Көчөдө бараткан маскачан аялдар. Архив

Оору күчөгөн маалда иммунитетке кантип жардам берсе болору айтылды

2025
Дарыгердин айтымында, табияттан берилген иммунитет жугуштуу оорулардан толугу менен коргой албайт. Бирок иммунитет жакшы болсо вирусту жеңил көтөрүп же батыраак айыгууга болот.

БИШКЕК, 6-ноя. — Sputnik. Вирустук инфекциялык оорулардан сактанып, иммунитетти бекемдөө үчүн кандай эрежелерди эстен чыгарбоо керек экенин РИА Новостиге терапевт Дмитрий Злобин айтып берди.

"Бизге табияттан берилген иммунитет жугуштуу оорулардан толугу менен коргой албайт. Бирок иммунитет жакшы болсо вирусту жеңил көтөрүп же батыраак айыгууга болот", — деген эксперт.

Терапевт иммунитетти бекемдөө үчүн кийген кийимге, ичкен тамакка, жашоо образга көңүл бөлүү керектигин айткан.

"Баягы эле эрежелер: тамакты түрлөп жеп, уйку режимин сактап, сууну көп ичип, спорт менен машыгып, таза абага чыгып, зыяндуу адаттардан баш тартуу керек. Каттап кийинип, таманы калың бут кийим кийген жакшы. Ошондой эле ооругандар менен байланышты азайтып, колду самын менен таза жууп, антисептик колдонуп, бет кап тагынуу керек", — деген терапевт.

Адис сасык тумоого жана коронавируска каршы эмдөө жолу менен да иммунитетке ээ болуу мүмкүн экенин эске салган.

2025
Белгилер:
иммунитет, коронавирус, сасык тумоо
Тема боюнча
Көз кургап, тери бузулуп... Организмге А витамини жетишпесе эмне болот
Организмди токсинден тазалоо үчүн эмне жеш керек? Адистин кеңеши
Спутник Лайт вакцинасы. Архив

Гинцбург: "Спутник Лайт" менен тамчылатма вакцинаны бирге колдонсо болот

5
(жаңыланган 17:15 02.12.2021)
Ноябрдын соңунда Владимир Путин кайрадан вакцина сайдырып, "Спутник Лайтты" тандаган. Ал эми көп убакыт өтпөй тамчылатма вакцина алган.

БИШКЕК, 2-дек. — Sputnik. "Спутник Лайт" менен коронавируска каршы таноого тамчылаткан вакцинаны аралаш колдонсо болот. Бул тууралуу Гамалея атындагы Эпидемиологиялык жана микробиология боюнча улуттук изилдөө борборунун окумуштуусу Александр Гинцбургдун айтканын РИА Новости жазды.

"Бул ден соолукка зыянын тийгизбейт", — деп кошумчалаган ал.

Октябрдын ортосунда Россиянын Саламаттык сактоо министрлиги Гамалея борбору тарабынан иштелип чыккан SPRAY 08-Гам-КОВИД-Вак-2021 вакцинасынын клиникалык сыноолоруна уруксат бергени айтылган.

Гинцбург тамчылатма препараттын кыйыр таасири жоктугун билдирген. Анын орун басары Денис Логуновдун айтымында, бул дем алуу органдарында иммунитетти пайда кылып, ооруга кошумча тоскоолдук жаратууга багытталган процедура.

Ноябрдын соңунда Владимир Путин кайрадан вакцина сайдырып, "Спутник Лайтты" тандаган. Ал эми көп убакыт өтпөй тамчылатма вакцина алган.

"Оорутуп же оорутпаганы боюнча айтсам, эки саат мурда сайган, эч нерсе деле сезген жокмун. Баары кадыресе эле, абалым да күндөгүдөй", — деген Путин анда.

Путин COVID-19га каршы тамчылатма вакцинаны эксперимент жасоо боюнча ыктыярчыларды чакырган.

5
Белгилер:
Россия, Владимир Путин, Александр Гинцбург, вакцина
Тема:
"Спутник V" вакцинасы
Тема боюнча
"Кыйыр таасири жок": мурунга тамчылаткан вакцинанын коопсуз экени айтылды
Көмүр кампасы. Архив

Көмүр 6 000 сомдон сатылууда. Кимге кайрылып, кандай чара көрүү керек?

33
Монополияга каршы жөнгө салуу мамлекеттик агенттиги бекиткен баа боюнча, Кара-Кече көмүрүнүн 1 тоннасы 4 500 сомдон кымбат сатылбашы керек.

БИШКЕК, 2-дек. — Sputnik. Бишкек шаарынын тургундары Sputnik Кыргызстан агенттигине калаада айрым жерлерде Кара-Кече көмүрүнүн бир тоннасы 6 000 сомдон сатылып жатканын айтышты.

Эске салсак, көмүрдүн кымбаттап кетишин токтотуу максатында өкмөттүн токтому чыккан. Документтин негизинде Монополияга каршы жөнгө салуу мамлекеттик агенттиги кара алтындын баасын бекитип, Бишкекте кара алтындын баасы 4 500 сомдон кымбат ашпаш керек болчу.

Шаардыктар Бишкектин айрым жерлеринде ортомчулар жана ишкерлер баа бекитилгенине карабай Кара-Кече көмүрүн кымбат сатып жатканын айтып, арызданышты.

"Мурманская көчөсүндө жайгашкан базалардын сыртында Кара-Кече көмүрү 5 500 сомдон, Ак-Ордо конушундагы Гагарин көчөсүндө 6 000 сомдон сатып жатышат. Андан башка жерлерде дагы кымбат экен. Бир тоннаны үйүңө жеткиргенде эле 10 000 сом чыгып кетет", — деди окурман.

Монополияга каршы жөнгө салуу мамлекеттик агенттиги Бишкек шаарындагы өкүлү Сагын Маматоморов токтом үч ай бою күчүндө болорун, кара алтындын баасы 4 500 сомдон ашпашы керектигин эскертти.

"Биздин кызматкерлер көмүр саткан базаларды күнүгө текшерип жатат. Айрым алып сатарлар ортодон бааны көтөрүп жиберүүдө. 5 000-6 000 сомдон сатылбаш керек. Аларды аныктасак дароо айып салабыз. Шаар тургундарына да кымбат саткан жерлер болсо бизге чалып так дарегин айткыла деп жатабыз", — деди ал.

Көмүрдү кымбат саткандардын үстүнөн кайда арызданса болот?

Агенттиктин борбордук аппараты — 0 (312) 56-33-37, 56-32-19;

  • Бишкек шаары жана Чүй облусу боюнча бөлүмдөрү — 66-14-15, 66-48-06;
  • Ысык-Көл облусу боюнча бөлүмү — 0 (3922) 3-18-86;
  • Нарын облусу боюнча бөлүмү — 0 3522 5-09-53;
  • Талас облусу боюнча бөлүмү — 0 (3422) 5-58-51;
  • Жалал-Абад облусу боюнча бөлүмү — 0 (3722) 7-02-23;
  • Ош облусу боюнча бөлүмү — 0 (3222) 7-00-25;
  • Баткен облусу боюнча бөлүмү — 0 (3622) 5-51-49.

Эске салсак, буга чейин президент Садыр Жапаров Кара-Кече көмүрү 3 000 сомдон сатыларын убадалап, көмүр ушул баа менен бериле баштаган. Бирок арзан көмүр аз-аздан келип, кезекке тургандар көп. Сатуучулар арзан көмүр алууну каалагандар 10 күн эрте кезекке туруп, тизмеге жазылышы керектигин эскертишкен.

33
Белгилер:
Кыргызстан, Бишкек, көмүр, баалар, арыз
Тема боюнча
Бир ай ичинде көмүр 8 пайызга кымбаттаган. Статистика
Энергетика министрине сөгүш берилип, "Кыргыз көмүрдүн" жетекчилери иштен алынды