасынын 14 685 дозасын алды. Учурда тобокел тобуна киргендер биринчи эмделип жатат.

БИШКЕК, 8-окт. — Sputnik. Бишкек шаардык саламаттык сактоо башкармалыгы күндүн кескин сууктаганына байланыштуу курч респиратордук вирустуу оорулар күч алганын кабарлады.

Акыркы бир жумада эле 1466 адамдын сасык тумоо менен ооруганы аныкталган. Ал эми 2020-жылдын ушул мезгилинде 805 кишиден катталган эле.

Муниципалитеттен билдиришкендей, Бишкек шаары сасык тумоого каршы россиялык өндүрүштөгү "Гриппол плюс" вакцинасынын 14 685 дозасын алды.

Бардык үй-бүлөлүк дарыгерлер борбору биринчи кезекте төмөнкү топтогу жарандарга эмдөө жүргүзөт:

  • балдар үйлөрүнүн тарбиялануучуларына;
  • тез-тез ооруп жүргөн балдарга;
  • карылар жана майыптар үйлөрүндөгү жарандарга;
  • 65 жаштан ашкандарга;
  • тез жардам бөлүмдөрүндө, төрөт үйлөрүндө, реанимация бөлүмдөрүндө, БМСЖда иштегендерге.

Ошондой эле сасык тумоого каршы эмдөө жеке медициналык борборлордо дагы акы төлөнүүчү негизде жүргүзүлөт.

Клиникалардын тизмеси:

  • "Малыш";
  • "Гиппократ";
  • "Эдельвейс";
  • "Кроха";
  • "Поликлиника 312";
  • KG медициналык борбору;
  • ЦАДМИР;
  • "Интермедикал".

Мында эмдөөнүн баасы 450 сомдон 700 сомго чейин барат.

Дүйнөлүк саламаттык сактоо уюмунун сунуштарына ылайык, коронавирус инфекциясына жана сасык тумоого каршы эмдөөлөрдүн аралыгы кеминде 14 күн болушу керек.

114
Белгилер:
Бишкек, сасык тумоо, эмдөө, вакцина
Тема боюнча
Гинеколог: коронавируска каршы эмдөө кош бойлуулар үчүн коопсуз
Бишкектеги мектептин жабылышы. Мэрия ата-энелерге кайрылуу жасады

Эртең Бишкектин айрым көчөлөрү менен конуштарында жарык өчөт. График

0
Бригадалар үйлөрдүн ичиндеги түйүндөрдү оңдоп, зым тартат. Ошондой эле трансформаторлорду карап чыгышат.

БИШКЕК, 28-окт. — Sputnik. Бишкектин кээ бир аймактарында эртең, 29-октябрда, жарык өчөт. Бул тууралуу "Түндүк электр" ишканасы билдирди.

Жарык берүү үзгүлтүккө учурай турган аймактар:

  • 9:00-17:00 — Фрунзе, Ала-Арча, Бөкөнбаев көчөлөрүнүн бөлүктөрүндө, Жибек Жолу проспектинде, Ак-Босого (Чүй, 19, 23) конушунда;
  • 9:30-11:30 — Рухий-Мурас конушунда;
  • 9:30-13:30 — Алтын-Ордо (2-4-көчөлөр) конушунда;
  • 9:30-17:00 — Осмонкул, № 295;
  • 9:30-18:00 — Арча-Бешик (Чортеков, Кең-Кол, Кең-Суу), Ак-Босого (Чүй, 4) конуштарында;
  • 9:30-19:00 — Токомбаев, Жукеев-Пудовкин, Дачный көчөлөрүнүн бөлүктөрүндө, Дачный, Арал туюк көчөлөрүндө;
  • 11:30-13:00 — Туңгуч кичи районунда, № 5-8, 21, 23, 25, 27, 36, 36/1а, 36/1а, 37, 39;
  • 13:00-15:00 — "Туңгуч" кичи районунда, № 16/1, 17/2, 1-4, 12, 15, 17, 19;
  • 13:00-18:00 — Пушкин, Рыскулов, Павлов, Чымкент, Кулиев, Чүй көчөлөрүнүн бир бөлүгүндө, Краснознаменный туюк көчөсүндө;
  • 14:00-18:00 — Ак-Босого (Чүй 29, 30) конушунда;
  • 15:30-17:30 — Медеров, Найманбаев, Суванбердиев, Матросов, Скрябин көчөлөрүнүн бир бөлүгүндө, Елецкий туюк көчөсүндө.
0
Белгилер:
Бишкек, жарык берүү, 'Түндүк Электр' ишканасы
Тема боюнча
Жаан жаайбы? Дем алышка карата аба ырайы
Кыз электрондук тамеки менен. Архив

Электрондук тамеки менен кальяндын салыгы 10 эсе жогорулайт. Жаңы кодекс

27
Салыктык ставкалар кадимки тамеки менен теңделип, натыйжада жылына бюджетке кошумча 50 миллион сом түшөрү болжолдонууда.

БИШКЕК, 28-окт. — Sputnik. Кальян, электрондук тамеки, вейп сыяктуу тамекини алмаштыруучу каражаттардын акциздик салыгы 10 эсеге жогорулайт. Бул туурасында жаңы Салык кодексинин долбоорунда жазылган.

Ага ылайык, 1 000 даанасына 2 250 сомго чейин (ысытылуучу тамеки таякчалар, ысытылуучу тамеки капсулалары жана башка) акциз салыгын көбөйтүү, башкача айтканда, кадимки тамекинин салыгы менен теңдөө каралууда.

"Азыркы учурда тамекини алмаштыруучулар кеңири колдонулууда, салык салуу шарттарын теңдөө үчүн аталган категориядагылардын акциз салыгынын ставкасын жогорулатуу боюнча чечим кабыл алынды. Бир даана ысытылуучу тамекиге болгон акциз салыгы кадимки чылымдын акциз салыгынан 10 эсеге аз. Салыкты көтөрүүнүн натыйжасында жылына бюджетке кошумча 50 миллион сом түшөрү болжолдонууда", — деп жазылган долбоордо.

Ошондой эле мындай норманы киргизүүгө жакында коомдук жайлар менен мекемелерде чылымдын бардык түрүн чегүүгө тыюу салган мыйзам кабыл алынганы да түрткү болгон.

27
Белгилер:
кальян, салык кодекси, электрондук тамеки
Тема боюнча
Жапаров бюджетти 400 млрд. сомго чыгаруу үчүн каяктан акча табарын айтты. Видео
Instagram да, блогер да салык төлөйт. Жаңы кодекске кошулган берене