Баткенде селден жабыркагандарга жер берилүү учурунда

Баткенде селден жабыркагандарга жер берилип, жаңы айыл түштү. Сүрөт

251
(жаңыланган 18:36 08.10.2021)
Турак жай салуу үчүн жер тилкесин алып жаткан 75 жаран Баткен жана Лейлектин тургундары болуп саналат. Алар жашоого кооптуу делген аймактардан келишкен.

БИШКЕК, 8-окт. — Sputnik. Жай айында жаратылыш кырсыгынан жапа чеккен 75 жаранга Кадамжай районуна караштуу Бүргөндү айылынын Дюкер участкасынан турак жай үчүн жер тилкеси берилди. Бул тууралуу президенттин Баткен облусундагы ыйгарым укуктуу өкүлчүлүгүнүн маалымат кызматы билдирди.

  • План выделенной земли пострадавшим от наводнения в Баткене. 08 октября 2021 года
    Жай айында жаратылыш кырсыгынан жапа чеккен 75 жаранга Кадамжай районуна караштуу Бүргөндү айылынын Дюкер участкасынан турак жай үчүн жер тилкеси берилди
    © Фото / пресс-служба полпредства президента в Баткенской области
  • Полпред кабмина в Баткенской области Абдикарим Алимбаев во время выделения земель пострадавшим от наводнения, в селе Бургонду Баткенской области. 08 октября 2021 года
    Участкалар өлкө башчынын облустагы өкүлү Абдикарим Алимбаевдин тапшырмасы менен берилди
    © Фото / пресс-служба полпредства президента в Баткенской области
  • Люди во время выделения земель пострадавшим от наводнения, в селе Бургонду Баткенской области. 08 октября 2021 года
    Жерлерди бөлүп берүү иш-чарасына президенттин өкүлү да катышты
    © Фото / пресс-служба полпредства президента в Баткенской области
  • Люди во время выделения земель пострадавшим от наводнения, в селе Бургонду Баткенской области. 08 октября 2021 года
    Айылдын башкы планы даяр. Бүгүнкү күндө 1500дөн ашык адамга турак жай үчүн жер берилген
    © Фото / пресс-служба полпредства президента в Баткенской области
1 / 4
© Фото / пресс-служба полпредства президента в Баткенской области
Жай айында жаратылыш кырсыгынан жапа чеккен 75 жаранга Кадамжай районуна караштуу Бүргөндү айылынын Дюкер участкасынан турак жай үчүн жер тилкеси берилди

Участкалар өлкө башчынын облустагы өкүлү Абдикарим Алимбаевдин тапшырмасы менен берилди. Жерлерди бөлүп берүү иш-чарасына президенттин өкүлү да катышты.

"Облус башчысынын көзөмөлүнүн астында үч райондун элин бир участкага жайгаштырып, жаңы Ынтымак айылы түптөлө баштады. Турак жай салуу үчүн жер тилкесин алып жаткан 75 жаран Баткен жана Лейлектин тургундары. Алар жашоого кооптуу делген аймактардан келишкен. ӨКМ тарабынан аларды коопсуз аймакка көчүрүү чечими чыккан", — деп айтылат билдирүүдө.

Айылдын башкы планы даяр. Бүгүнкү күндө 1500дөн ашык адамга турак жай үчүн жер берилген.

251
Белгилер:
Баткен облусу, жер тилкеси, табигый кырсык
Тема боюнча
Ошто жаш мугалимдерге жер тилке менен үйдүн сертификаттары берилди. Сүрөт
Үй сала турган аймакта жер көчкү коркунучу жок экенин кантип билсе болот
Көмүр саткан жайларга рейд жүргүзүлүүдө

Чүйдө көмүр саткан жайларга рейд жүргүзүлүүдө. Сүрөт

12
(жаңыланган 16:57 28.10.2021)
Текшерүүгө Монополияга каршы жөнгө салуу мамлекеттик агенттиги менен Экономика жана коммерция министрлигинен тышкары бир катар мамлекеттик жана муниципалдык органдардын кызматкерлери чыкты.

БИШКЕК, 28-окт. — Sputnik. Бишкектин төмөнкү жагындагы айланма жолдогу жана Сокулук районундагы көмүр саткан жайларда рейд жүргүзүлүүдө. Бул тууралуу Монополияга каршы жөнгө салуу мамлекеттик агенттиги кабарлады.

Рейды по урегулированию цен на уголь на топливных базах и стационарных точках объездной дороги Бишкека и в Сокулукском районе. 28 октября 2021 года
© Фото / пресс-служба ГААР при ПКР
Бишкектин төмөнкү жагындагы айланма жолдогу жана Сокулук районундагы көмүр саткан жайларда рейд жүргүзүлүүдө

Текшерүүгө аталган агенттиктен, Экономика жана коммерция министрлигинен тышкары бир катар мамлекеттик жана муниципалдык органдардын кызматкерлери чыкты.

"Сатуучуларга көмүрдүн баасы көтөрүлбөшү керектиги тууралуу түшүндүрүү иштери жүргүзүлдү", — деп айтылат билдирүүдө.

Сатуучулар мыйзамды бузуу менен мындан ары дагы бааны жогорулатса жоопко тартылары боюнча эскертүү берилди.

Эске салсак, буга чейин Кыргызстандын аймагында көмүрдүн баасын мамлекет убактылуу жөнгө салып турмай болгон.

Аталган чечим көмүрдүн баасынын өсүү темпин кармап туруу, 2021-2022-жылдагы күз-кыш мезгилинен өтүүдө калкты көмүр менен өз убагында туруктуу камсыз кылуу максатында кабыл алынган.

12
Белгилер:
Чүй облусу, Бишкек, көмүр, баа, рейд
Тема боюнча
Бийлик Бишкек менен аймактарда көмүрдүн баасын бекитти. Канчадан ашпаш керек?
Блогер кыз. Иллюстративдик сүрөт

Instagram да, блогер да салык төлөйт. Жаңы кодекске кошулган берене

92
(жаңыланган 17:09 28.10.2021)
Жаңы кодекс ишке кирсе Google, Яндекс, Facebook, Instagram сыяктуу компанияларга, интернет-дүкөндөргө салык салына баштайт.

БИШКЕК, 28-окт. — Sputnik. Сунушталып жаткан Салык кодексинин жаңы редакциясы "Электрондук коммерция чөйрөсүндөгү ишке салык" деген глава менен толукталды. Бул норма интернет аркылуу товар саткан жана кызмат көрсөткөн тармактарга салык салууну жол-жоболоштурат.

Ошондой эле блогерлер да соцтармактан тапкан пайдасынан салык төлөөгө милдеттендирилет. Бул туурасында Электрондук формада кызмат көрсөтүү терминине түшүндүрмө берген 32-берененин 3-бөлүгүндө жазылган.

Салык кызматынын Методология башкармалыгынын башчысы, кодексти иштеп чыгуу тобунун мүчөсү Нурлан Умтулов бул эки топко бөлүнөрүн билдирди.

Google, Яндекс, Facebook, Instagram сыяктуу компаниялар жарнама жана башка кызматтардан киреше таап жатканы үчүн кошумча нарк салыгын (12 пайыздык ставка) төлөйт. Ал эми Кыргызстанда катталган интернет-дүкөндөр үчүн атайын режим киргизилди, алар пайдасынын 2 пайызын салыкка чегерет. Аталган компаниялар Салык кызматына каттоого турууга милдеттүү болот. Ал эми блогерлер сыяктуу соцтармактан акча тапкан жарандар 10 пайыздык ставка менен киреше салыгын төлөйт.

"Учурдагы салык мыйзамдары боюнча деле блогерлер салык төлөшү керек. Себеби алар кызмат көрсөтүү үчүн акча алып, пайда таап жатпайбы. Андыктан блогерлер да милдеттүү. Болбосо жеке ишкер катары катталып бирдиктүү салык (4 пайыздык ставка менен — ред.) төлөшү керек", — деди Жумалиев.

Салык кодексинин долбоорунун маалыматтык негиздемесинде учурда электрондук коммерция чөйрөсүндөгү иштерге салык салууну башкаруу мүмкүн эместиги, колдонуудагы мыйзамдарда салыктын ушул түрү каралбаганы белгиленген.

Жаңы Салык кодексинин долбоору парламентте биринчи окуудан өттү. Аны 2022-жылдын 2-январынан тарта колдонууга чыгаруу пландалууда.

92
Белгилер:
салык кодекси, блогер, электрондук коммерция, интернет-дүкөн
Тема боюнча
Салык төлөбөгөндөр чет өлкөгө чыга албайт. Сунушталган Салык кодекси