Көмүр кампасы. Архив

Бишкекте кайсы отун базада кандай көмүр бар? Даректер, баасы

2218
Шаардыктар стационардык пунктулардан Кара-Кече көмүрүнүн бир кабынын баасын 200 сомдон 280 сомго чейин алса болот.

БИШКЕК, 10-окт. — Sputnik. Бишкек мэриясы ордо калаадагы көмүр саткан отун базаларынын дарегин жарыялап, ал жакта кандай көмүр бар экенин жана баасын жарыялады.

Ленин району:

  • "Ак-Жол" ЖЧКсы, Мурманск көчөсү, № 1а. Бул базада Шабыркүл көмүрү бар. Бир тоннасы 4 500 сомдон сатылып жатат. 9-октябрда 8 вагон (540 тонна) көмүр келип түшкөн.
  • "Торг-Синтез", "Кара-Жыра" ЖЧКлары, Мурманск көчөсү, №59а. Бул базаларда Кара-Жыра көмүрүнүн бир тоннасын 4 500 сомдон алса болот;
  • "Береке" ЖЧКсы, Мурманск көчөсү, № 259. Бул жерден Кара-Кече көмүрүнүн бир тоннасын 4 500 сомго алса болот;
  • "Беш-Сары" ЖЧКсы, Мурманск көчөсү, №186. Мында да Кара-Кече көмүрүнүн бир тоннасы 4 500 сомдон сатылып жатат.

Октябрь району:

"Торг-Синтез" ЖЧКсы, Төкөлдөш конушу, "Аламүдүн" станциясында. Базада Кара-Кече көмүрү бар. Бир тоннасы 4 500 сомдон. 9-октябрда базага жети вагон (480 тонна) көмүр келген.

Свердлов району:

  • "Восход и К" ЖЧКсы, Достоевский көчөсү, №1. Базадан Шабыркүл көмүрүн 4 500 сомдон тапса болот. Учурда ал жакта 1 000 тонна көмүр бар.

Мындан сырткары, стационардык пунктулар даярдалганы айтылды. Ал жактан шаардыктар Кара-Кече көмүрүнүн бир кабынын баасын 200 сомдон 280 сомго чейин алса болот.

Стационардык пунктулардин тизмеси:

Свердлов району:

  • Учкун жаңы конушу;
  • Саадаев жана Орозбеков көчөлөрүнүн кесилиши;
  • Келечек конушу;
  • Ак-Бата конушу.
  • Ленин району:
  • Пушкин көчөсү, №182;
  • Гагарин көчөсү, № 67;
  • Баррикадный көчөсү, №2.

Мындан сырткары, шаардагы жаңы конуштарга дагы 35тей стационардык пункт ачыла турганы кошумчаланды.

2218
Белгилер:
Бишкек, көмүр, баалар, дарек, мэрия
Тема боюнча
Мэрия: Бишкектеги отун базаларында 2 000 тонна көмүр бар
Министрлер кабинети көмүргө бирдиктүү баа киргизүү маселесин карап жатат
Мэрия: көмүр боюнча ажиотаж жок, спекулянттарга милиция чара көрөт
Октябрда көмүр былтыркыдан 16 пайызга кымбаттады. Аймактарда канчадан сатылууда
Түнкү Бишкек. Архив

Бишкекте бир нече район жарыксыз калды

103
(жаңыланган 21:23 25.10.2021)
Буга чейин "Бишкек сегодня" Telegram тайпасындагылар электр жарыгы жок отурганын айтып нааразы болушкан.

БИШКЕК, 25-окт. — Sputnik. Бишкекте авариялык өчүрүү болуп, 6-11-кичи райондору жана Жумушчулар шаарчасы жарыксыз калды. Бул тууралуу Sputnik Кыргызстан агенттигине "Түндүк электр" ишканасынын маалымат кызматы билдирди.

Буга чейин "Бишкек сегодня" Telegram тайпасындагылар электр жарыгы жок отурганын айтышкан.

"Авариялык өчүрүү Абдыкалыков подстанциясында болжол менен саат 19:30да болгон", — деп айтылат маалыматта.

"Түндүк электр" ишканасы азыркы тапта абоненттердин линиялары башка чубалгыларга кошулуп жатканын белгиледи.

Ал эми Жумушчулар шаарчасында бригада күндүз эле кабелдик чубалгы бузулганын билишкен. Бирок азыр дагы бирөөсүн издеп жатышат. Энергетиктер маселени тезирээк чечүү үчүн болгон аракетин көрүп жатканы кошумчаланды.

103
Белгилер:
Бишкек, электр жарыгы, оңдоо
Тема боюнча
Садыр Жапаров Кыргызстан качан энергетикалык кризистен чыгарын айтты
26-октябрда Бишкектин кайсы бөлүктөрүндө жарык өчөт? Тизме
Парктагы күзгү жалбырактар. Архив

Шейшембиге карата аба ырайы

51
26-октябрда күндүз республика аймагында жаан-чачын болбойт. Батыштан соккон шамалдын ылдамдыгы секундасына 4-9 метрге жетет.

БИШКЕК, 25-окт. — Sputnik. Шейшембиде өлкөнүн тоо этектеринде жана тоолуу райондордо кар жаашы мүмкүн. Бул тууралуу Кыргызгидромет билдирди.

Абанын температурасы Чүй облусунда +15…+20, Таласта +13…+18, Ысык-Көл өрөөнүндө +10…+15, Ош, Жалал-Абад, Баткен аймактарында +16…+21, Нарын жеринде +9…+14 градус болот.

Күндүн табы Бишкекте +18…+20, Ош шаарында +19…+21 градусту көрсөтөт.

51
Белгилер:
аба ырайы, октябрь, Кыргызстан
Тема боюнча
Суукта дем алуу органдарын коргой турчу азыктардын чен өлчөмү айтылды
Кар жаайбы? Бир жумага карата аба ырайы
Россия-казак чек арасындагы өткөрмө бекетте чек арачы. Архив

Россияга товарларды Казакстан аркылуу ташуу. Жаңы эреже макулдашылды

0
(жаңыланган 23:13 25.10.2021)
Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

БИШКЕК, 25-окт. — Sputnik. Кыргызстан менен Казакстан Россияга коңшу мамлекет (Казакстан) аркылуу товар жөнөтүү боюнча жаңы эрежени сүйлөштү.

Экономика жана коммерция министрлигинин маалыматына караганда, 22-октябрда Кыргызстандан Казакстан менен Россияга барган жана ал жактан келген товар менен автоунааларга мониторинг жүргүзүү боюнча пилоттук долбоорду өткөрүү тартибине кол коюлган.

Министрдин орун басары Эльдар Алишеров бизнес-ассоциациялардын өкүлдөрү жана жүк ташуучулар менен жолугуп, бул эрежеде эл аралык жүк ташууда электрондук идентификаторлорду (навигациялык пломба) колдонуу каралгандыгын белгилеген.

Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

"Ошол эле учурда ата-мекендик экспортчулар сөзсүз түрдө экспорттук операция боюнча эсеп-фактураларын (ЭСФ) алып жүрүшү керек. Эгерде чек арадан өтөрдө ЭСФ жок болсо, Казакстандын Финансы министрлиги жүк ташуучу автоунааларды кайра Кыргызстанга жиберүүгө укуктуу", — деп жазылган маалыматта.

Казак тарап өлкө аймагына автоунааларды киргизүүдө жүк ташуучу унааларды текшербей эле аларга навигациялык пломбаларды орнотуп коёру кошумчаланды. Алишеровдун айтымында, Кыргызстандан Казакстанга барчу жүк ташуучу автоунаалар эреже бузса, барчу жерине жеткенде кошумча көзөмөлдөн өтөт.

0
Белгилер:
Кыргызстан, Казакстан, жүк ташуучу унаа, Россия, эреже
Тема боюнча
Кошумча нарк салыгы былтыркыдан 10 млрд. сомго арбын чогулду. Себеби
Тартыштык 9,1 миллиард сом. Кыргызстандын 2022-жылга карата бюджетинин божомолу