Аял китеп окуу учурунда. Архив

Өзүм үчүн жашагым келет, бирок уул-келинден чочулайм. Жесир аялдын каты

6187
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасына жаштыгын түйшүк менен өткөрүп, эми гана өзү үчүн жашоону каалаган аялдын катын жарыялайбыз.

Саламатсыздарбы! Мен 35 жашымда үч балам менен жесир калдым эле. Анда улуу кызым 11, андан кийинки уулум тогуз, кичүүсү беш жашта болчу. Андан бери 20 жыл өттү. Кудайга шүгүр, балдарым турмуштан өз ордун таап, бапыраган чоң үй-бүлөгө айландык. Кезинде чүрпөлөрүмдү бутка тургузайын деп үч-төрт жумушта иштеген учурум болду. Бирөөнүн жаман сөзүн угузбайын, түрткүнчүк кылбайын деп турмушка да чыккан эмесмин. Чынын айтсам, күйөөнү деле көп каалаган жокмун. Жашоодогу болгон максатым, мүдөөм балдарымдын келечеги болду. Ошону менен жашап, отурсам-турсам тилегим ошол эле. Кудай берип баары мен кыялдангандай. Балдарым эстүү чыгып, орун-очок алышты. Кызымдын барган жери жакшы, кудаларым менен башынан таттуу болдум. Келиндерим да дурус. Азыр неберелерим жыргатып аткан учуру. Иштеген ишим бар, шумдук болуп кетпесем да өзүмө жеткидей акчамды алам. Шартка байланыштуу жалгыз турам. Кичүү уулум жумушунунан улам башка шаарга кетерин айтып келгенде алгач жаман болгом, бирок бара-бара жалгыздыкка да көндүм. Көнмөк тургай бул нерсе мага жага баштады. Анткени кечинде келсең кулак-мээң тынч, үйүң жыйналуу, каалаган тамагымды жасап жеп, каалабасам жасабай коё алат экенмин. Жай отуруп телевизор көрө элегиме көп болуптур. Азыр ойдогу нерсемди көрө алам. Каалаган кишимди ар убакта чакырып, каалаган жериме барып, бир башка дүйнөгө түшүп калгандай эле болуп жатам. Анын үстүнө жашы өтүп калгандар үчүн азыр ар кандай ийримдер көп экен, спорт залга жазылдым, треккингге же жөө саякат деп коет экен, ошого кызыгып жүрөм. Эл-жер көрүүгө кызыкчу элем, өткөндө чет мамлекетке барып келдим. Бирок жакындан бери бир маселе түйшөлтүп келет. Келиним жумушка чыгам деп балдарын мага бактырсам деген оюн кыйытты. Бирок мындай жагдай мага туура келбечүдөй болуп турат, андыктан багарымды да, бакпасымды да айткан жокмун. Эмнегедир менин унчукпаганым балдарыма оор тийгендей. Өткөндө кокустан келинимдин балама "элдин кайненелери эле багат экен балдарын, жашы өтүп калганда үйдө отурсун да..." деп нааразы болуп жатканын угуп калдым. Жашым өтсө өтүп калгандыр, бирок канча өмүр калды ким билет. Мен дагы ошол жашоону жакшы, таттуу жашап өткүм келет. Балдарымдан кантип танайын, бирок мен эч качан өзүмө көңүл бурбаптырмын, түйшүктөн эми кутулуп эс алгым келет. Кудай бүлөдөн айтпагандыр, бирок бактылуу болуш үчүн башка нерселер деле бар экен. Эми канткенде өзүмө каршы келбегидей кылып балдарым менен мамилемди сактап кала алам?..

Психолог Гүлнара Жасоолова:

— Негизи ар бир ата-эне балдарын өздөрү багып, тарбиялап өстүрүүгө милдеттүү. Келиниңиз түз айтпай, "бала карап берүүңүздү" кыйытып айтып, сизден энелик мээрим менен камкордукту да талап кылып жаткан экен. Бул жерде коркуунун кереги жок, сиз да өз мүмкүнчүлүгүңүзгө жараша оюңузду ачык эле айтканыңыз оң болот го. Мындай карап келгенде жагдайыңызды да түшүнүп турам. Жаш кезиңизде бир топ түйшүктү жалгыз тартып, өз балдарыңызды бөпөлөп, мээрим төгүп өстүргөн экенсиз. Азыр кайрадан бала багып, түйшүк менен үйдө отуруп калам го деп кооптонуп турасыз. Алгач коркпостон келин-уулуңуз менен ийри отуруп түз кеңешип, балдарды кайсы убакта карап бере аларыңызды ачык эле айтыңыз. Анткени сизде деле бош убакыт болушу мүмкүн. Анткени дайыма эле саякаттап же эс алууга чыга бербейсиз да. Ошол жагын такташып алган жакшы.

Бирок өзүңүзгө да караңыз. Эгер такыр эле көңүлүңүз келбесе, анда ал жагын да ойлонуп көрүңүз. Анткени өзүн мажбурлап бала караганда да неберелерге толук кандуу мээрим төгө албай калышыңыз ыктымал.

Неберелерди бакпай койсом балдар менен мамилем бузулуп калышы мүмкүн деген ойдон алыс болуңуз. Болгону бош убактыңызды, пландарыңызды ачык айтып, келин-уул менен сүйлөшүп алганыңыз оң.

Кээде адамдын ой жоруму да фантазиялашып кетет. Эгер ачык сүйлөшүүдөн айбыгып, балдарыңыз менен түшүнүшө албай калышым мүмкүн деп кооптонсоңуз, анда психологго келип жеке кеңеш алыңыз.

Жашыңыз бир аз өтүп калганда жалгыздыктан кичине жабыркап калышыңыз мүмкүн, ушул жагын да эске алуу керек деген ойдомун.

6187
Белгилер:
аял, күйөө бала, келин, небере, жашоо, эс алуу
Тема:
Психолог менен баарлашуу (170)
Тема боюнча
Атам менен аялымдын талашынын ортосунда калдым. Айласы кеткен жигиттин каты
Апамды көңүлдөшүнө акчага сатып ийгендей болом... Кыздын каты
Судьянын балкасы. Иллюстративдик сүрөт

Арбитраждык соттордо Кыргызстандын кызыкчылыгын коргоо боюнча план бекитилди

8
(жаңыланган 12:08 26.10.2021)
Планды ишке ашыруу мамлекетти юрисдикциялык жактан коргоону жакшыртып, арбитраждык доолордун потенциалын төмөндөтөт.

БИШКЕК, 26-окт. — Sputnik. Юстиция министрлиги Эл аралык арбитраждык соттордо мамлекеттин кызыкчылыгын коргоо боюнча иш-аракеттер планын бекитти. Бул тууралуу аталган мекеменин маалымат кызматы билдирди.

Кыргызстанга каршы демилгеленген эл аралык арбитраждык доолордун, анын ичинде "Кумтөр" долбоорунун айланасындагы кырдаалдын алкагында Эл аралык арбитраждык жана башка соттук процесстерде мамлекеттин кызыкчылыгын коргоонун натыйжалуулугун жогорулатуу боюнча, ошондой эле жаңы арбитраждык доолордун мүмкүнчүлүктөрүн төмөндөтүү боюнча мөөнөттүү иш-чаралардын планы бекитилген.

Ал төмөнкүлөрдү камтыйт:

  • Мамлекеттин юрисдикциялык иммунитетин күчөтүүгө басым жасоо менен инвестициялык мыйзамдарды өркүндөтүү;
  • Жергиликтүү же эл аралык юристтердин кызмат көрсөтүүлөрүнүн сапатына баа берүү боюнча инструменттерди киргизүү жана чыгымдардын деңгээлине мониторинг жүргүзүү;
  • Эл аралык юристтер менен иштөө үчүн арбитраждык маселелер боюнча жергиликтүү топ түзүү;
  • Жогорку тобокелчилик топтордогу мамлекеттик органдар жана мамкызматкерлер менен талдоо жана түшүндүрүү иштерин жүргүзүү.
"Планды ишке ашыруу мамлекетибизди юрисдикциялык жактан коргоону жакшыртып, Кыргызстанга каршы арбитраждык доолордун потенциалын төмөндөтөт. Учурда Кыргызстанга каршы демилгеленген бардык арбитраждык процесстердин мазмунуна талдоо башталды. Юридикалык өкүлчүлүктүн натыйжалуулук маселелерин жана сапаттын/чыгашанын мониторинг жүргүзүүнүн механизми изилденүүдө. Ошондой эле жаңы арбитраждык доолор үчүн тобокелдиктерди жараткан же Кыргызстандын соттук позициясынын натыйжалуулугун төмөндөткөн системалык себептер аныкталды", — деп айтылат маалыматта.

Ошондой эле ата мекендик эксперттер тобун түзүү жана эл аралык укук, арбитраждык сот өндүрүшү маселелеринде юрист-практиктердин ата мекендик мектебин өнүктүрүүгө басым жасап, эл аралык консультанттар менен иштешүүнүн жаңы форматын киргизүү пландалып жатканы айтылды.

Мындан тышкары, мамлекеттик органдар үчүн маалыматтык жана тренингдик кампаниялар жүргүзүлмөкчү.

8
Белгилер:
Эл аралык арбитраждык сот, план, бекитүү, Кыргызстан, кызыкчылык, коргоо
Тема боюнча
Жапаров жакырлардын укугун коргогон адвокаттардын айлыгын көтөрүүнү тапшырды
Ооруканадагы турган капельница. Архив

"Империя пиццы" кафесинен уулангандардын саны 179га жетти

32
(жаңыланган 11:45 26.10.2021)
Тамакка ууланып кайрылгандардын ичинен 18и балдар экени айтылды. Алардын 12си учурда ооруканада.

БИШКЕК, 26-окт. — Sputnik. Бишкектеги кафеден ролл жеп ууланып ооруканага кайрылган адамдардын саны 179га жетти. Бул тууралуу Саламаттык сактоо министрлиги кабарлады.

Маалымат бүгүн, 26-октябрь, саат 11:00гө карата алынган. Билдирмеге караганда, статистикага Чүй облусу да кошулган. Тамакка ууланып кайрылган 179 адамдын 18и балдар.

Ууланып ооруканада дарыланып жаткандар:

  • Темир жол ооруканасы — 13;
  • 3-шаардык клиникалык балдар ооруканасы — 12;
  • Улуттук госпиталь — 24;
  • Ысык-Атадагы жалпы дарыгердик практика борбору — 1.

Калганы медициналык жардам алган соң үйлөрүнө жөнөтүлгөн.

Эске салсак, 24-октябрда "Империя пиццы" кафесинин тамагына ууланып 12 адам Темир жол ооруканасынын жугуштуу илдеттер бөлүмүнө түшкөн. Анын үчөө жаш бала. Бейтаптар ооруканага 23-24-октябрь күндөрү келе баштаган.

32
Белгилер:
Кыргызстан, Бишкек, тамак, уулануу, суши
Тема:
Бишкектин кафесиндеги массалык уулануу
Тема боюнча
Санэпидкөзөмөл борбору өлкөдөгү тамак-аш сатуучу жайларды текшере баштайт
"Империя пиццы" кафесинин бардык филиалдары убактылуу жабылды