Ысык-Ата районундагы убактылуу кармоочу жайдан качкан 26 жаштагы Тилек Акматов кармалды

Ысык-Атадагы абактан качкан шектүү кармалды. Жайбаракат чыгып кеткен видеосу

984
Кайгуул милициясы шектүү убактылуу кармоочу жайдан айдай качкан унаа менен жүргөнүн билдирди. Учурда ал Свердлов ИИБге алып келинди.

БИШКЕК, 10-окт. — Sputnik. Ысык-Ата районундагы убактылуу кармоочу жайдан качкан 26 жаштагы Тилек Акматов кармалды. Бул тууралуу Бишкек шаардык Кайгуул кызматы кабарлады.

Эске салсак, кармалган адам 10-октябрь күнү эртең мененки саат 07:09дар чамасында качкан. Ал Ленин айылындагы үйлөрдүн бирине уурулукка кирди деген шек менен 8-октябрда колго түшүрүлүп, убактылуу кармоочу жайга киргизилген. Милиция бул ишти Жазык кодексинин 200-беренеси ("Уурулук") боюнча Кылмыш жана жоруктардын бирдиктүү реестрине каттаган.

Шектүүнүн качкан учуру "Короче" Telegram каналына жүктөлдү. Анда ал мекеменин алдын тосуп турган темир тордун ортосунан оңой эле өтүп, сыртка чыгып кеткен. Шашылбастан жайбаракат басып баратканын да көрүүгө болот.

Качкан кишини кармоого Чүй ОИИБдин толук түзүмү тартылып, блокпосттор коюлган.

Кайгуул милициясы шектүү кармалган учурда тиричилик техникасы салынган унааны башкарып баратканын билдирди. Машинаны убактылуу кармоочу жайдан айдай качканы белгилүү болду. Учурда шектүү Свердлов ИИБге алып келинди.

984
Белгилер:
Чүй ОИИББ, милиция, шектүү, качуу, видео
Тема боюнча
Ысык-Атада убактылуу кармоочу жайдан 26 жаштагы шектүү качты. Сүрөтү, белгилери
УКМК: Молдовановкадагы түрмөнүн жетекчиси кармалды. Видео
Кол чатыр көтөрүп баратан жуп. Архив

Ишембиге карата аба ырайы

404
23-октябрда өлкөнүн дыйканчылык аймактарында жаан карга айланып, тоолуу райондордо кар жаайт. Айрым жерлерде батыштан соккон шамалдын ылдамдыгы секундасына 15-20 метрге жетет.

БИШКЕК, 22-окт. — Sputnik. Ишембиде республиканын тоолуу райондорунда жолдорго муз тоңуп, тайгак болот. Бул тууралуу Кыргызгидромет билдирди.

Абанын температурасы Чүй облусунда +6…+11, Талас өрөөнүндө +5…+10, Ош, Жалал-Абад, Баткен аймактарында +9…+14, Ысык-Көлдө +2…+7, Нарында 0…+5 градус болот.

Бишкек жана Ош шаарларында күндүз жаан-чачын күтүлбөйт. Күндүн табы борбордо +9…+11, Ош шаарында +11…+13 градусту көрсөтөт.

404
Белгилер:
аба ырайы, Кыргызстан
Тема боюнча
Күнгө чагылышкан алтын күз. Бишкектин көз талдырган видеосу
Аэропорттогу жүргүнчүлөр. Архив

Россиялыктар арасында бир апталык эс алууда Кыргызстанга келгиси келгендер бар

119
(жаңыланган 23:15 22.10.2021)
Россиядагы коронавируска байланыштуу эпидемиологиялык абал оорлошуп кеткенине байланыштуу өлкө президенти Владимир Путин 30-октябрдан 7-ноябрга чейин дем алыш жарыялаган.

БИШКЕК, 22-окт. — Sputnik. Россиянын саякаттоо сервиси боюнча анализ жүргүзгөн Туту.ру сайты алдыдагы бир апталык деп алышта жарандар кайсы мамлекеттерге көбүрөөк бара турганын жарыялады.

Россиянын жашоочулары 30-октябрдан тарта 7-ноябрга чейин барып келүүнү пландаган алдыңкы 10 мамлекеттин ичинде Кыргызстан дагы бар.

Россиялыктар барууну пландаган өлкөлөрдүн ондугу (эл аралык авиакаттамдарга билет алгандардын жалпы санынан пайыз менен бөлүп көрсөтүлөт):

  • Өзбекстан — 16,6 пайыз;
  • Армения — 14,1;
  • Түркия — 13,5;
  • Кыргызстан — 9,6;
  • Азербайжан — 6,6;
  • Молдова — 6,1;
  • Беларусь — 4,4;
  • Кипр — 3;
  • Казакстан — 2,8;
  • Египет — 1.

Эске салсак, Россиядагы коронавируска байланыштуу эпидемиологиялык абал оорлошуп кеткенине байланыштуу өлкө президенти Владимир Путин 30-октябрдан 7-ноябрга чейин эс алуу жарыялаган. Ошондой эле ал абал жакшырбаса, дем алыштын мөөнөтү узартыларын кошумчалады.

119
Белгилер:
Россия, пандемия, эс алуу, билет, Кыргызстан
Тема боюнча
Россиялыктар коронавирустан улам 30-октябрдан 7-ноябрга чейин эс алмай болду
Москвада коронавирустан улам бир катар чектөөлөр кирди. Тизме
Голос долбоорунун сахнасы. Архив

Кыргызстандык "Голос" шоусуна катышып, Билан менен Агутинди таң калтырды

0
(жаңыланган 00:18 23.10.2021)
Бишкектик ырчы Адилет Жумабековду дароо үч насаатчы командасына алгысы келди. Ал долбоордогу чыгармасын апасына арнаган.

БИШКЕК, 23-окт. — Sputnik. Кыргызстандык Адилет Жумабеков Россиянын "Голос" шоусунун кийинки этабына өттү.

Бул шоуда насаатчылар аткаруучуларды артты карап алып угуп, жакса бурулушат. Адилет кесипкөй ырчы эмес экенин, бирок бир нече аспапта ойной турганын айткан.

"Апам төрт баланы жазгыз өстүрдү. Мен музыкалык окуу жайда окучумун, бирок финансылык кыйынчылыктан улам музыкант, ырчы болуп иштеп кеткем. "Голос" долбоору — менин көптөн берки кыялым", — деген Жумабеков.

30 жаштагы бишкектик ырчы долбоордо Boyz II Men — End of the road ырын аткарды. Ал ырдап жатканда Александр Градский, Леонид Агутин менен Дима Билан бурулуп караган. Залда отургандар да ага кол чаап, "Баракелде!" деген. 

Пелагея кыргызстандык ырчынын аткаруусуна таң берген, Агутин стилин жана тембрин баалаган, Билан дагы аны өз командасынан көргүсү келип жатканын билдирген. Натыйжада Жумабеков Биланды тандаган.

0
Белгилер:
Россия, 'Голос' долбоору, ырчы
Тема боюнча
Бишкекте "Орто Азия романсиадасы" конкурсунун жеңүүчүлөрү аныкталды. Сүрөт