Дары-дармектер. Архив

УКМК: Кыргызстанда эң керектүү 500 дары-дармек арзандады

486
(жаңыланган 18:17 10.11.2021)
Өлкөнүн дарыкана түйүндөрүндө 500дөн ашык дары-дармектин наркы мурдагы дүң жана чекене баасынан 10 пайыздан 68 пайызга чейин төмөндөдү.

БИШКЕК, 10-ноя. — Sputnik. Кыргызстанда эл күндөлүк турмушунда көп колдонгон 500дөн ашык түрдөгү дарылардын баасы төмөндөдү. Бул тууралуу УКМКнын маалымат кызматы билдирди.

Көрүлгөн иш-чаралардын жыйынтыгында биринчи этапта эң керектүү дары каражаттарынын тизмесине кирген ар кандай өндүрүүчүлөрдүн 500дөн ашык дары-дармеги аныкталган.

"Бул медикаменттер эпидемиологиялык кырдаалда калк арасында чоң суроо-талапка ээ болгон. Бүгүнкү күндө ири дарыкана түйүндөрүндө дүң жана чекене баалары мурунку баасынан 10 пайыздан 68 пайызга чейин төмөндөтүлдү", — деп айтылат билдирүүдө.

УКМК белгилегендей, азыркы тапта жашоо үчүн маанилүү дары каражаттарынын тобунун жеткиликтүүлүгүнө баа берүү максатында импорттук, дүң жана чекене баалары боюнча активдүү мониторинг жүргүзүлүүдө.

Медикаменттердин бааларын жөнгө салуу министрлер кабинетинин "Дары-дармек каражаттарына болгон бааларды жөнгө салуунун убактылуу эрежелерин бекитүү тууралуу" токтомунун негизинде жүргүзүлөт.

Эскерте кетсек, буга чейин УКМКнын төрагасы Камчыбек Ташиев Кыргызстанда фармакология чөйрөсүндө өзүнчө мафия бар экенин билдирген. Анын белгилешинче, бул мафиянын айынан Кыргызстанда дарылар 3-10 эсе кымбат турат.

486
Белгилер:
Кыргызстан, дары-дармек, баалар, арзандоо, УКМК
Тема боюнча
Министрлик баасы бекитилген дарылардын тизмесин жарыялады
Бишкектин Биринчи май районуна караштуу Эне жана баланы коргоо боюнча бириктирилген үй-бүлөлүк медицина борборунун директорунун орун басары Диляра Искакова

Кыргызстандагы вакциналар "омикронго" каршы эффективдүүбү? Адистин жообу

4
(жаңыланган 18:58 30.11.2021)
Буга чейин Кыргызстандын министрлер кабинети COVID-19дун "омикрон" деген жаңы штаммы боюнча Дүйнөлүк саламаттык сактоо уюму менен шашылыш консультациялык жолугушуу өткөргөн.

БИШКЕК, 30-ноя. — Sputnik. Коронавируска каршы вакциналар "омикрон" деп аталган жаңы штаммга каршы эффективдүү. Бул тууралуу Sputnik Кыргызстандын маалымат борборунда өткөн "Дүйнөгө коркунуч жараткан штамм-супермутанттан Кыргызстан кантип коргонот?" аталышындагы брифингдин катышуучулары билдирди.

Бишкектин Биринчи май районуна караштуу Эне жана баланы коргоо боюнча бириктирилген үй-бүлөлүк медицина борборунун директорунун орун басары Диляра Искакова Кыргызстанда коронавируска каршы бир нече вакцина бар экенин эске салды.

"Бул препараттардын бардыгы коронавируска каршы эффективдүү жана оорунун оор өтүшүн алдын алат. Бул боюнча көптөгөн маалымат булактары дагы жазып чыкты. Биздин инфекциялык ооруканага вакцина албагандар же препараттын бир эле дозасы менен эмделгендер оор абалда түшүп жатат. "Омикрон" — вирустун жаңы тиби. Бирок биз маалымат булактардан карасак, вакцина алгандар аны менен оорубай турганы боюнча жазылыптыр. Вирус мутация болгон күндө дагы ага каршы иммунитет бар. Профилактика үчүн эмдөөдөн өтүү керек", — деди Искакова.

Дүйнөлүк саламаттык сактоо уюмунун Кыргызстандагы кеңсесинин өкүлү Акбар Эсенгулов бул вирустун жаңы варианты иммундук жооптон "кача алат" деген божомолдор болгону менен вакцинациялоо темпин күчөтүү керек деген ДССУнун сунушун эске салды.

Сотрудник офиса Всемирной организации здравоохранения по чрезвычайным ситуациям в Кыргызстане Акбар Эсенгулов на брифинге в пресс-центре Sputnik Кыргызстан
© Sputnik / Жоомарт Ураимов
Дүйнөлүк саламаттык сактоо уюмунун Кыргызстандагы кеңсесинин өкүлү Акбар Эсенгулов

Ал эми Саламаттык сактоо министрлигинин коомдук саламаттык сактоо бөлүмүнүн башкы адиси Бактыгүл Исмаилова дагы жарандарды эмдөөдөн өтүүгө чакырды. Ал ооруну алдын алуунун эң эффективдүү жолу вакцина экенин белгиледи.

Эске салсак, буга чейин Кыргызстандын министрлер кабинети COVID-19дун "омикрон" деп аталган жаңы штаммы боюнча Дүйнөлүк саламаттык сактоо уюму менен шашылыш консультациялык жолугушуу өткөргөн. Вирус ДССУнун коркунуч жараткан тизмесине кирет. Саламаттык сактоо жана Тышкы иштер министрликтерине вирустун жаңы мутациясынын Кыргызстандын аймагында жайылып кетпеши үчүн чара көрүү тапшырмасы берилген.

4
Белгилер:
Кыргызстан, коронавирус, 'омикрон' штаммы, вирус, жаңы штамм, мутация
Тема:
Кыргызстандагы коронавирус
Тема боюнча
ДССУнун Кыргызстандагы өкүлү "омикрон" штаммы тууралуу эмне белгилүү экенин айтты
Казакстан өлкөгө кирүү эрежесин катаалдаштырып, чектөө киргизет
Дарыгер COVID-19га каршы вакцина даярдап жатат. Архив

ДССУнун Кыргызстандагы өкүлү "омикрон" штаммы тууралуу эмне белгилүү экенин айтты

27
(жаңыланган 18:05 30.11.2021)
Коронавирустун "омикрон" жаңы штаммынын 32ден ашык мутациясы бар. ДССУ өкүлү алардын айрымдары кооптонуу жаратарын айтты.

БИШКЕК, 30-ноя. — Sputnik. Коронавирустун "омикрон" жаңы штаммы учурда толук изилденип бүтө элек. Бирок ал иммунитети бар адамдарга дагы жуга турганы белгилүү. Бул тууралуу Дүйнөлүк саламаттык сактоо уюмунун Кыргызстандагы кеңсесинин өкүлү Акбар Эсенгулов билдирди.

Ал Sputnik Кыргызстандын пресс-борборунда өткөн "Дүйнөгө коркунуч жараткан штамм-супермутанттан Кыргызстан кантип коргонот" аталышындагы брифингге катышты.

Эсенгуловдун айтымында, ДССУ жаңы штамм тууралуу 24-ноябрда Түштүк Африка өкмөтү инфекция табылганын кабарлагандан кийин билген.

Сотрудник офиса Всемирной организации здравоохранения по чрезвычайным ситуациям в Кыргызстане Акбар Эсенгулов на брифинге в пресс-центре Sputnik Кыргызстан
© Sputnik / Жоомарт Ураимов
Дүйнөлүк саламаттык сактоо уюмунун Кыргызстандагы кеңсесинин өкүлү Акбар Эсенгулов
"Бул штаммдын мутациялары көп, 26дан 32ге чейин жетет. Алардын айрымдары тынчсызданууну жаратат. Штамм канчалык оор ооруну пайда кылары жана мурунку инфекцияларга салыштырмалуу канчалык жугуштуу экени азырынча белгисиз. Алдын ала маалыматтар боюнча, ал мурда иммунизацияланган адамдарда да кайра инфекцияны козгоо мүмкүнчүлүгүнө ээ. Ошондуктан биз өлкөлөрдү бул коркунучка карата даярданууга жана көзөмөлдү күчөтүүгө чакырабыз", — деген Эсенгулов.

Анын айтымында, коргонуу боюнча калкка мурдагыдай эле сунуштар айтылат:

  • Колду самындап жуу;
  • Социалдык аралыкты сактоо;
  • Эл көп чогулган жерлерге баруудан кармануу.

Эске салсак, министрлер кабинети Дүйнөлүк саламаттык сактоо уюму менен COVID инфекциясынын "омикрон" жаңы штаммынын пайда болушу боюнча чукул кеңеш өткөргөн. ДССУ аны кооптуу штаммдардын катарына киргизген. Саламаттык сактоо жана Тышкы иштер министрликтерине вирустун жаңы мутациясынын Кыргызстанда жайылышын алдын алуу боюнча чараларды көрүү тапшырылды.

27
Белгилер:
Кыргызстан, 'омикрон' штаммы, жаңы штамм, коронавирус
Тема:
Кыргызстандагы коронавирус
Тема боюнча
"Омикрон" штаммынан коргонуунун жападан жалгыз жолу айтылды
Жугуштуу илдеттер ооруканасы COVID жуктургандарды кайра кабыл алмай болду
Кыргызстанга кирүүдө 1-декабрдан тарта ПЧР-тест талап кылынат