Кучакташып турга жуп. Архив

Эңсеген аялды таптым, бирок балдарымды кантип кыям?.. Эркектин каты

6252
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасына башка айымды сүйүп калып, бирок балдарын таштап үйдөн чыгып кете албай жаткан мырзанын катын жарыялайбыз.

Саламатсыздарбы, мен азыр башымдан өтүп жаткан үй-бүлөлүк маселемди айтып психологго кат жазып отурам. Өзүм 30 жаштамын. Жубайым экөөбүздүн ортобузда эки балабыз бар. Борбордо турабыз. Мындан 1,5 жыл мурда капысынан бир кечеде купулума толгон келинди жолуктурдум. Билбейм, аялым менен жашаган учурда дайыма эле мага бир нерсе жетишпей жатканын билчүмүн. Бирок аны өзүмө так түшүндүрүп бере алчу эмесмин. Келинчегим өзү карапайым. Курбулары деле жок. Кызыккан деле иши жок. Үй оокаты, балдары, анан мен акча алып келип берсем болду. Аялдай болуп деле кылыктанып эркелебейт. Бирок балдарымдын энеси катары сыйлайм. Аялымдын мага болгон ишенимин, балдарыма жасаган камкордугун кыйып кете албай жатам. Ошентсе да аны менен түгөй катары бир үйдө жашоо мен үчүн кызыгы жок болуп калды. Анын жанында жашоомду каңгыраган бош идишке салыштырам.

Ал эми мен жактырып калган келин ачык-айрым, жүзүнөн күлкү кетпеген жылдыздуу, ошол эле учурда чечкиндүү аял. Жактырбаганын "тарс" эле бетке айтат, өзүнүн баа-баркын да билет. Мен аны ушул турушу менен сүйүп калдым. Мурда турмуш куруп ажырашкан. Бир эркек баласы бар экен. Азыр экөөбүз жолугуп жүрөбүз, бирок келинчегим билбейт. Экөөнү салыштырып көрсөм такыр эки башка адам. Аялым түйшүкчүл. Кээде карап турсам, өзүнө кийим алуудан да акча үнөмдөп үйгө оокат алат. Ал эми атыр-патыр алууну акчаны чачып ийгендей эле көрөт. Ооба, аял кишинин сарамжал болгону жакшы. Кээде өзүн унутуп, оокат үчүн ашыкча эле жулуна бергенинен иренжип кетем. Бир жолу жаңы үйлөнгөндө гүл алып келсем, жактырбай кагып койгон. Ошондон кийин гүл бербейм. Атыр да алып берчүмүн. Аны да жактырган жок. Кыскасы, мен өзүн сүйүп караган, ошондой эле каржылык жактан көз каранды эмес аялдарды баалайт экенмин. Азыр мени үйдө балдарымдын көздөрү жана келинчегимдин эч жаман ою жок баёолугу эле кармап турат. Кантип баарын ачык айтып чыгып кетүүнү билбей жатам. Биротоло эле үй-бүлөмдү тандайын десем, өмүр бою өкүнүп жашап каларымды билип турам. Анда аялымды да бактысыздыгыма күнөөлөп, такыр эле көргүм келбей калчудай. Тирүүнүн өлүгүнө айланбай оюмдагыдай жашагым келет. Бирок кантип кетем?

Психолог Гүлнара Жасоолова:

— Ар бир курактын өзүнө жараша сезимдери болот. Бул норма катары саналат. Мүмкүн бул жигиттин жашоосунда кайтарым сүйүү, көңүлүндөгүдөй мамиле болбогондуктан "өмүр бою башка бирөөнү издеп жүрүптүрмүн, эми аны таптым" деп жаткандыр. Ар бир адам жашоосун толуктап турчу сезимди издейт.

Учурда сиз эки адамды салыштырып жатасыз. Бирок жакшы көрүп калган айымыңызга жасаган мамилени аялыңызга да жасап көрсөңүз, мүмкүн ал да кулпуруп чыгар. "Бир жолу гүл, атыр-патыр берсем аны да жакшы кабыл алган жок" деп жазыптырсыз. Балким ал сизди аягандыр. Анткени жубайыңыздын чарбачыл, балдарга карамдуу зайып экендигин да жазбадыңызбы. Бир жолку гүл менен гана чектелбестен дагы да белектериңизди берип көрүңүзчү. Жолугуп жаткан айымыңыз менен эс алган жайларга жубайыңызды да алып барсаңыз, ал да бара-бара ачылып, кайрадан мамилеңер жакшырып калар. Аялзаты үйдө балдар менен болуп, өзүн карабай калгандыктан түгөйлөр ортосунда ушундай көйгөйлүү маселе жаралат.

Экинчи жагынан жактырып жүргөн айымга үйлөнгөндө деле андан сиз күткөн эмоцияны ала албай калышыңыз мүмкүн. Ушул жагын да эске алыңыз. Жубайыңызды башка аялга салыштырган сайын жаман жактары чыга берет. Ар бир адамдын жакшы жана жаман сапаттары болот.

Чечим кабыл алуу алдында балдар менен да эсептешиңиз. Алар өмүр бою атанын камкордугуна муктаж болуп өсөт. Үй-бүлөнү сактап калуу үчүн атанын да жоопкерчилиги, милдети бар. Бул жагын да терең ойлоо керек деген ойдомун. Башында айткандай, ар бир курактын кризиси болот. Мүмкүн бул убактылуу сезимдир. Эгер чындап эле чоң сүйүүгө кабылсаңыз, аны да ортого салып кеңешип, жети өлчөп бир кесиңиз. Анткени мунун артында чоң үй-бүлөлүк маселе, бир канча кишинин тагдыры жатат.

Балким, жан дүйнөңүздө сүйүү менен мээримдүүлүктүн өксүгү байкалса психологго да жекече келип көрөрсүз.

 

6252
Белгилер:
кыз, келин, сүйүү, жигит, турмуш, бала
Тема:
Психолог менен баарлашуу (175)
Тема боюнча
Оюман кетпеген жигитим кайнага болуп чыкты. Айласы кеткен келиндин каты
Өзүм үчүн жашагым келет, бирок уул-келинден чочулайм. Жесир аялдын каты
Ысык-Көлдүн Тоң районунда баш кошкон эки жаш парламенттик шайлоодо добуш беришти

ЗАГСтан түз шайлоого. Ысык-Көлдө жаңы үйлөнгөн эки жаштын добуш берген сүрөтү

35
(жаңыланган 16:53 28.11.2021)
Бул окуя облустун Тоң районундагы №3212 шайлоо участкасында болгон. Эки жаш үлпөт кийимчен келишкен.

БИШКЕК, 28-ноя. — Sputnik. Ысык-Көлдүн Тоң районунда баш кошкон эки жаш парламенттик шайлоодо добуш беришти. Мындай маалыматты Борбордук шайлоо комиссиясы өзүнүн Facebook баракчасына жазып, сүрөттөрүн чыгарды.

  • Молодожены участвуют на выборах депутатов Жогорку Кенеша VII созыва в избирательном участке №3212 в Тонском районе Иссык-Кульской области. 28 ноября 2021 года
    Выборы депутатов Жогорку Кенеша VII созыва в Кыргызстана
    © Фото / пресс-служба ЦИК КР
  • Молодожены участвуют на выборах депутатов Жогорку Кенеша VII созыва в избирательном участке №3212 в Тонском районе Иссык-Кульской области. 28 ноября 2021 года
    Выборы депутатов Жогорку Кенеша VII созыва в Кыргызстана
    © Фото / пресс-служба ЦИК КР
1 / 2
© Фото / пресс-служба ЦИК КР
Выборы депутатов Жогорку Кенеша VII созыва в Кыргызстана

Жаштар ЗАГСтан түз эле шайлоо тилкесине келишкен. Бул окуя облустун Тоң районундагы №3212 шайлоо участкасында катталды.

Эске салсак, бүгүн өлкөдө Жогорку Кеңешке депутаттарды шайлоо жүрүп жатат. Бул ирет шайлоо мурдагыларга салыштырмалуу башка эреже менен өтөт. 54 талапкер партиялык тизме (пропорционалдык система), калган 36сы бир мандаттуу округ (мажоритардык система) менен келет. Парламенттин VII чакырылышында депутаттардын саны 90 болот.

Бирдиктүү шайлоо округу боюнча саат 14:00гө карата шайлоочулардын 16,27 пайызы добуш берди. Бул 602 432 кыргызстандык шайлоого катышканын түшүндүрөт.

35
Белгилер:
шайлоо, Жогорку Кеңеш, Ысык-Көл, үлпөт, той
Тема:
Жогорку Кеңешке жаңы тартип менен болчу шайлоо
Тема боюнча
ИИМ өкүлү: шайлоочуларды ташуу, добуш сатып алуу боюнча даттануулар түшүүдө
Шайлоого катышкандардын саны канчага жетти? Саат 14:00гө карата маалымат
Киши сом купюралары менен. Иллюстративдик сүрөт

ИИМ айрым талапкерлер бир добуштун "баасын" канчага көтөргөнүн айтты

138
(жаңыланган 16:31 28.11.2021)
Милициянын маалыматы боюнча, талапкерлер добуш сатып алуу үчүн 1000 сомдон 3000 чейин сунуштап жатат.

БИШКЕК, 28-ноя. — Sputnik. Нарын жана Ош облустарында добуш сатып алуу фактысы көбүрөөк катталууда. Бул тууралуу ИИМдин Тергөө кызматынын өзгөчө маанилүү иштер боюнча улук тергөөчүсү Султан Макилов билдирди.

Анын айтымында, шайлоо процесси башталгандан бери добуш сатып алуу боюнча 49 факты катталган. Анын ичинен жетөө тергелип бүтүп, сотко жөнөтүлдү.

"Бизге түшкөн маалыматтарда добуш сатып алуу үчүн шайлоочуларга 1000 сомдон 3000 чейин сунуштап жатканы аныкталды. Кээде акча түрүндө эле эмес, жол салып же кандайдыр бир объект куруп берүүгө аракет кылгандар бар. Мындай учурлар Бишкекте мурункудай болбой, азайып калды. Көбүнчө Нарын жана Ош облустарынан катталууда", — деди Макилов.

Ошондой эле ал бүгүн добуш сатып алуу боюнча фактылар аныкталбаганын кошумчалады.

Мындан сырткары, тергөөчү "административдик ресурсту колдонуу" беренеси боюнча 39 факты катталганын белгиледи. Анын ичинен тогузу тергелип бүтүп, сотко жөнөтүлгөн. Мындай мыйзам бузууга баргандардын басымдуу бөлүгү Бишкекте, Ош облусу жана шаарында болууда.

Шайлоонун жүрүшү тууралуу соңку маалыматтарды, сүрөт, видеолорду Sputnik Кыргызстандын онлайн репортажынан көрө аласыздар.

138
Белгилер:
Жогорку Кеңешке шайлоо, добуш, сатып алуу, тергөөчү
Тема:
Жогорку Кеңешке шайлоо 2021
Тема боюнча
260 миң сомдук айып, 2,5 жылдык түрмө. Шайлоо эрежесин бузгандар кантип жазаланат
Шайлоодон уткан кээ бир талапкерлерге мандат берилбей калышы мүмкүн. Себеби
Брюсселдеги Европарламенттин штаб-квартирасында жанында турган аял. Архив

"Спецназ жана кибер чабуулдар". Европа Америкадан өч алгысы барбы?

0
Бир армия, бир штаб жана бир душман... Евробиримдикте "Стратегиялык компас" планы талашта. Европа өлкөлөрү өз аскердик блогун түзүп, НАТО менен АКШдан көз карандылыгын азайтат. Бирок көпчүлүк ар кандай себептер менен буга каршы чыгууда.

"Европаны улуу жана чыныгы эгемен кылабыз", — деп кайталашат Брюсселдегилер. Буга 2020-жылга чейинки жаңы коргоо стратегиясы өбөлгө болоруна ишенишет. Антон Скрипуновдун ушул документ тууралуу ой толгоосу РИА Новости сайтына жарык көргөн.

Коргоо стратегиясы өтө тездик менен даярдалды. 2020-жылдын аягында Германия ар кандай коркунучтардан коргонуу "чараларынын комплексин" иштеп чыгууну сунуштаган. Жарым жыл өтпөй улуттук өкмөттөргө анын баштапкы варианты тааныштырылган. Ал эми 2022-жылдын мартында концепцияны бекитүүгө белсенип турушат. Биримдиктеги негизги жетекчилер союздаштарын болуп көрбөгөндөй шаштырууда.

"Кооптуулуктарды талдоонун жыйынтыгы Европа коркунучта экенин ачык көрсөтүүдө. Биринчиден, экономикалык мүмкүнчүлүктөр улам чектелип барат. Отуз жыл мурун Европа биримдигине дүйнөлүк байлыктын чейреги таандык болсо, жыйырма жылдан соң болгону он пайызы гана калат. Мындан сырткары, калктын саны кескин азаюуда: кылым аягында Европада дүйнө калкынын беш пайызы гана калат", — деп үрөй учурууда ЕБдин тышкы саясат жана коопсуздук комиссары Жозеп Боррель.

Ал эми Афганистандагы абал "америкалык өнөктөштөрүнүн" башкаларды түгүл өздөрүн коргой албай турганын тастыктап турат. Ошондуктан европалыктар алдыда күтүлгөн апааттарды керт башы менен алдын алууга тийиш.

Документте "кыяматтын чабандеси" катары Россияны белгилешкен. Авторлор бул мамлекет "гибриддик согуштун тактикасын, бурмаланган маалымат жана киберчабуулду пайдаланып жатат" дешет. Кытайды "экономикалык жана системалуу атаандаш" катары сыпатташкан. Ушул себептен документтин демилгечилери Евробиримдикке жалпы стратегия абзел, жалпы коргоо бюджети жана керек болсо космосто да жалпы күчтөрү болушу шарт деген пикирде.

2025-жылга дейре Брюссель беш миң жоокерден турган "ыкчам чара көрүүнүн бирдиктүү универсалдык тобун" түзүүнү көздөйт. Боррель жаңы стратегия европалык күчтөрдү ыкчам жана майнаптуу кыларынан шек санабайт. Ошону менен бирге эле Польша-Беларусь чек арасындагы мигранттар каатчылыгын да бул документ кабыл алынса, заматта чечип коюуга болорун да кошумчалайт. Бирок кантип чечүүнүн чоо-жайына токтолгон эмес.

Мындай демилгени Брюссель гана алып чыгып жаткан жок. Жаңы тутумга Берлин менен Париж да кызыкдар. Тышкы күчтөрдөн "көз карандысыздыкка умтулуу" туурасында ал жакта ачык эле айтылууда. Эң оболу мында кеп НАТО жөнүндө. Евробиримдик жөнүндөгү келишимде дал ушул альянстын күчтөрү континенттин коргоо тармагынын негизи катары кызмат өтөйт. Албетте, башында АКШ турат. Америкалыктар Европада Экинчи дүйнөлүк согуштан бери орун алышкан. Топтун саны улам өсүп, 1980-жылдары 300 миңге жеткен. Ал эми ушул тапта 60 миңдин тегерегинде. Негизги контингент — Германияда, 34 миңди түзөт. Бул өлкөдө АКШ чегинен тыш эң ири америкалык "Рамштайн" базасы жайгашкан. Акыркы жылдары океан ар жагынан келген меймандарын кыртышы сүйбөй барат, анткени алардын басымдуу бөлүгү Берлиндин каражатына багылат.

Анан да куралды Пентагондон гана сатып алуу шарт. Азыр бундестагда F-35 менен жергиликтүү Eurofighter учактарынын бирин тандоо милдети турат. Немецтердин бул жаатта дымагы да чоң, алар алтынчы муундагы истребителди алгачкылардан болуп француздар менен биргеликте чыгарууну самашат. Эммануэль Макрон менен дайым ЕБдин көз карандысыздыгы жөнүндө ой жүгүртүшөт.

Париж Африка жана Жакынкы Чыгыштай эле курал рыногунда Вашингтонду атаандаш катары санайт. Беш жыл ичинде Париж аскердик экспортун 72 пайызга өстүрдү. Эгер капыстан Австралия франциялык субмариналардан баш тартпаса, бул көрсөткүч мындан да жогору болмок. Канберра Кошмо Штаттар жана Улуу Британия AUKUS долбоорунун алкагында аскердик союзду өзүнө ылайык көрдү. 56 миллиард евролук келишимдин бузулушун Елисей ордосу "далыга бычак уруу" катары кабыл алган.

Прибалтикада айрым өлкөлөрдүн бийлиги "америкалык күчтөрдүн" келишин кубаттайт. Алар үчүн база куруп, ушул жылдын августунда литвалык "Геркус" ачылды. Пентагон анчалык көңүлсүнбөгөнү менен бул долбоор Вильнюстун демилгеси менен ишке ашты.

"Болуп көрбөгөндөй зарылдык бар. Биз силерге күчтөрдү даярдоо үчүн бардык тийиштүү шарттарды түзүп беребиз", — деп кайрылды Вашингтонго өлкөнүн коргоо министри Арвидас Анушаускас.

Учурда республикада 500 чакты америкалык аскер кызматкери жашайт. Ошондой эле базада 30 "Абрамс" танкы жана зооттолгон 25 "Брэдли" машинасы бар. Маал-маалы менен топ окууларды өткөрүп турат.

Польшада эми бүтүндөй зооттолгон танк бригадасы жайгашкан десек болот. Жакында Пентагон бул өлкөдө толук кандуу база куруп, 85 танк, 190 пехоталык машина, өзү жүрүүчү 35 артиллериялык түзүлүш жана төрт даана танктын төшөлмө көпүрөлөрүн алып келет. Айтмакчы, бул жактан россиялык чек арага чейинки аралык – болгону 256 чакырым.

Польша жана Прибалтика "россиялык коркунучтан" улам "Компаска" каршы. Документти жактырбагандардын бир даары экономикалык себептерди аташат. Көбүнесе бар жагынан мүмкүнчүлүктөрү чектелүү кенже европалык республикалар жаңы стратегияны сынга алууда. Маселен, Чехия. Европарламенттеги өкүлү Александр Вондра долбоорду "ашкере дымактуу" деп сүрөттөдү. "Бир жагынан Россия менен Кытай кооптуу душмандар катары аталган, — дейт саясатчы. — Экинчи тараптан, Евробиримдик аларды өнөктөш деп эсептейт".

Ошондой эле ковид каптап турганда мындай аракеттер экономикалык кырдаалды курчутат дегендер да жок эмес. Европа биримдиги ансыз да жети жыл аралыгында коргоо тармагына 1,93 триллион доллар сарптап келсе да, Брюссель аскердик чыгымдарды дагы көбөйтүүнү талап кылууда. Бир катар мамлекеттер ага макул эмес. НАТОдон бөлөк, Европада дагы бир нече түзүмдөр, айталы, European Corpus бар. Ал төрт дивизияны уюштура алат, жети миң жоокери бар. 20 жыл мурун Босния жана Косоводо кызмат өтөшкөн.

"Долбоорго кызыкдар өлкөлөр, эң оболу Франция ал структураны басып коёт. Тема актуалдуу. НАТО башка шарттарда, бөлөк максаттар үчүн түптөлгөн. Ал эми азыр каршы туруу түзүмү башка: фронттун так сызыгы жок", — деп түшүндүрөт РФтеги Геосаясий маселелер академиясынын вице-президенти Константин Соколов. Бирок эксперттин баамында, жаңы альянс америкалык күчтөр менен тил табышып кетери бышык, себеби алар "өз базаларын таштап кетери" арсар эмеспи. Европа биримдигинин ичинде чыңалуулар жаралышы ыктымал.

0
Белгилер:
Россия, НАТО, АКШ, Пентагон, Евробиримдик, курал-жарак, Аскер, Франция
Тема боюнча
Орус куралы: 2021-жылдын алдын ала жыйынтыгы