Дарактын дүмүрү. Архив

Мэрия Бишкекте дарактарды кыйып салган курулуш компанияга айып салды

53
(жаңыланган 15:58 10.11.2021)
Үмөталиев көчөсүндөгү №157 үйдүн жака белиндеги дарактарды кыюу фактысы катталып, аны териштирүү үчүн ыкчам комиссия түзүлгөн.

БИШКЕК, 10-ноя. — Sputnik. Борбор калаада дарактарды мыйзамсыз кыйган курулуш компаниясына 13 миң сом айып салынды. Бул тууралуу мэриянын маалымат кызматы билдирди.

Шаардын Үмөталиев көчөсүндөгү №157 үйдүн жака белиндеги дарактарды кыюу фактысы катталып, аны териштирүү үчүн ыкчам комиссия түзүлгөн. Ага Санитардык-экологиялык инспекциянын, "Бишкек жашыл чарба" ишканасынын жана Кайгуул милициянын өкүлдөрү кирген.

Натыйжада "Нур-Энергопромсервис" курулуш компаниясына дарактарды кыюуга уруксат кагазы берилбегени аныкталды. Мындан улам Жоруктар кодексинин 120-беренеси боюнча 13 миң сом өлчөмүндө айып салынган.

Ошондой эле ал жерди кайрадан жашылдандыруу боюнча акты түзүлгөнү белгиленди.

Бишкек мэриясы шаардыктарга кайрылып, мыйзамсыз түрдө бак кыйган, таштанды таштаган фактыларга күбө болгондорду Санитардык-экологиялык инспекцияга төмөнкү номерлер аркылуу кабарлоону өтүнөт:

  • Свердлов району 0551551745;
  • Октябрь району 0505523832;
  • Биринчи май району 0555404818;
  • Ленин району 0554222213.
53
Белгилер:
Бишкек, Бишкек мэриясы, айып пул, компания, бак-дарак
Тема боюнча
"Айчүрөктүн" жанындагы 47 жыл болгон мажүрүм талды кыйып жатышабы? Сүрөт
Россиянын учагы Афганистандан жарандарды эвакуациялоо учурунда

Россиянын учактары Афганистандан элди алып келүүгө кетти. Ичинде КР жарандары бар

14
(жаңыланган 10:01 01.12.2021)
Россия лидери Владимир Путиндин тапшырмасы менен коргоо министри Сергей Шойгу Афганистан аймагынан элди эвакуациялоо үчүн үчүнчү ирет учак жиберген.

БИШКЕК, 1-дек. — Sputnik. Россиянын аскердик-транспорттук үч учагы Афганистандан жарандарды эвакуациялап, гуманитардык жардам жеткирүү үчүн учуп кетти. Алардын бири Кабул шаарына барып конду деп билдирди РИА Новости.

"Россия лидери Владимир Путиндин тапшырмасы менен коргоо министри Сергей Шойгу Афганистан аймагына үчүнчү эвакуациялык иштерди уюштурду. Ал жактан Россиянын (380ден ашуун) жана ЖККУга мүчө болгон мамлекеттердин (Кыргызстан) жарандарын жана Россия аймагында окуп жаткан афганистандык студенттерди алып келет", — деп айтылган маалыматта.

Учактар Кабулга Подмосковьедеги Чкалов аэродромунан жөнөп кеткен.

Маалыматта россиялык аба кемелери афган элине эмне жардам алып барганы такталып жатканы жазылган.

14
Белгилер:
Афганистан, Россия, Кыргызстан, эвакуация, учак, гуманитардык жардам
Тема боюнча
Россия Афганистандан өз жарандары менен кошо кыргызстандыктарды ала чыгат
Медициналык кызматкер жана COVID-19 менен бейтап ооруканада

Коронавирустун 53 жаңы учуру катталып, үч адам көз жумду. Статистика

13
(жаңыланган 09:51 01.12.2021)
Өлкөдөгү ооруканаларда медициналык жардам алып жаткан 378 кишинин ичинен 30унун абалы өтө оор деп бааланды.

БИШКЕК, 1-дек. — Sputnik. Өткөн суткада Кыргызстанда 53 адамдан коронавирус табылып, 102 бейтап айыкты. Бул тууралуу Саламаттык сактоо министрлигинин маалымат кызматы кабарлады.

Жуктургандар:

  • Бишкек шаары – 18;
  • Чүй облусу – 10;
  • Ош облусу – 3;
  • Ысык-Көл облусу – 7;
  • Жалал-Абад облусу – 7;
  • Баткен облусу – 8.

Өлкөдө илдет илештиргендердин жалпы саны 183 404кө жетти. Анын ичинен 178 332 адам дартты жеңген.

Тилекке каршы, бир суткада Чүй облусунда үч адам коронавирустун курмандыгы болгон. Алардын вакцина албаганы айтылды. Муну менен жалпысынан 2 749 киши оорудан каза болду.

Азыркы тапта стационарда 378 бейтап, ал эми амбулатордук шартта 466 киши дарыланып жатат. Ооруканада медициналык жардам алып жаткандардын ичинен 30унун абалы өтө оор.

13
Белгилер:
Кыргызстан, коронавирус, статистика, бейтап, оору
Тема:
Кыргызстандагы коронавирус
Тема боюнча
Жугуштуу илдеттер ооруканасы COVID жуктургандарды кайра кабыл алмай болду
Кыргызстанга кирүүдө 1-декабрдан тарта ПЧР-тест талап кылынат