Дарыгер иш учурунда. Иллюстративдик сүрөт

Кардиологго токтоосуз кайрылуу керектигинен кабар берген белгилер

635
(жаңыланган 10:13 14.10.2021)
Жүрөктүн оорусу акыркы 20 жыл ичиндеги адам өмүрүн алып кеткен глобалдуу илдет болуп келе жатат.

БИШКЕК, 14-окт. — Sputnik. Эгерде жүрөк, баштын желке тарабы ооруп, кан басым көтөрүлүп, баш айланса кардиологго токтоосуз кайрылуу зарыл. Ушул жана башка белгилерди РИА Новости Ломоносов атындагы медициналык билим берүү борборунун бөлүм башчысы, аритмолог Андрей Ардашевге таянып санап берген.

Жүрөк оорусу акыркы 20 жыл ичиндеги адам өмүрүн алып кеткен глобалдуу илдет болуп келе жатат.

"Эгерде жүрөк башкача болсо (алаканга салып алып, бекем мыкчып жаткан сыяктуу сезим жаралса), баштын желке тарабы ооруса, кан басым көтөрүлсө, эс-учуңузду жоготсоңуз, оор жумуш жасаганда же эмоцияга алдырган учурларда кыйналып кетсеңиз жүрө бербей, дароо дарыгерге кайрылыңыз", — деген Ардашев.

Ал профилактика иретинде кардиологго жылына бир ирет барып, электрокардиограмма (ЭКГ), ЭХО-ЭКГ жана зарыл болсо ЭКГнын холтердик мониторун (ХМ ЭКГ) жасатып турууну айткан.

"Жогоруда мен санап берген белгилер адамдагы кандын жүгүрүп туруусу, тагыраагы, конкреттүү жерде же органдагы кан айланууда (биринчи иретте баш, жүрөк) маселе бар экенин көрсөткөн. Бул инсульт же инфаркт кооптуулугунан кабар берет, андай абалдан ар бир киши жабыркабай чыгып кеткен учурлар аз", — деп эскерткен дарыгер.

Буга чейин дагы бир адис, диетолог, медицина илимдеринин доктору Михаил Гинзбург жүрөк-кан тамыр оорусунан жапа чеккендер биринчи иретте эмне ичип-жеп жаткандыгына көңүл бурушу абдан зарыл экенин эскерткен.

635
Белгилер:
ден соолук, жүрөк, оору, диетолог, кардиолог, кан айлануу
Тема боюнча
Кардиолог кан басымды көтөрүп жана түшүрүүнүн оңой ыкмасын атады
Диетолог курманын пайдалуу жана кооптуу жактарын санап берди
Бай киши. Иллюстративдик сүрөт

Акылбек Жапаров Кыргызстандагы бай менен кедейлердин санын айтты

25
(жаңыланган 15:38 27.10.2021)
Өкмөт бай жана жана орто жашаган 1,2 миллион салык төлөөчүнүн эсебинен 200 миң жакыр үй-бүлөнү багары айтылды.

БИШКЕК, 27-окт. — Sputnik. Жогорку Кеңештин депутаты Таабалды Тиллаев Кыргызстанды өнүктүрүү саясаты тууралуу сурады. Учурда парламентте 2022-жылга карата Республикалык бюджеттин долбоору каралып жатат.

Министрлер кабинетинин төрагасы Акылбек Жапаров өлкөнү өнүктүрүү саясаты так аныкталып бүткөнүн белгиледи.

"Кыргызстандын ченеми боюнча 200 миң бай үй-бүлө бар. Бир миллионго жакын орто катмар, 200 миң үй-бүлө кедей жашайт. Мындан кийин өкмөт колунда жоктогуларга түз жардам берет. 200 миңге жакын жакыр үй-бүлөнү, 200 миңдей майып жана жетим-жесирлерди багып алабыз. Ошондо өкмөт бир миллион элди багууну мойнуна алат. Калган орто катмар бирдиктүү салык, байлар өзүнчө тариф менен кымбатыраак төлөйт. Машиналарынын, үйлөрүнүн салыгын көбөйтөбүз. 1,2 миллион салык төлөөчү үй-бүлөнүн эсебинен 200 миң үй-бүлөнү тың багып алабыз", — деди Жапаров.

Аны менен катар ишкерлерге жеңилдетилген, пайызсыз насыялар берилип, машинаны от алдырып жүргүзгөндөн кийин салык сурай тургандай принцип сакталарын белгиледи.

Ошондой эле ал түрмөлөрдө жана ооруканалардагы шарттар да жакшыртыларын кошумчалады.

25
Белгилер:
Акылбек Жапаров, шайлоо, бюджет, бай, кедей
Тема боюнча
Жапаров: жаңы схема беш айда 746 млрд. сом көмүскөгө кетип жатканын аныктады
Пенсия менен жөлөк пул 6300 сомдон жогору болот. Президенттин талабы
Тез жардам кызматкери. Архив

Министрлик кафеде тамакка уулангандар эмнеге көбөйүп жатканын түшүндүрдү

25
Уулануу 23-октябрда эле катталганы менен жабыркагандардын саны улам өсүүдө. Sputnik агенттиги бул сан эмнеге кафе жабык болсо деле өсүп жатканын сурады.

БИШКЕК, 27-окт. — Sputnik. Бишкектеги "Империя пиццы" кафесинин тамагына уулангандардын саны жабыркагандар убагында медициналык жардамга кайрылбагандыктан өсүп жатат. Бул тууралуу Саламаттык сактоо министрлигинин маалымат кызматы кабарлады.

27-октябрга карата тамакка уулангандардын саны 253кө жеткени айтылган. Эпидемиологиялык иликтөө жүргүзүү үчүн "Империя пиццы" кафесинин бардык филиалдары эки күн мурда эле жабылган болчу.

"Мамлекеттик санитардык-эпидемиологиялык көзөмөл борборунун маалыматы боюнча, жабыркагандардын көбү анамнез (медкароо тууралуу маалымат) чогултуп жатканда 23-24-октябрь күндөрү ошол кафеден тамак жегенин айтышкан. Дал ушул күнү уулануу учуру катталган. Бирок бул адамдар үйдөн эле дарыланып, абалы оорлошкондо гана ооруканага кайрылышкан", — деди министрликтин өкүлдөрү.

Эске салсак, 24-октябрда тамакка ууланып 12 адам Темир жол ооруканасынын жугуштуу илдеттер бөлүмүнө түшкөн. Анын үчөө жаш бала. Бейтаптар ооруканага 23-24-октябрь күндөрү келе баштаган. Санэпидкөзөмөл уулангандар Бишкектеги "Империя пиццы" кафесинин төрт филиалынан суши-ролл жегенин кабарлаган. 25-октябрь күнү уулангандардын саны 85ке жеткен. Ал эми кечээ, 26-октябрда, жабыркагандардын саны 179 болду. Алардын 18и балдар.

Белгилей кетсек, Саламаттык сактоо министрлиги 25-октябрдан тарта ууланып ооруканага кайрылган адамдардын саны боюнча маалыматтарды берип жатат. Бирок пресс-релизде жабыркагандар кайсы жерден жана кандайча ууланганы так көрсөтүлгөн эмес. Болгону "Бишкектеги массалык уулануу" деп жазылган.

Ал арада Кыргызстанда тамак-аш саткан объектилерди текшерүүгө киргизилген мораторий жокко чыгарылды.

Кафенин филиалдарынын администрациясына жалпы суммасы 30,5 миң сомдук беш протокол түзүлгөн.

25
Белгилер:
Кыргызстан, Бишкек, тамак, уулануу
Тема:
Бишкектин кафесиндеги массалык уулануу
Тема боюнча
Бишкектеги массалык уулануу. Жабыркагандардын саны 253кө жетти
"Империя пиццы" кафесине канча айып пул салынганы айтылды
Полномочный представитель Кабинета министров КР в Жогорку Кенеше КР Алмасбек Абытов

Президенттин ЖКдагы өкүлү Калматов иштен кетип, ордуна Абытов келди

0
Президенттин парламенттеги өкүлү Калматовдун жумуштан бошотулганы белгилүү болду. Анын кызматы Абытовго өтүп жатат.

БИШКЕК, 27-окт. — Sputnik. Алмасбек Абытов президенттин, президенттик администрациянын жана министрлер кабинетинин парламенттеги өкүлү болуп дайындалды.

Бүгүнкү жыйында вице-спикер Аида Касымалиева аны жаңы кызматка бекитилиши менен куттуктады.

Абытов буга чейин министрлер кабинетинин ЖКдагы өкүлү кызматын аркалап келген, эми ал президенттин жана президенттик администрациянын дагы өкүлү катары иштейт.

Ал эми президенттин парламенттеги өкүлү Анарбек Калматовдун кызматтан алынганы белгилүү болду.

0
Белгилер:
Анарбек Калматов, Алмасбек Абытов, президент, өкүл, парламент