Ооруканадагы коронавируска чалдыккан бейтаптарды караган медик. Архивдик сүрөт

Коронавирус 70 адамдан чыгып, үч бейтап көз жумду. 13-ноябрга карата маалымат

53
(жаңыланган 10:33 13.11.2021)
Пандемия башталгандан бери өлкөдө 180 миңден ашык кишиде коронавирус аныкталып, анын теңинен көбү айыкты. Тилекке каршы, 2 700дөн ашуун адам каза тапты.

БИШКЕК, 13-ноя. — Sputnik. Кыргызстанда 13-ноябрга карата COVID-19 инфекциясын 70 адам жуктурду. Бул тууралуу Республикалык штаб кабарлады.

Ооругандар:

  • Бишкек — 24;
  • Чүй — 19;
  • Ош — 11;
  • Талас — 2;
  • Ысык-Көл — 9;
  • Баткен — 5.

Пандемия башталгандан бери өлкөдө 182 267 киши ооруду.

Бир сутка ичинде 106 бейтап айыкты, жалпы 176 721 киши сакайды.

Тилекке каршы, өткөн суткада үч киши көз жумду. Алар вакцина албаганы белгиленди. Коронавирустан ушуну менен 2 702 адам каза болду.

Стационарда 544, амбулатордук түрдө 762 адам дарыланып жатат.

Өткөн суткада эмдөөдөн 12079 адам өтүп, анын ичинен 5697 биринчи дозаны, 6382 адам экинчи дозаны алган.

Жалпы 1 034 435 киши вакцина сайдырган, анын 812 539у экинчисин алды.

53
Белгилер:
Кыргызстан, коронавирус, оору, бейтап, өлүм
Тема:
Кыргызстандагы коронавирус (198)
Тема боюнча
Эмделген киши коронавирусту беш эсе жеңил көтөрөт. Изилдөө
Министрлер кабинетинин төрагасы Акылбек Жапаров. Архив

Акылбек Жапаров үй-бүлөсү менен батирде жашап, 7 унаа айдайт. Декларация

193
(жаңыланган 16:08 06.12.2021)
Өкмөт башчынын аянты 77,5 чарчы метрди түзгөн бир гана батири бар. Чыгымдары жана башка мүлкү тууралуу жазылган эмес.

БИШКЕК, 6-дек. — Sputnik. Министрлер кабинетинин төрагасы Акылбек Жапаров былтыр 815 357 миң сом киреше тапкан. Бул туурасында анын Салык кызматына тапшырган декларациясында көрсөтүлөт.

Өкмөт башчынын аянты 77,5 чарчы метрди түзгөн бир гана батири бар. Чыгымдары жана башка мүлкү тууралуу жазылган эмес.

Ал эми жакын туугандары өткөн жылы 96 миллион 745 миң 719 сом пайда тапкан. Алар беш контейнер жана жети автоунаага ээлик кылат.

Контейнерлери жана аянты:

  • Контейнер — 22,7 чарчы метр;
  • Контейнер — 1026,6;
  • Контейнер — 192;
  • Контейнер — 1021,7;
  • Контейнер — 67,6.

Автоунаалары:

  • Mercedes-Benz 210;
  • Mercedes-Benz 410;
  • Mercedes-Benz 409;
  • Mercedes-Benz 208;
  • Mercedes-Benz 811;
  • Mercedes-Benz 7100;
  • Mercedes-Benz 308.
193
Белгилер:
Акылбек Жапаров, декларация, автоунаа, контейнер
Тема боюнча
Садыр Жапаров жана анын үй-бүлөсү кандай мал-мүлккө ээлик кылары жарыяланды
Карылар жана балдар үйүндө жашагандардын тамактануусуна 2 эсе көп акча бөлүнөт
Киши сом купюралары менен. Архив

Карылар жана балдар үйүндө жашагандардын тамактануусуна 2 эсе көп акча бөлүнөт

39
(жаңыланган 15:40 06.12.2021)
Буга чейин тамак-аш үчүн күнүнө бир адамга 110 сом каралса, жаңы жылдан кийин ал 220 сомго көтөрүлөт.

БИШКЕК, 6-дек. — Sputnik. Президент Садыр Жапаров "Социалдык чөйрөнүн айрым мекемелеринде тамактануу чыгымдарынын акчалай ченемдерин көтөрүү жөнүндө" жарлыкка кол койду. Бул туурасында мамлекет башчынын маалымат кызматы билдирди.

Ага ылайык, мындан ары жетим балдар үйү, карылар үйү жана ден соолугунан мүмкүнчүлүгү чектелген балдар жана адамдар баш калкалаган жайларда тамактанууга бюджеттен эки эсе көп каражат бөлүнөт. Тагыраак айтканда, буга чейин күнүнө бир адамга 110 сом каралса, эми ал 220 сомго көтөрүлөт. Муну менен катар министрлер кабинетине бир топ талаптар коюлду.

2022-жылдын 1-январынан баштап тамактануунун акчалай ченеми 100 пайызга көбөйтүлө турган жайлардагы жарандар:

  • Эмгек, социалдык камсыздоо жана миграция министрлигинин мекемелериндеги балдардын, улгайган жарандардын, ден соолугунан мүмкүнчүлүгү чектелген адамдардын, анын ичинде ден соолугунан мүмкүнчүлүгү чектелген балдардын;
  • Билим берүү жана илим министрлигинин мекемелериндеги жетим балдардын, ата-энесинин көзөмөлүсүз калган балдардын, ден соолугунан мүмкүнчүлүгү чектелген балдардын;
  • Саламаттык сактоо министрлигинин адистештирилген реабилитациялоо борборлорундагы (балдар үйлөрүндөгү) балдардын;
  • Ушул жарлыкты ишке ашыруу үчүн кошумча финансы каражаттарын тапсын жана бөлүп берсин;
  • Өзүнүн чечимдерин ушул жарлыкка ылайык келтирсин.

Эске салсак, мамлекет башчы ишемби күнү Беловодск айылындагы балдардын психоневрологиялык социалдык стационардык мекемесине барганда бул боюнча тийиштүү тапшырманы берген.

39
Белгилер:
Садыр Жапаров, тамак-аш, мекеме, көтөрүү
Тема боюнча
Садыр Жапаров: дыйкан менен фермерлер жер салыгынан бошотулат
Кыргызстандагы эң көп пенсия 179 миң сом экени маалым болду
Уялам. Соцфонддун башчысы Кыргызстандагы пенсия тууралуу оюн айтты
Экс-президент Кыргызстана Сооронбай Жээнбеков на праздновании 30-летия Дня независимости Кыргызстана на площади Ала-Тоо в Бишкеке

Жер тилкеси 20дан ашып... Жээнбеков президент болгондон кийин канчалык байыган

0
Жээнбеков жана анын жакын туугандары 30дан ашуун жер тилкесине ээлик кылат. Ал президент болгондон кийин жерлери беш эсе кеңейген.

БИШКЕК, 6-дек. — Sputnik. Мамлекеттик салык кызматы экс-президент Сооронбай Жээнбековдун киреше-чыгашасы тууралуу 2020-жылга карата тапшырган декларациясын чыгарды.

Белгилей кетсек, Жээнбеков былтыр октябрь окуяларынан кийин президенттик кызматтан кеткен.

Декларацияга ылайык, өткөн жылы Жээнбеков 944 138 сом киреше тапкан. Бирок "чыгашасы" деген графа толтурулган эмес. Мындан сырткары, ага 160 чарчы метрлик турак жай жана МТЗ-80 үлгүсүндөгү трактор таандык.

Экс-президент 23 жер тилкесине ээлик кылат:

  • айыл чарба багытында — 0,45 гектар;
  • айыл чарба багытында — 15,05 га;
  • айыл чарба багытында — 5,55 га;
  • айыл чарба багытында — 0,96 га;
  • айыл чарба багытында — 1,08 га;
  • айыл чарба багытында — 0,67 га;
  • айыл чарба багытында — 7,43 га;
  • айыл чарба багытында — 1,06 га;
  • айыл чарба багытында — 4,25 га;
  • айыл чарба багытында — 4,24 га;
  • айыл чарба багытында — 1,12 га;
  • айыл чарба багытында — 0,70 га;
  • айыл чарба багытында — 0,64 га;
  • айыл чарба багытында — 0,64 га;
  • айыл чарба багытында — 0,64 га;
  • айыл чарба багытында — 0,16 га;
  • айыл чарба багытында — 0,64 га;
  • айыл чарба багытында — 0,32 га;
  • айыл чарба багытында — 0,32 га;
  • айыл чарба багытында — 0,64 га;
  • айыл чарба багытында — 0,64 га.
  • Үй алдындагы бакча — 0,04 га;
  • Үй алдындагы бакча — 0,06 га.

Документте Жээнбековдун жакын туугандары былтыр 6,5 миллион сом киреше тапканы көрсөтүлгөн. Алар 64 чарчы метрлик батирге, Lexus-470 үлгүсүндөгү автоунаага, 12 миллион сомдук бодо малга, 850 миң сомдук жылкыга ээлик кылат. Мындан сырткары, эки өндүрүштүк имараты жана 11 жер тилкеси бир.

Алар төмөнкүлөр:

  • Аянты 1 гектарды түзгөн өндүрүштүк имарат;
  • Аянты 1 гектарды түзгөн өндүрүштүк имарат.

Жер тилкелери:

  • айыл чарба багытында — 3 га;
  • айыл чарба багытында — 5 га;
  • айыл чарба багытында — 2 га;
  • айыл чарба багытында — 2 га;
  • айыл чарба багытында — 1 га;
  • айыл чарба багытында — 1 га;
  • айыл чарба багытында — 4 га;
  • айыл чарба багытында — 4 га;
  • айыл чарба багытында — 0,6 га;
  • айыл чарба багытында — 2 га;
  • айыл чарба багытында — 0,6 га.

Эске салсак, Жээнбеков 2017-жылга карата тапшырган декларациясында эки үйдүн (бирөө дача) жана айыл чарбага ылайыкталган төрт жер тилкенин, ошондой эле МТЗ-80 үлгүсүндөгү трактордун ээси экени жазылган.

Ал эми жакын туугандарынын бир батири, айыл чарбасына ылайыкташкан эки жер тилкеси жана Lexus үлгүсүндөгү автоунаасы болгон.

Сооронбай Жээнбеков 2016-жылдын апрель айында премьер-министр кызматына дайындалып, 2017-жылдын октябрь айында президент болуп шайланган. Былтыр октябрь айында элдик толкундоодон кийин тактыны бошотуп кеткен.

0