Кыргызстандын президенти Садыр Жапаров. Архив

Илим өнүкпөсө турмуш оңолбойт! Жапаровдун илимпоздор күнүнө карата куттуктоосу

59
Кыргызстанда бүгүн, 10-ноябрь — окумуштуулардын жана илимпоздордун кесиптик майрамы. Бул дата өлкөдө 2002-жылдан бери белгиленип келет.

БИШКЕК, 10-ноя. — Sputnik. Өлкөбүздүн илим тармагына мамлекет же жеке жак дебей бир жакадан баш, бир жеңден кол чыгарып, биримдикте салым кошчу учур келди. Бул тууралуу президент Садыр Жапаровдун Илим күнүнө карата куттуктоосунда айтылды.

"Биз билген Сингапур, Малайзия, Япония, Корея, Түркия, Германия сыяктуу өлкөлөр жаңы ачылыштардын, заманбап ойлоп табуулардын, өркүндөгөн технологиялардын жардамы менен бүгүнкүдөй абалга жетишкендигин жалпыбыз жакшы билебиз. Ааламдашуу шартында Кыргызстан дагы олуттуу өзгөрүүлөрдүн, жаңылануунун босогосунда турат. Заман агымына жараша элибиз да илимге терең маани бере баштаганы жакшы жышаан", — деп айтылат куттуктоодо.

Президенттин айтымында, мамлекет тарабынан илим-изилдөө чөйрөсүн колдоо максатында бир топ иш-чараларды жүзөгө ашыруу жана каржы маселесин чечүү каралып жатат.

"Өлкөнүн кайсы гана тармагында болбосун, изилдөөлөр жүргүзүлүп, өнүгүүгө бет алмайынча эл турмушун жакшыртуу мүмкүн эмес. Буга байланыштуу окумуштуулар жамаатынын өлкө үчүн жасай турган иштери арбын. Жалпы кыргыз коомчулугунун күткөн үмүт-тилеги дагы, койгон талабы дагы ушул", — деди президент.

Ошондой эле ал илим тармагына мамлекет, жеке жак дебей бир жакадан баш, бир жеңден кол чыгарып биримдикте иштеше турган учур келгенин кошумчалады.

Кыргызстанда бүгүн, 10-ноябрь — окумуштуулардын жана илимпоздордун кесиптик майрамы. Бул дата өлкөдө 2002-жылдан бери белгиленип келет.

59
Белгилер:
Кыргызстан, Садыр Жапаров, куттуктоо
Тема боюнча
Көз каранды эмес, калыс ой жүгүрткөн журналисттер көп болсун! Жапаровдун куттуктоосу
Жакында бардык шарт түзүлөт! Садыр Жапаров маданият кызматкерлерин куттуктады
Сахнадагы кыз. Архив

Балага эл алдында сүрдөбөй сүйлөөнү үйрөтүү керекпи? Психологдун пикири

3
Адис эч качан баланы кыйнап, бирөөлөрдүн алдында ырдатып-бийлетпеш керектигин айтат. Андан көрө өз эрки менен өнөрүн көрсөткөн учурда мактап, көңүлүн көтөрүп коюу зарыл.

БИШКЕК, 1-дек. — Sputnik. Балага кичине кезинен баштап эл алдына чыгып сүрдөбөй сүйлөөнү үйрөтүүнүн канчалык зарылдыгы бар? Бул тууралуу РИА Новости агенттигине маек берип жатып Россиянын билим берүү тармагындагы психологдор федерациясынын мүчөсү, педагог-психолог Юлия Челышева айтты.

Алгач адис балага эл алдына чыгып сүйлөөнүн кандай пайдасы бар экенин түшүндүрдү.

"Сүйлөп жаткан адам ар дайым жалгыз болот. Аны угуп жаткандардын бардыгы ага карама-каршы турат. Ошол кезде бала канчалык өзүнө ишенип, жакшы сезсе, кийин ошончолук төгөрөгү төп келген адам болуп чоңоёт. Ал эми айтаар сөзүн таппай калган, уялчаак болуп чоңойгон кишини кийин оңдоо өтө татаал", — деди Челышева.

Ошондой эле ал балага публика алдында сүйлөөнү кантип үйрөтсө болорун айтып берди.

"Эч качан наристени кыйнап, коноктордун көзүнчө ырдатып, бийлетпеш керек. Анткени адам көпчүлүк учурда бирөөнүн баасынан коркот, өзүнө жакпаган сөз угуп калса чүнчүйт. Андан көрө үй-бүлө мүчөлөрүнүн арасында сүйлөп, жакшы өнөрүн көрсөткөндө мактап, жакшы сөздөрдү айтып коюу зарыл", — деди психолог.

Адис сөзүнүн аягында бала уялчаак болсо, аны алгач жалгыз киши эмес, топ-топ болуп иштеген спорттук же башка ийримдерге катыштырган жакшы экенин айтат. Анткени ал жалгыз эмес, артында командасы бар экенин билгенде акырындык менен өзүнө болгон ишеними бекемдей баштайт.

3
Белгилер:
бала, психология, комплекс, уялчаактык, публика, сүрдөө
Тема боюнча
Балага акчаны туура колдонгонду кантип үйрөтсө болот? Адистердин кеңеши
Бала татуировка жасатып, чачын жашылга боёйм десе эмне кылуу керек. Адистин кеңеши
Кыз. Иллюстративдик сүрөт

Дене себепсиз көгөрүп... Рактын чочулаткан белгиси айтылды

15
Дарыгерлердин айтымында, лейкоздун белгилери акырындык менен пайда болот. Кээ бир адамдарда бул оору таптакыр билинбей өрчүйт.

БИШКЕК, 1-дек. — Sputnik. Денеде көгөргөн тактын пайда болушу ак кандан кабар бериши ыктымал. Бул тууралуу РИА Новости Express басылмасына таянып билдирди.

"Алгач алар кызыл так болуп көрүнөт. Андан соң түсүн өзгөртүп, карарат дагы ошол жер оорутуп баштайт. Аларды кара түстөгү териде байкоо оңой эмес", — деген медиктер.

Аталган онкологиялык оорунун башка белгилери: себепсиз арыктап, дененин ар кайсы жеринде шишик пайда болот, энтигүү, түнкүсүн тердөө, бүдүр чыгуу, сөөк, муундар ооруп, эс алган, уктаган учурда деле адам чарчап, өңү кубарып кетет.

Дарыгерлердин айтымында, лейкоздун белгилери акырындык менен пайда болот. Кээ бир адамдарда бул оору таптакыр билинбейт. Адистер азыр медицина өнүгүп, заманбап диагностика бар экенин айтып, дартты өз убагында аныктаса айыктырууга болорун белгилешкен.

15
Белгилер:
рак, ак кан, белги, дарыгер, оору, так
Тема боюнча
Мээни 11 жылга карытат. Ден соолукка зыян делген суусундук аталды
Инсультка кептейт. D витамини жетишпеген организм эмнеден жабыркайт