Банковские карты международных платежных систем VISA и MasterCard.

Банктык картадагы акчаны шылуундардан кантип коргосо болот? Жол-жобосу

797
Финансылык коопсуздук боюнча адис банктагы акчаны шылуундардын колуна салып бербеш үчүн кандай ыкмалар жардам берерин санап берди.

БИШКЕК, 1-ноя. — Sputnik. Банктык карталардан акча уурдаткан учурлар жок эмес. Мындай кырдаалга кабылбаш үчүн кандай аракеттерди көрүү керек экендигин "Прайм" агенттигине бизнести өнүктүрүү боюнча менеджер, финансылык коопсуздук боюнча адис Анна Михайлова айтып берди.

"Банктык картадан шылуундар акча уурдап албаш үчүн, биринчиден, кайсы бир мөөнөттө мынча сумма гана чыгарууга болот деп чек коюп коюу керек. Андан ашыгын банк эч качан бербейт. Экинчиден, төлөп жатканда негизги сумма сакталып турган картаны колдонбош керек", — деди адис.

Ошондой эле интернет шылуундар банктык эсепке анын ээсинин смартфону аркылуу кире алары айтылат.

"Учурда көпчүлүк интернет банкингди колдонгондуктан, ал аркылуу банктык эсепке жетип алуу оңой. Ошондуктан телефонду чоочун адамга карматпаш керек. Мындан тышкары, смартфонго күмөн санаткан тиркемелерди көчүрүп албагыла", — деди Михайлова.

Ошондой эле адис банктагы акчанын абалын билип туруу үчүн СМС-билдирүүлөрдү коштуруп алууну сунуштайт. Анткени эсебиңизден кетип жаткан ар бир тыйын тууралуу банк өз кардарына ошол замат отчёт берип турат.

797
Белгилер:
банк, карта, эсеп, акча, шылуун, адис, сактануу
Тема боюнча
Бишкекте дизель майы кымбаттады
Apple компаниясынан озуп... Microsoft дүйнөдөгү эң кымбат компания аталды
Автоунаалар. Архив

Арзан кезинде жасап алгыла! Министрликтин айдоочуларга эскертүүсү

0
Улуттук кампания жылдын аягына чейин болот. Акция башталгандан, тагыраагы, 1-июндан тарта 189 585 машина жаңы ээлерине катталган.

БИШКЕК, 27-ноя. — Sputnik. Кыргызстандагы автоунаа айдап жүргөндөрдү темир тулпарын нөлдүк ставка менен өзүнө кайра каттатып алууга дагы бир ай бар. Бул тууралуу Санарипти өнүктүрүү министрлигинен кабарлады.

Улуттук кампания жылдын аягына чейин уланат. Акциясыз күндөрү автоунааны кайра каттатууда бул кыймылдуу мүлктүн жалпы баасынан бекитилген эреже боюнча бир пайыз алынат. Эске салсак, мындай жеңилдетүү мурда да жарыяланып, анда 0,3 пайызга чейин болгон.

Азыркы арзандатуу шартында, 31-декабрга чейин жогоруда айтылган 1 пайыз алынбайт, министрлик андыктан темир тулпар ээлерине айдап жүргөн автоунаасын мурдагы кожоюндарынан кайра өзүнө каттатып алууда болгону 498 сом гана төлөй тургандыгын айтты. Бул кызмат көрсөтүүгө гана каралган акча. Эгерде ал номердик белгисин же аймагын өзгөрткүсү келсе, анда 1 633 сом төлөйт.

Акция башталгандан, тагыраагы, 1-июндан тарта 189 585 машина учурдагы ээсине каттатылган.

Өлкө боюнча бул багытта иш алып барган мамлекеттик "Унаа" ишканасынын аймактык 26 бөлүмү жумасына беш күн, тагыраагы, дүйшөмбү-жума күндөрү иштейт. Ал эми эс алуу күндөрү "Риом-авто" базарынан аталган мамлекеттик ишкананын Батыш аймактык бөлүмүнөн каттатып же кайра каттатып алса болот.

Мындай процедураларды эл үчүн жеңилдетүү жана тейлөөнү жакшыртуу үчүн банктык кызматтарды терминалдан төлөө системасы каралган. Министрликтен Бишкектеги, Оштогу шаардык, Жалал-Абаддагы аймактык бөлүмдө бул мүмкүнчүлүктөрдү пайдаланууга болорун билдирди.

0
Белгилер:
Кыргызстан, автоунаа, каттоо, акция
Уктап жаткан адам. Архив

Дарыгер күз-кышта адам эмнеге уйкусурап, чарчай берерин айтып берди

33
Адистин айтымында, биологиялык сааттарды күндүн нуру жөнгө салып турат. Күз-кыш мезгилинде күндүн жарыгы азайып, мелатонин гормону жакшы иштелип чыкпай калат.

БИШКЕК, 27-ноя. — Sputnik. Күзүндө жана кышында айрым адамдардын чарчап, уйкусурап жана маанайы түшүп жүргөнү байкалат. Мунун себебин "Ридус" сайтына Москва мамлекеттик университетинин уйку боюнча медицина борборунун жетекчиси, сомнолог Александр Калинкин айтып берди.

"Биздин биологиялык сааттарыбызды күндүн нуру жөнгө салып турат. Күз-кыш мезгилинде күндүн жарыгы азайып, күндүз жана кечинде мелатонин аз иштелип чыгат, бул уйкусуздукту шарттайт", — деген дарыгер.

Сомнолог уйкусуздуктан арылып, сергек жүрүүнүн да жолун айтты.

"Аба ырайы суук мезгилде да күндүн нурун алганга аракет кылуу керек. Мисалы, жумушта терезеге жакын отуруңуз, эртең менен көчөгө басып келиңиз. Ал болбосо күндүн жарыгын берген атайын шаймандарды колдонуңуз", — деген адис.

Кофеин кошулган азыктар менен суусундуктар да күч берет, бирок уйкусуздуктан арылта албайт.

Буга чейин диетолог айрым азыктар кыска убакытка дем-күч берип, андан кийин кайра чарчатып-чаалыктыра турганын айткан. Мында организм күчүн тамак сиңирүүгө көп жумшап калат.

33
Белгилер:
күз, кыш, уйку, күн, нур, дарыгер
Тема боюнча
Адис чарчоону чакырган тамактарды санап берди
Колубаева: уйкусуздук, аутизмден мээни коррекциялоо менен арылса болот