Торугарт бекети. Архив

Бизден күнөө кеткен. Жапаров Кытай эмнеге чек арасын толук ачпай жатканын айтты

8022
(жаңыланган 15:11 13.10.2021)
Кыргызстан Кытай тараптын талаптарын толук аткарып бүттү. “Торугарт” жана “Эркечтам” өткөрмө бекеттеринен өткөн машиналардын саны өсөт.

БИШКЕК, 13-окт. — Sputnik. Министрлер кабинетинин төрагалыгына сунушталган Акылбек Жапаров эки күндөн кийин Кытайдан товар ташуунун көлөмү көбөйөрүн билдирди.

Анын айтымында, “Торугарт” бекетинен өткөрүлгөн машиналар күнүнө 32ден 64кө, “Эркечтамдан” 22ден 44кө көбөйөт. Кыргызстан Кытай тараптын талаптарын толук аткарып бүттү.

“Бүгүнкү күндө Кытайда экономика катуу өсүп, 8 пайыздан ашты. Товарлар аябай көп, Америка менен соода-сатык каршылыгы болгондуктан океан менен барган товарларына бөгөт коюлган. Азыр биз аркылуу Европага товар ташыйбыз деп жатышат. Негизи бизден кетип жатат, өзүбүздүн милдеттерди так аткара албай жатабыз. Сертификация, маркалоо, авиациялык пломба сыяктуу. Ошонун баарын үч айдан бери сүйлөшүп жаттык. Өзбекстан Кытайдан жылына 6000 машинаны транзит катары алып өтүүнү суранууда. Эгер ушул иштер аткарылса алдыга жылабыз”, — деди Жапаров.

Андан соң депутат Шайлообек Атазов “Дордой” жана “Кара-Суу” базарларына товар келбей калышынын себебин сурады.

“Бизде, тилекке каршы, туура эмес саясат жүргүзүлүптүр. Дүйнө жүзүндө бир дагы өлкө карым-катнашты токтотпоптур (пандемиянын алдында — ред.), биз эле чек араны жааптырбыз. Экинчиден, эки ай дегенде араң түшүндүм, мурунку айыл чарба министри, бажынын төрагасы, саламаттык сактоо министри бизге кирип жаткан жүктөр Кытай тараптан да, кыргыз тарапка киргенден кийин да дезинфекциядан өтсүн деген талап койгон экен. Кытай тарап эсептеп көрүп мындай шартта 32 машина гана өтөт экен дептир”, — деп жооп берди Жапаров.

Ошондой эле ал бүгүнкү күндө аталган талаптар жокко чыгарылганын белгиледи.

8022
Белгилер:
Кытай, товар, жүк ташуучулар, Акылбек Жапаров, чек ара
Тема боюнча
Жапаров: маянасын көбөйтүп, кыздарды мугалимге турмушка чыккыдай кылабыз
Түнкү Бишкек. Архив

Бишкекте бир нече район жарыксыз калды

104
(жаңыланган 21:23 25.10.2021)
Буга чейин "Бишкек сегодня" Telegram тайпасындагылар электр жарыгы жок отурганын айтып нааразы болушкан.

БИШКЕК, 25-окт. — Sputnik. Бишкекте авариялык өчүрүү болуп, 6-11-кичи райондору жана Жумушчулар шаарчасы жарыксыз калды. Бул тууралуу Sputnik Кыргызстан агенттигине "Түндүк электр" ишканасынын маалымат кызматы билдирди.

Буга чейин "Бишкек сегодня" Telegram тайпасындагылар электр жарыгы жок отурганын айтышкан.

"Авариялык өчүрүү Абдыкалыков подстанциясында болжол менен саат 19:30да болгон", — деп айтылат маалыматта.

"Түндүк электр" ишканасы азыркы тапта абоненттердин линиялары башка чубалгыларга кошулуп жатканын белгиледи.

Ал эми Жумушчулар шаарчасында бригада күндүз эле кабелдик чубалгы бузулганын билишкен. Бирок азыр дагы бирөөсүн издеп жатышат. Энергетиктер маселени тезирээк чечүү үчүн болгон аракетин көрүп жатканы кошумчаланды.

104
Белгилер:
Бишкек, электр жарыгы, оңдоо
Тема боюнча
Садыр Жапаров Кыргызстан качан энергетикалык кризистен чыгарын айтты
26-октябрда Бишкектин кайсы бөлүктөрүндө жарык өчөт? Тизме
Парктагы күзгү жалбырактар. Архив

Шейшембиге карата аба ырайы

55
26-октябрда күндүз республика аймагында жаан-чачын болбойт. Батыштан соккон шамалдын ылдамдыгы секундасына 4-9 метрге жетет.

БИШКЕК, 25-окт. — Sputnik. Шейшембиде өлкөнүн тоо этектеринде жана тоолуу райондордо кар жаашы мүмкүн. Бул тууралуу Кыргызгидромет билдирди.

Абанын температурасы Чүй облусунда +15…+20, Таласта +13…+18, Ысык-Көл өрөөнүндө +10…+15, Ош, Жалал-Абад, Баткен аймактарында +16…+21, Нарын жеринде +9…+14 градус болот.

Күндүн табы Бишкекте +18…+20, Ош шаарында +19…+21 градусту көрсөтөт.

55
Белгилер:
аба ырайы, октябрь, Кыргызстан
Тема боюнча
Суукта дем алуу органдарын коргой турчу азыктардын чен өлчөмү айтылды
Кар жаайбы? Бир жумага карата аба ырайы
Россия-казак чек арасындагы өткөрмө бекетте чек арачы. Архив

Россияга товарларды Казакстан аркылуу ташуу. Жаңы эреже макулдашылды

0
(жаңыланган 23:13 25.10.2021)
Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

БИШКЕК, 25-окт. — Sputnik. Кыргызстан менен Казакстан Россияга коңшу мамлекет (Казакстан) аркылуу товар жөнөтүү боюнча жаңы эрежени сүйлөштү.

Экономика жана коммерция министрлигинин маалыматына караганда, 22-октябрда Кыргызстандан Казакстан менен Россияга барган жана ал жактан келген товар менен автоунааларга мониторинг жүргүзүү боюнча пилоттук долбоорду өткөрүү тартибине кол коюлган.

Министрдин орун басары Эльдар Алишеров бизнес-ассоциациялардын өкүлдөрү жана жүк ташуучулар менен жолугуп, бул эрежеде эл аралык жүк ташууда электрондук идентификаторлорду (навигациялык пломба) колдонуу каралгандыгын белгилеген.

Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

"Ошол эле учурда ата-мекендик экспортчулар сөзсүз түрдө экспорттук операция боюнча эсеп-фактураларын (ЭСФ) алып жүрүшү керек. Эгерде чек арадан өтөрдө ЭСФ жок болсо, Казакстандын Финансы министрлиги жүк ташуучу автоунааларды кайра Кыргызстанга жиберүүгө укуктуу", — деп жазылган маалыматта.

Казак тарап өлкө аймагына автоунааларды киргизүүдө жүк ташуучу унааларды текшербей эле аларга навигациялык пломбаларды орнотуп коёру кошумчаланды. Алишеровдун айтымында, Кыргызстандан Казакстанга барчу жүк ташуучу автоунаалар эреже бузса, барчу жерине жеткенде кошумча көзөмөлдөн өтөт.

0
Белгилер:
Кыргызстан, Казакстан, жүк ташуучу унаа, Россия, эреже
Тема боюнча
Кошумча нарк салыгы былтыркыдан 10 млрд. сомго арбын чогулду. Себеби
Тартыштык 9,1 миллиард сом. Кыргызстандын 2022-жылга карата бюджетинин божомолу