Жогорку Кеңештин депутаты Карамат Орозова. Архив

Депутат: Баткенде кагылышууда майып болгондорду ооруканалар албай жатат

106
(жаңыланган 11:07 13.10.2021)
Тажик тараптын кол салуусунан жаракат алгандар майыптыгы тууралуу комиссиядан өткөрүлүп, өзүнчө макам берилген эмес.

БИШКЕК, 13-окт. — Sputnik. Баткендеги куралдуу кагылышта майып болгон жарандарды "акча төлө" деп ооруканалар кабыл албай жатат. Бул тууралуу Жогорку Кеңештин депутаты Карамат Орозова билдирди.

Анын айтымында, тажик тараптын кол салуусунан жаракат алгандар майыптыгы тууралуу комиссиядан өткөрүлүп, өзүнчө макам берилген эмес.

"29-30-апрелде майып болгондор көп кайрылууда. Макамдын жоктугунан ооруканага барганда көйгөй жаралып жатат. Алты айдан бери бир дагы комиссиядан өтпөптүр. Бул үчүн мыйзам чыгарыш керек экен, ага чейин өкмөттүн токтому менен болсо да макам берип, ден соолугу калыбына келгенче карап турбайлыбы. Болбосо ооруканага кезекте турушат же жата албайт, же анализ да тапшыра албайт. Барса "акча төлө" дейт экен. Алар мекен үчүн төшүн тосту го", — деди Орозова.

Белгилей кетсек, быйылкы жылдын 28-30-апрелинде кыргыз-тажик чек арасындагы кагылышуудан 36 кыргызстандык каза болуп, 100дөн ашык адам жаракат алган. 136 үй урандыга айланып, 15 социалдык объект жана ондогон бизнес объектилери талкаланган.

106
Белгилер:
Баткен облусу, Карамат Орозова, майып, оорукана, кабыл алуу
Тема:
Баткендеги кыргыз-тажик жаңжалы (318)
Тема боюнча
Баткенде жабыркагандардын 70%ынын документи калыбына келтирилди
Мадина шаарчасы. Чек арада көз жумгандардын үй-бүлөсүнө үйлөр тапшырылды
Документке кол коюп жаткан мамлекеттик кызматкер. Архив

Дары-дармек департаментине жаңы жетекчи дайындалды

29
(жаңыланган 15:32 28.10.2021)
Жетекчи буга чейин Дары-дармек жана медициналык каражат департаментинде алдыңкы адис болуп эмгектенген.

БИШКЕК, 28-окт. — Sputnik. Нурдин Кагаздиев Дары-дармек жана медициналык каражат департаментине жетекчи болуп дайындалды. Бул тууралуу Саламаттык сактоо министрлиги кабарлады.

Тийиштүү буйрукка министрлер кабинетинин төрагасы Акылбек Жапаров кол койгон.

Кагаздиев жогорку билимдүү. Иса Ахунбаев атындагы Кыргыз мамлекеттик медициналык академиясын жана Жусуп Баласагын атындагы Кыргыз улуттук университетин аяктаган. 36 жашта. Буга чейин Дары-дармек жана медициналык каражат департаментинде алдыңкы адис болуп эмгектенген.

29
Белгилер:
саламаттык сактоо, дары-дармек менен камсыздоо департаменти, жетекчи
Тема боюнча
Фарммафия: УКМК мурдагы министрдин тууганын кармады
Шайлоо участогунда добуш берип жаткан кыз. Архив

Тизмеге кирүү жол-жобосу. Россиядагы кыргызстандыктар шайлоого кантип катышат

35
(жаңыланган 14:59 28.10.2021)
Буга чейин биометрикалык маалыматтарын тапшырып койгон жарандар консулдук каттоодон элчиликке келбестен, аралыктан өтө алышат.

БИШКЕК, 28-окт. — Sputnik. Кыргызстандын Россиядагы элчилиги парламенттик шайлоодо добуш берүүгө катыша турган жарандарды шайлоочулардын тизмесине киргизүү өнөктүгү 12-ноябрда соңуна чыгарын эскертти.

Шайлоо мыйзамдарына ылайык, Россиядагы кыргызстандыктар шайлоого катышуу үчүн консулдук каттоого туруп, биометрикалык маалыматтарын тапшырышы керек.

Ал эми буга чейин эле биометрикалык маалыматтарын тапшырып койгон жарандар консулдук каттоодон элчиликке келбестен, аралыктан өтө алышат. Бул үчүн төмөнкү кадамдарды аткаруу керек:

Элчиликтин расмий сайтынан консулдук каттоого туруу үчүн атайын форманы көчүрүп алуу (кыргыз же орус тилинде);

  • Форманы так жана даана колго толтуруу;
  • Жүзү даана тартылган сүрөтүн чаптоо;
  • Сүрөтү чапталган форма менен улуттук паспортун сканерден өткөрүп элчиликтин msk.ku.kg@mail.ru электрондук дарегине жөнөтүү зарыл.
  • Жогорудагы аракеттер жасалгандан кийин жаран 28-ноябрда өтө турган Жогорку Кеңештин шайлоосуна катышуу үчүн шайлоочулардын тизмесине киргизилет.

Шайлоо участкалары Москвада, Санкт-Петербургда, Сургутта, Самарада, Краснодарда, Казанда, Екатеринбургда, Новосибирскиде, Красноярскиде, Тюменде, Томскиде, Иркутскиде, Хабаровскиде, Владивостокто жана Түштүк-Сахалинде ачылат.

35
Белгилер:
Кыргызстан, Россия, элчилик, Жогорку Кеңеш, шайлоо
Тема:
Жогорку Кеңешке шайлоо 2021
Тема боюнча
Шайлоо 2021: талапкерлер кайсы телеканалдардан дебатка чыгары белгилүү болду
Партиялык система менен 1046 киши депутат болууну мелжеп жатат. Статистика
Участник на площадке V Восточного экономического форума во Владивостоке.

Кагаздиев Нурдин Маратбекович өмүр баян

0
Нурдин Кагаздиев 1985-жылдын 23-сентябрында туулган. Жогорку билимдүү. Иса Ахунбаев атындагы Кыргыз мамлекеттик медициналык академиясы менен Жусуп Баласын атындагы Улуттук университетти аяктаган.

Эмгек жолу:

  • Дары-дармек менен камсыздоо жана медициналык техника департаментинин фармацевтикалык инспекция бөлүмүнүн алдыңкы адиси;
  • Дары-дармек менен камсыздоо жана медициналык техника департаментинин дары-дармек жана медициналык каражаттарды сертификациялоо бөлүмүнүн алдыңкы адиси;
  • Дары-дармек менен камсыздоо жана медициналык техника департаментинин фармацевтикалык инспекция бөлүмүнүн алдыңкы адиси;
  • Дары-дармек менен камсыздоо жана медициналык техника департаментинин фармацевтикалык инспекция бөлүмүнүн башкы адиси;
  • Дары-дармек менен камсыздоо жана медициналык техника департаментинин фармацевтикалык инспекция бөлүмүнүн жетекчиси;
  • Дары-дармек жана медициналык каражат департаментинин директорунун орун басары;
  • 2021-жылдын октябрь айында Дары-дармек жана медициналык каражат департаментинин жетекчиси болуп дайындалды.
0
Белгилер:
КР Саламаттык сактоо министрлиги, дары-дармек, Өмүр баяны, биография, таржымал
Тема боюнча
Баетов Аяз Батыркулович — өмүр баян
Козубеков Нурбек Азимканович — өмүр баян