Автоунаанын салону. Архив

Терезе бууланбаш үчүн автоунаа мешин кантип туура иштетүү керек

2062
Адис салондогу климаттык көзөмөлү бар заманбап автоунаа ээлерине жана машинасында мындай функциялары жок айдоочуларга бир нече кеңеш берди.

БИШКЕК, 10-ноя. — Sputnik. Россиялык автоунаа адиси Егор Васильев аба ырайынын кескин өзгөргөн шартында автоунаанын мешин кантип туура иштетүүнүн жолун түшүндүрдү. Бул тууралуу ал "Прайм" агенттигине билдирген.

Анын айтымында, унаада заманбап климаттык контролдоо опциясы бар болсо, анда кыймылдаткычты ишке киргизгенден кийин, мүмкүн болушунча тезирээк жылытуу үчүн терезелерди үйлөө режимин иштетүү керек. Бул үчүн машинада атайын кнопка бар.

"Айнектеги буу кеткен соң климатты көзөмөлдөөнү кадимки режимге түшүрүү керек. Эгерде унаа мындай заманбап система менен жабдылган эмес болсо, анда аба түтүктөрүнүн дефлекторлорун башкаруу менен аба агымын айнекти көздөй багыттоо керек. Салондогу нымдуулук тарагандан кийин гана андагы ыңгайлуулук жөнүндө ойлонуу зарыл", — деген адис.

Заманбап унааларда салондогу жылуулукту иштетүү үчүн кыймылдаткычты кызытууну күтүштүн кереги жок. Адис мындай учур эгерде сырттагы температура аябай суук болгондо гана жасалышы мүмкүн экенин айтат. Баса, маңдайкы айнектердин буусун тезинен кетирүү үчүн адис күндөн калкалоочу тетикти артка бүктөөнү сунуштайт. Алар жылуу абанын тарашына тоскоолдук кылат.

Эгерде айдоочу өзүнүн аккумуляторунун абалынан күмөн санаса, анда кыймылдаткычты иштетүүдөн мурун унаанын жылытуу системасы өчүрүлүп турганын карап көрүшү керек.

2062
Белгилер:
Россия, адис, автоунаа, терезе, кеңеш
Тема боюнча
Катуу ылдамдыктагы унаа бет маңдай келгенде биринчи эмне кылуу керек? Кеңеш
Байкалбай эле автоунааны жарактан чыгарып койчу 5 көйгөй
Дарыгер COVID-19га каршы вакцина даярдап жатат. Архив

ДССУнун Кыргызстандагы өкүлү "омикрон" штаммы тууралуу эмне белгилүү экенин айтты

18
(жаңыланган 18:05 30.11.2021)
Коронавирустун "омикрон" жаңы штаммынын 32ден ашык мутациясы бар. ДССУ өкүлү алардын айрымдары кооптонуу жаратарын айтты.

БИШКЕК, 30-ноя. — Sputnik. Коронавирустун "омикрон" жаңы штаммы учурда толук изилденип бүтө элек. Бирок ал иммунитети бар адамдарга дагы жуга турганы белгилүү. Бул тууралуу Дүйнөлүк саламаттык сактоо уюмунун Кыргызстандагы кеңсесинин өкүлү Акбар Эсенгулов билдирди.

Ал Sputnik Кыргызстандын пресс-борборунда өткөн "Дүйнөгө коркунуч жараткан штамм-супермутанттан Кыргызстан кантип коргонот" аталышындагы брифингге катышты.

Эсенгуловдун айтымында, ДССУ жаңы штамм тууралуу 24-ноябрда Түштүк Африка өкмөтү инфекция табылганын кабарлагандан кийин билген.

Сотрудник офиса Всемирной организации здравоохранения по чрезвычайным ситуациям в Кыргызстане Акбар Эсенгулов на брифинге в пресс-центре Sputnik Кыргызстан
© Sputnik / Жоомарт Ураимов
Дүйнөлүк саламаттык сактоо уюмунун Кыргызстандагы кеңсесинин өкүлү Акбар Эсенгулов
"Бул штаммдын мутациялары көп, 26дан 32ге чейин жетет. Алардын айрымдары тынчсызданууну жаратат. Штамм канчалык оор ооруну пайда кылары жана мурунку инфекцияларга салыштырмалуу канчалык жугуштуу экени азырынча белгисиз. Алдын ала маалыматтар боюнча, ал мурда иммунизацияланган адамдарда да кайра инфекцияны козгоо мүмкүнчүлүгүнө ээ. Ошондуктан биз өлкөлөрдү бул коркунучка карата даярданууга жана көзөмөлдү күчөтүүгө чакырабыз", — деген Эсенгулов.

Анын айтымында, коргонуу боюнча калкка мурдагыдай эле сунуштар айтылат:

  • Колду самындап жуу;
  • Социалдык аралыкты сактоо;
  • Эл көп чогулган жерлерге баруудан кармануу.

Эске салсак, министрлер кабинети Дүйнөлүк саламаттык сактоо уюму менен COVID инфекциясынын "омикрон" жаңы штаммынын пайда болушу боюнча чукул кеңеш өткөргөн. ДССУ аны кооптуу штаммдардын катарына киргизген. Саламаттык сактоо жана Тышкы иштер министрликтерине вирустун жаңы мутациясынын Кыргызстанда жайылышын алдын алуу боюнча чараларды көрүү тапшырылды.

18
Белгилер:
Кыргызстан, 'омикрон' штаммы, жаңы штамм, коронавирус
Тема:
Кыргызстандагы коронавирус
Тема боюнча
"Омикрон" штаммынан коргонуунун жападан жалгыз жолу айтылды
Жугуштуу илдеттер ооруканасы COVID жуктургандарды кайра кабыл алмай болду
Кыргызстанга кирүүдө 1-декабрдан тарта ПЧР-тест талап кылынат
Митингчилер. Архив

Таласта Дастан Жумабековдун шайланышына каршы болгондор митингге чыкты

144
(жаңыланган 16:49 30.11.2021)
Шайлоонун алдын ала жыйынтыгы боюнча, Жумабеков атаандашы Назарбековдон 125 добуш айырма менен алдыда баратат.

БИШКЕК, 30-ноя. — Sputnik. Талас облусунун Кара-Буура районунда шайлоонун жыйынтыгына нааразы болгон адамдар митингге чыкты.

Алар Кызыл-Адыр айылына чогулуп, №20 Манас шайлоо округунан депутаттыкка талапкер Дастан Жумабековдун утуп чыгышына каршылыгын билдиришүүдө. Топтолгондор Жумабековду добуш сатып алууга күнөөлөп жатышат. Ошондой эле шайлоонун жыйынтыгын тааныбай турганын айтышты.

Чогулгандар ушул эле округдан талапкерлигин койгон Мирлан Назарбековдун тарапташтары.

№20 Манас шайлоо округунда учурда бюллетендердин 96,41 пайызы кол менен эсептелип бүттү. Анда Жумабеков 13 171 добушка ээ болуп алдыда баратат. Ал эми Назарбеков элдин 13 046 добушу менен экинчи орунда турат.

144
Белгилер:
Дастанбек Жумабеков, Талас облусу, митинг, каршылык, шайлоо
Тема:
Жогорку Кеңешке жаңы тартип менен болчу шайлоо
Тема боюнча
БШКнын имаратынын алдында митинг өтүп жатат. Видео