Instagram тиркемеси. Архив

Instagram колдонуучуга тиркемедеги мүчүлүштүктөрдү айтып турат

56
Колдонуучуларда 24 саат активдүү болгон "тарых" бөлүгүндө (история) техникалык көйгөйлөр жана үзгүлтүккө учуроолор тууралуу маалымат берип турат. Маселени канча убакытта чечүү керектиги да көрсөтүлөт.

БИШКЕК, 13-окт. — Sputnik. Instagram социалдык тармагы колдонуучуларга тиркеменин ишиндеги мүчүлүштүктөр тууралуу кабар берип турган кызматты сыноодон өткөрүп жатат. Бул тууралуу РИА Новости жазды.

Учурда эки кызматты ишке киргизүү каралууда. Биринчи функцияда колдонуучуларда 24 саат гана активдүү болгон "тарых" бөлүгүндө (история) техникалык көйгөйлөр жана үзгүлтүккө учуроолор тууралуу маалымат берип турат. Ошондой эле аны канча убакытта чечүү керектиги көрсөтүлөт.

Башка функцияда, тагыраагы, "Аккаунттун статусу" бөлүгүнөн колдонуучулар аккаунтуна кооптуулук жаралып жатканы жана контенти кимдерге ылайыктуу экенин биле алат. Зарылчылыкка жараша кардарлар даттанууларды жөнөтүп же текшерип берүүнү өтүнө алат.

Instagram — сүрөт жана видео маалыматтарды бөлүшүүгө ылайыкташкан тиркеме. Ал Facebook компаниясына таандык.

56
Белгилер:
Instagram, колдонуучу, мүчүлүштүк, тиркеме
Тема боюнча
Facebook менен Instagram иши кайрадан аксады
WhatsApp сүрөт менен видеону сапаттуу жөнөткөнгө мүмкүнчүлүк түзөт
Түнкү Бишкек. Архив

Бишкекте бир нече район жарыксыз калды

107
(жаңыланган 21:23 25.10.2021)
Буга чейин "Бишкек сегодня" Telegram тайпасындагылар электр жарыгы жок отурганын айтып нааразы болушкан.

БИШКЕК, 25-окт. — Sputnik. Бишкекте авариялык өчүрүү болуп, 6-11-кичи райондору жана Жумушчулар шаарчасы жарыксыз калды. Бул тууралуу Sputnik Кыргызстан агенттигине "Түндүк электр" ишканасынын маалымат кызматы билдирди.

Буга чейин "Бишкек сегодня" Telegram тайпасындагылар электр жарыгы жок отурганын айтышкан.

"Авариялык өчүрүү Абдыкалыков подстанциясында болжол менен саат 19:30да болгон", — деп айтылат маалыматта.

"Түндүк электр" ишканасы азыркы тапта абоненттердин линиялары башка чубалгыларга кошулуп жатканын белгиледи.

Ал эми Жумушчулар шаарчасында бригада күндүз эле кабелдик чубалгы бузулганын билишкен. Бирок азыр дагы бирөөсүн издеп жатышат. Энергетиктер маселени тезирээк чечүү үчүн болгон аракетин көрүп жатканы кошумчаланды.

107
Белгилер:
Бишкек, электр жарыгы, оңдоо
Тема боюнча
Садыр Жапаров Кыргызстан качан энергетикалык кризистен чыгарын айтты
26-октябрда Бишкектин кайсы бөлүктөрүндө жарык өчөт? Тизме
Парктагы күзгү жалбырактар. Архив

Шейшембиге карата аба ырайы

56
26-октябрда күндүз республика аймагында жаан-чачын болбойт. Батыштан соккон шамалдын ылдамдыгы секундасына 4-9 метрге жетет.

БИШКЕК, 25-окт. — Sputnik. Шейшембиде өлкөнүн тоо этектеринде жана тоолуу райондордо кар жаашы мүмкүн. Бул тууралуу Кыргызгидромет билдирди.

Абанын температурасы Чүй облусунда +15…+20, Таласта +13…+18, Ысык-Көл өрөөнүндө +10…+15, Ош, Жалал-Абад, Баткен аймактарында +16…+21, Нарын жеринде +9…+14 градус болот.

Күндүн табы Бишкекте +18…+20, Ош шаарында +19…+21 градусту көрсөтөт.

56
Белгилер:
аба ырайы, октябрь, Кыргызстан
Тема боюнча
Суукта дем алуу органдарын коргой турчу азыктардын чен өлчөмү айтылды
Кар жаайбы? Бир жумага карата аба ырайы
Россия-казак чек арасындагы өткөрмө бекетте чек арачы. Архив

Россияга товарларды Казакстан аркылуу ташуу. Жаңы эреже макулдашылды

0
(жаңыланган 23:13 25.10.2021)
Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

БИШКЕК, 25-окт. — Sputnik. Кыргызстан менен Казакстан Россияга коңшу мамлекет (Казакстан) аркылуу товар жөнөтүү боюнча жаңы эрежени сүйлөштү.

Экономика жана коммерция министрлигинин маалыматына караганда, 22-октябрда Кыргызстандан Казакстан менен Россияга барган жана ал жактан келген товар менен автоунааларга мониторинг жүргүзүү боюнча пилоттук долбоорду өткөрүү тартибине кол коюлган.

Министрдин орун басары Эльдар Алишеров бизнес-ассоциациялардын өкүлдөрү жана жүк ташуучулар менен жолугуп, бул эрежеде эл аралык жүк ташууда электрондук идентификаторлорду (навигациялык пломба) колдонуу каралгандыгын белгилеген.

Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

"Ошол эле учурда ата-мекендик экспортчулар сөзсүз түрдө экспорттук операция боюнча эсеп-фактураларын (ЭСФ) алып жүрүшү керек. Эгерде чек арадан өтөрдө ЭСФ жок болсо, Казакстандын Финансы министрлиги жүк ташуучу автоунааларды кайра Кыргызстанга жиберүүгө укуктуу", — деп жазылган маалыматта.

Казак тарап өлкө аймагына автоунааларды киргизүүдө жүк ташуучу унааларды текшербей эле аларга навигациялык пломбаларды орнотуп коёру кошумчаланды. Алишеровдун айтымында, Кыргызстандан Казакстанга барчу жүк ташуучу автоунаалар эреже бузса, барчу жерине жеткенде кошумча көзөмөлдөн өтөт.

0
Белгилер:
Кыргызстан, Казакстан, жүк ташуучу унаа, Россия, эреже
Тема боюнча
Кошумча нарк салыгы былтыркыдан 10 млрд. сомго арбын чогулду. Себеби
Тартыштык 9,1 миллиард сом. Кыргызстандын 2022-жылга карата бюджетинин божомолу