Дары-дармектер. Архив

Бир эле дары 160 миң сомго кымбат сатылып келген. Өлкөдө дары-дармек арзандады

284
(жаңыланган 11:36 12.11.2021)
Адам өмүрүнө маанилүү делген дарылардын баасы орто эсеп менен алганда 26 пайызга арзандады. Анын ичинен бир препарат мурда 160 миң сомго негизсиз кымбат сатылып келген.

БИШКЕК, 12-ноя. — Sputnik. Монополияга каршы жөнгө салуу агенттиги адам өмүрүнө маанилүү делген дары-дармектер арзандатылганын билдирди.

Министрлер кабинетинин төрагасынын орун басары, УКМК жетекчиси Камчыбек Ташиевдин тапшырмасын аткаруунун алкагында агенттик тарабынан ыкчам түрдө 900 аталыштагы дарынын баасына экспресс-мониторинг жүргүзүлгөн.

Мониторинг жана анализдин жыйынтыгы боюнча коңшу өлкөлөргө салыштырмалуу баалар ашыкча жогорулатылганы аныкталган жок. Бирок бир катар дары каражаттарынын чекене баалары Кыргызстандагыга салыштырмалуу алда канча арзан болгон.

Монополияга каршы жөнгө салуу агенттиги көйгөйлүү маселелерге токтолуп, ведомстволор аралык топтун ишин төмөнкү этаптарга бөлүштүрүүнү сунуштады:

Мамлекеттик регистрация (атайын тизме) талап кылынбаган 150 аталыштагы дарынын баасына (дүң, чекене) экономикалык анализ жүргүзүү;

Өкмөттүн токтому менен бекитилип, Улуттук тизмеге киргизилген адам өмүрүнө маанилүү 432 аталыштагы дарынын наркына экономикалык анализ жүргүзүү;

Жогоруда аталган тизмелерге киргизилбеген дары каражаттарына экономикалык анализдер бүткөндөн кийин иштеп чыгуу.

"УКМКнын аянтчасында фармацевтикалык компаниянын өкүлдөрү менен бир катар жыйындар өттү. Натыйжада бааны төмөндөтүү варианттары иштелип чыгып, оң жыйынтык берди. Мисалы, дарыканалар тармагынын бири адам өмүрүнө маанилүү 488 дарынын наркын арзандатты", — деп айтылат маалыматта.

Ал фармкомпанияда дары-дармек орто эсеп менен 26 пайызга арзандаган. Анын ичинде онкология терапиясы үчүн керектелген кымбат дарылардын баасы сезилээрлик деңгээлде төмөндөгөнү белгиленди. Мисалы, 10 аталыштагы дары 75,5 пайызга, төртөө 33, үчөө 55-73 пайызга арзандаган.

Мындан сырткары, "Герцептин" (150мг д/ин № 1) препараты мурда 40 222 сомдон сатылса, азыр 19 000 сомдон болууда.

Ал эми "Перьета" (14мл 420мг фл.) 214 пайызга жогорулатылып сатылып жаткан, тагыраак айтканда, 235 254төн 74 881 сомго түшүрүлдү.

"Пегасис" (180мкг/0,5мл шприц-тюбик) дарысынын наркы 13 348ден 6 674 сомго төмөндөгөн.

Буга чейин УКМК жетекчиси Камчыбек Ташиев Кыргызстанда фармакологиялык мафия бар экендигин айткан. Анын билдиргенине караганда, мафиянын аракетинен улам өлкөдө дарылар 3-10 эсе кымбат турат. УКМК мындай аракеттерге каршы күрөшүүгө киришкен.

284
Белгилер:
дары, баалар, арзандатуу, Монополияга каршы жөнгө салуу агенттиги
Тема боюнча
Ташиев: мамкызматкерлер аралашкан фармацевтикалык мафиянын бетин ачтык
Дарыгер COVID-19га каршы вакцина даярдап жатат. Архив

ДССУнун Кыргызстандагы өкүлү "омикрон" штаммы тууралуу эмне белгилүү экенин айтты

26
(жаңыланган 18:05 30.11.2021)
Коронавирустун "омикрон" жаңы штаммынын 32ден ашык мутациясы бар. ДССУ өкүлү алардын айрымдары кооптонуу жаратарын айтты.

БИШКЕК, 30-ноя. — Sputnik. Коронавирустун "омикрон" жаңы штаммы учурда толук изилденип бүтө элек. Бирок ал иммунитети бар адамдарга дагы жуга турганы белгилүү. Бул тууралуу Дүйнөлүк саламаттык сактоо уюмунун Кыргызстандагы кеңсесинин өкүлү Акбар Эсенгулов билдирди.

Ал Sputnik Кыргызстандын пресс-борборунда өткөн "Дүйнөгө коркунуч жараткан штамм-супермутанттан Кыргызстан кантип коргонот" аталышындагы брифингге катышты.

Эсенгуловдун айтымында, ДССУ жаңы штамм тууралуу 24-ноябрда Түштүк Африка өкмөтү инфекция табылганын кабарлагандан кийин билген.

Сотрудник офиса Всемирной организации здравоохранения по чрезвычайным ситуациям в Кыргызстане Акбар Эсенгулов на брифинге в пресс-центре Sputnik Кыргызстан
© Sputnik / Жоомарт Ураимов
Дүйнөлүк саламаттык сактоо уюмунун Кыргызстандагы кеңсесинин өкүлү Акбар Эсенгулов
"Бул штаммдын мутациялары көп, 26дан 32ге чейин жетет. Алардын айрымдары тынчсызданууну жаратат. Штамм канчалык оор ооруну пайда кылары жана мурунку инфекцияларга салыштырмалуу канчалык жугуштуу экени азырынча белгисиз. Алдын ала маалыматтар боюнча, ал мурда иммунизацияланган адамдарда да кайра инфекцияны козгоо мүмкүнчүлүгүнө ээ. Ошондуктан биз өлкөлөрдү бул коркунучка карата даярданууга жана көзөмөлдү күчөтүүгө чакырабыз", — деген Эсенгулов.

Анын айтымында, коргонуу боюнча калкка мурдагыдай эле сунуштар айтылат:

  • Колду самындап жуу;
  • Социалдык аралыкты сактоо;
  • Эл көп чогулган жерлерге баруудан кармануу.

Эске салсак, министрлер кабинети Дүйнөлүк саламаттык сактоо уюму менен COVID инфекциясынын "омикрон" жаңы штаммынын пайда болушу боюнча чукул кеңеш өткөргөн. ДССУ аны кооптуу штаммдардын катарына киргизген. Саламаттык сактоо жана Тышкы иштер министрликтерине вирустун жаңы мутациясынын Кыргызстанда жайылышын алдын алуу боюнча чараларды көрүү тапшырылды.

26
Белгилер:
Кыргызстан, 'омикрон' штаммы, жаңы штамм, коронавирус
Тема:
Кыргызстандагы коронавирус
Тема боюнча
"Омикрон" штаммынан коргонуунун жападан жалгыз жолу айтылды
Жугуштуу илдеттер ооруканасы COVID жуктургандарды кайра кабыл алмай болду
Кыргызстанга кирүүдө 1-декабрдан тарта ПЧР-тест талап кылынат
Митингчилер. Архив

Таласта Дастан Жумабековдун шайланышына каршы болгондор митингге чыкты

187
(жаңыланган 16:49 30.11.2021)
Шайлоонун алдын ала жыйынтыгы боюнча, Жумабеков атаандашы Назарбековдон 125 добуш айырма менен алдыда баратат.

БИШКЕК, 30-ноя. — Sputnik. Талас облусунун Кара-Буура районунда шайлоонун жыйынтыгына нааразы болгон адамдар митингге чыкты.

Алар Кызыл-Адыр айылына чогулуп, №20 Манас шайлоо округунан депутаттыкка талапкер Дастан Жумабековдун утуп чыгышына каршылыгын билдиришүүдө. Топтолгондор Жумабековду добуш сатып алууга күнөөлөп жатышат. Ошондой эле шайлоонун жыйынтыгын тааныбай турганын айтышты.

Чогулгандар ушул эле округдан талапкерлигин койгон Мирлан Назарбековдун тарапташтары.

№20 Манас шайлоо округунда учурда бюллетендердин 96,41 пайызы кол менен эсептелип бүттү. Анда Жумабеков 13 171 добушка ээ болуп алдыда баратат. Ал эми Назарбеков элдин 13 046 добушу менен экинчи орунда турат.

187
Белгилер:
Дастанбек Жумабеков, Талас облусу, митинг, каршылык, шайлоо
Тема:
Жогорку Кеңешке жаңы тартип менен болчу шайлоо
Тема боюнча
БШКнын имаратынын алдында митинг өтүп жатат. Видео
Кыргызстандык режиссёр Айкөл Нурланбек улуу Стамбулдагы эл аралык кинофестивалында

Айкөл Нурланбек уулунун тасмасы 65 өлкө катышкан фестивалда баш байге утту

0
(жаңыланган 18:49 30.11.2021)
Нурланбек уулунун эмгеги абройлуу эл аралык кинофестивалда "Эң мыкты даректүү тасма" деп аталып калды.

БИШКЕК, 30-ноя. — Sputnik. Кыргызстандык режиссёр Айкөл Нурланбек улуунун "Мээрман" кыска метраждуу даректүү тасмасы Стамбулда өткөн "Ааламдарга ырайым" эл аралык кинофестивалында баш байге утту. Маалыматты Sputnik Кыргызстанга режиссёр тастыктады.

  • Режиссер короткометражного фильма Мээрман Айколь Нурланбек уулу во время награждения на международном кинофестивале в Стамбуле. 30 ноября 2021 года
    Кыргызстандык режиссёр Айкөл Нурланбек улуунун "Мээрман" кыска метраждуу даректүү тасмасы Стамбулда өткөн "Ааламдарга ырайым" эл аралык кинофестивалында баш байге утту
    © Фото / Alemlere Rahmet Kısa Film Festivali
  • Режиссер короткометражного фильма Мээрман Айколь Нурланбек уулу во время награждения на международном кинофестивале в Стамбуле. 30 ноября 2021 года
    Аталган сынакка 65 өлкөдөн 568 кыска метраждуу тасма катышкан
    © Фото / Alemlere Rahmet Kısa Film Festivali
  • Режиссер короткометражного фильма Мээрман Айколь Нурланбек уулу во время награждения на международном кинофестивале в Стамбуле. 30 ноября 2021 года
    Анын ичинен Нурланбек уулунун эмгеги "Эң мыкты даректүү тасма" сыйлыгына татыган
    © Фото / Alemlere Rahmet Kısa Film Festivali
1 / 3
© Фото / Alemlere Rahmet Kısa Film Festivali
Кыргызстандык режиссёр Айкөл Нурланбек улуунун "Мээрман" кыска метраждуу даректүү тасмасы Стамбулда өткөн "Ааламдарга ырайым" эл аралык кинофестивалында баш байге утту

Аталган сынакка 65 өлкөдөн 568 кыска метраждуу тасма катышкан. Анын ичинен Нурланбек уулунун эмгеги "Эң мыкты даректүү тасма" сыйлыгына татыган.

"Канн кинофестивалында сыйланган франциялык режиссёр, сценарист жана актёр Оливер Лакс менен сүйлөшкөндө "Мээрман" фильмине "мен көргөн мыкты даректүү тасма" деген баасын берди. Ал бул фестивалда калыстар тобунун төрагасы болгон. Тасманы жаратууга салым кошкон чыгармачылык топко ыраазычылыгымды билдирем", — деди Нурланбек уулу.

"Ааламдарга ырайым" — абройлуу эл аралык кинофестивалдардын бири. Быйыл 22-27-ноябрь күндөрү Түркиянын Стамбул шаарында жетинчи ирет өткөрүлдү.

Белгилей кетсек, Айкөл Нурланбек уулунун "Мээрман" киносу буга чейин "Түрк дүйнөсүнүн даректүү тасмалары" фестивалында үчүнчү орунга татыган.

0
Белгилер:
Айкөл Нурланбек уулу, режиссер, фестиваль, баш байге
Тема боюнча
АКШда сыйлык алган "Шамбала" фильминдеги кичинекей Артур: апамды сагынып ыйладым
"Акыркы көч" тасмасы Россиядагы кинофестивалда "Мыкты музыка" сыйлыгына татыды
Артыкпай Сүйүндүковдун "Шамбала" тасмасы АКШда дагы бир сыйлык алды