Кумтөр голд компани ишкананын самосвалы. Архив

"Кумтөр" айдоочулардын чарчаганын көзөмөлдөгөн система киргизип жатат

561
(жаңыланган 13:31 12.10.2021)
Пилоттук долбоордун алкагында төрт автоунаага автоматтык система орнотулду. Атайын камера айдоочунун үргүлөп жатканын байкаса үн сигналын берет.

БИШКЕК, 12-окт. — Sputnik. "Кумтөр голд компани" кырсыктарды алдын алуу максатында оор техника айдаган айдоочулар менен операторлордун чарчап-чаалыкканын көзөмөлдөгөн системаны ишке киргизип жатат. Бул тууралуу аталган компания билдирди.

Маалыматта концентрациянын төмөндөшү, уйкунун келиши, коопсуздук курун тагынбай коюу жагымсыз окуялардын болуп кетишине алып келери белгиленген.

"Жакында эле "Кумтөр" ишканасы карьердик техникасынын паркын жаңылады. Пилоттук долбоордун алкагында төрт автоунаага автоматтык система орнотулду. Атайын камера айдоочунун жүзүндөгү көптөгөн параметрлерди анализдейт (көздүн ирмелиши, багыты, эстөө ж.б.). Эгер система айдоочунун чарчап, жолду карабай калганын байкаса, үн сигналы берилет. Мындан сырткары, жабдыктагы маалыматтар диспетчерге түшөт дагы, кийинки графикти түзүүдө жардамчы болмокчу", — деп айтылат маалыматта.

Мындай технология дүйнө жүзү боюнча бардык алдыңкы компанияларда колдонулары белгиленди.

561
Белгилер:
Кумтөр, айдоочу, көзөмөл, система
Тема боюнча
Кумтөр кенинде жашыруун көмүлгөн уулуу калдыктар табылды. Сүрөт
Жапаров Кумтөр тууралуу: алтын жерде калбайт, кардарлар кезекте турушат
Ар бирине отчёт бербейбиз. "Кумтөр" депутаттардын сынына катуу жооп берди
Кыз-келиндер күрөшү боюнча дүйнөнүн эки жолку чемпиону Айсулуу Тыныбекова

Алтын күздөгү Айсулуу! Ажары арткан балбан кыздын жаңы сүрөттөрү

14
(жаңыланган 17:03 22.10.2021)
Кадрлардан спортчу бактардын арасында сары жалбырактарга өңдөш кийим менен сүрөткө түшкөнүн көрүүгө болот.

БИШКЕК, 22-окт. — Sputnik. Кыз-келиндер күрөшү боюнча дүйнөнүн эки жолку чемпиону Айсулуу Тыныбекова алтын күздүн фонундагы ажайып сүрөттөрү менен Facebook баракчасынан бөлүштү. 

Кадрлардан спортчу бактардын арасында сары жалбырактарга өңдөш кийим менен сүрөткө түшкөнүн көрүүгө болот.

"№867 кыял орундалды! Алтын күз — сүрөткө түшүү үчүн сонун фон. Бала кезимден бери сары жалбырактардын фонунда фотосессия уюштурууну кыялданчумун. Муну ишке ашырууга кесиптештерим жардам беришти. Дарактар жалбырагынан ажыраганга чейинки учурду өткөрүп жибербеңиз", — деп жазган балбан кыз.

Интернет колдонуучулары спортчу кыздын сүрөттөрүнө суктанган билдирүүлөрдү калтырып, анын постун кайра бөлүшүп жатышат.

14
Белгилер:
Айсулуу Тыныбекова, балбан, спорт, сүрөт, күз
Тема боюнча
Балбан кыздардын аты коюлган үч эм. Айсулуу Тыныбекова төрөт үйүнө барды. Сүрөт
Студенттер окуу учурунда. Архив

Кыргыз бийлиги тажикстандык студенттер үчүн чек араны ачты

11
(жаңыланган 16:59 22.10.2021)
Мындай чечим өлкөнүн айрым министрликтеринин, Улуттук коопсуздук мамлекеттик комитетине караган Чек ара кызматынын макулдугу менен кабыл алынган.

БИШКЕК, 22-окт. — Sputnik. Кыргыз бийлиги өлкөнүн билим берүү уюмдарында окуп, иштеп жаткан Тажикстандын жарандарынын өлкө аймагына кирүүсүнө уруксат берди. Бул тууралуу өкмөттүн маалымат кызматы билдирди.

Тажикстандыктардын билим берүү процессине катышуусуна уруксат берүү чечими Кыргызстандын Билим берүү жана илим министрлигинин Улуттук коопсуздук мамлекеттик комитетине, Чек ара кызматына алдын ала берген сурамы боюнча кабыл алынган.

Буга чейин өлкөнүн Билим берүү жана илим министрлиги Тажикстандын жогоруда айтылган жарандарынын эки өлкөнүн чек арасын кесип өтүү үчүн шарттарды түзүүгө багытталган буйрук долбоорун Кыргызстандын компетенттүү органдары менен макулдашуу боюнча мыйзам долбоорун киргизген. Анда КР мектептеринде окуган тажикстандык окуучулар, студенттер жана окутуучулар, ошондой эле этникалык кыргыздар тууралуу маселе камтылган.

11
Белгилер:
Кыргызстан, Министрлер кабинети, чек ара, Тажикстан, студенттер
Тема боюнча
Россия чет элдик студенттерге туруктуу жашоого жеңилдетилген жол менен уруксат берет
Баткен: элден чогулган акча кайда жумшалып жатканы айтылды