Кишенчен адам. Архив

Ноокаттын мэри менен депутаты 15 млн. сом кымырган деп кармалды. Сүрөт

971
(жаңыланган 12:55 14.10.2021)
Азыркы тапта күнөөлүүлөрдү жоопко тартуу жана бюджетке келтирилген зыяндын ордун толтуруу иштери жүрүп жатат.

БИШКЕК, 14-окт. — Sputnik. Ош облусунун Ноокат калаасынын мэри жана шаардык кеңештин депутаты бюджетке 15 миллион сом зыян келтирген деп кармалды. Бул туурасында УКМКнын маалымат кызматы кабарлады.

© Фото / пресс-служба ГКНБ КР
Ош облусунун Ноокат калаасынын мэри жана шаардык кеңештин депутаты бюджетке 15 миллион сом зыян келтирген деп кармалды

Аталган факт боюнча Жазык кодексинин 320-беренеси ("Кызмат абалынан кыянаттык менен пайдалануу") боюнча Кылмыш жана жоруктардын бирдиктүү реестрине катталып, сотко чейинки өндүрүш ачылган.

УКМК билдиргендей, 2017-жылдан 2021-жылдын июнуна чейинки аралыкта Ноокат мэриясынын жооптуу адамдар кызмат абалынан кыянаттык менен пайдаланышып, бюджетке 15 043 720 сом зыян келтиргени аныкталган.

Буга байланыштуу 13-октябрда калаа мэри Н.Ж.А. жана мурдагы спикер, учурдагы шаардык кеңештин депутаты Г.А.М. кармалып, УКМКнын убактылуу кармоочу жайына киргизилди.

Азыркы тапта күнөөлүүлөрдү жоопко тартуу жана бюджетке келтирилген зыяндын ордун толтуруу боюнча ыкчам-тергөө иш-чаралары жүргүзүлүүдө.

971
Белгилер:
Ноокат, мэр, депутат, кармоо, УКМК
Тема боюнча
УКМК Кара-Суудагы "Кадастр" ишканасынын мурдагы жетекчисин кармады
Ташиев айткан мафия: УКМК бир фармкомпаниянын жетекчисин кармады. Сүрөт
Аял кол чатыр менен. Архив

Күн кайра ачылабы? Дем алышка карата аба ырайы

84
Апта этегинде кээ бир аймактарга жаан жааса, тоолуу жерлерге кар түшүшү ыктымал. Жекшемби күнү жаан-чачын күтүлбөйт.

БИШКЕК, 22-окт. — Sputnik. Кыргызгидромет ушул аптанын дем алыш күндөрүнө карата аба ырайы божомолун жарыялады.

Билдирмеге караганда, апта этеги кээ бир облустарда жаанчыл болуп, абанын температурасы төмөндөшү күтүлүүдө. Бирок айрым аймактарга жаан жаабайт.

Чүй облусу

23-октябрда түнкүсүн айрым райондордо жаан, тоолуу жерлерге кар жаашы күтүлөт. 23-октябрда күндүз жана 24-октябрда күн ачык болору айтылды.

Талас облусу

Таласта дем алышта жаан-чачын күтүлбөйт. Абанын температурасы 8...10 градус болушу ыктымал.

Ош, Жалал-Абад, Баткен облусу

23-октябрда түнкүсүн кээ бир райондорго жаан, кар жааса, тоолуу жерлерге кар түшүшү күтүлүүдө. Ал эми 23-октябрда күндүз жана 24-декабрда жаан жаабай турганы божомолдонду. Бул аймактарда абанын температурасы 15...17 градуска чейин жылыйт.

Нарын облусу

23-октябрда түнкүсүн кээ бир райондордо жаан, тоолуу жерлерге кар жааса, 23-октябрда күндүз жана 24-октябрда күн ачык болору айтылды. Абанын температурасы 3...8 градус болушу ыктымал.

Ысык-Көл облусу

23-октябрда түнкүсүн көпчүлүк аймактарда жаан, кар, тоолуу райондордо кар жаашы, кээ бир райондордо жаан-чачын катуу жаашы мүмкүн. 23-октябрда күндүз айрым райондордо жаан, кар, тоолуу райондордо кар жаашы күтүлөт. Ал эми 24-октябрда жаан жаабайт. Абанын температурасы 5...10 градуска жылышы ыктымал.

84
Белгилер:
дем алыш, аба ырайы, Кыргызгидромет, божомол, жаан
Тема боюнча
Оору күчөдү, мектептер онлайн окутууга өтөбү? Мэриянын жообу
Ноябрь айында аба ырайы кандай болот. Синоптиктердин божомолу
COVID-19 анализи үчүн кан үлгүлөрү бар медик. Архив

Коронавирус 125 кишиден табылып, 4 киши көз жумду. Соңку статистика

20
(жаңыланган 09:33 22.10.2021)
Илдет илештиргендердин саны күн санап өсүп жатканы байкалууда. Азыркы тапта 639 бейтап ооруканаларда дарыланып жатат.

БИШКЕК, 22-окт. — Sputnik. Өткөн суткада Кыргызстанда 125 кишиден коронавирус аныкталып, 59 бейтап сакайды. Бул тууралуу Республикалык штаб кабарлады.

Жуктургандар:

  • Бишкек – 58;
  • Ош шаары – 3;
  • Чүй облусу – 36;
  • Ош облусу – 5;
  • Талас облусу – 2;
  • Нарын облусу – 1;
  • Ысык-Көл облусу – 12;
  • Жалал-Абад облусу – 4;
  • Баткен облусу – 4.

Ушуну менен илдет илештиргендердин жалпы саны 180 348ге жетти. Анын ичинен 174 934 адам дартты жеңген. Тилекке каршы, бир сутка ичинде төрт бейтап коронавирустун курмандыгы болгон. Аларды кошкондо оору 2 647 адамдын өмүрүн алды.

Азыркы тапта стационарда 639, ал эми амбулатордук шартта 622 адам дарыланып жатканы айтылды.

20
Белгилер:
Кыргызстан, коронавирус, оору, статистика
Тема:
Кыргызстандагы коронавирус жуктуруп алгандар
Тема боюнча
Бишкекте 15-сентябрдан бери 50 окуучу коронавирус менен ооруду
Москвада коронавирустан улам бир катар чектөөлөр кирди. Тизме