Жол куруу иштери. Архивдик сүрөт

Алматы Ысык-Көл альтернативдүү жолун куруу маселеси талкууланды

331
(жаңыланган 23:27 13.11.2021)
Жолугушуу учурунда аталган жолдун долбоору презентацияланып, техникалык, финансылык, экономикалык жана башка аспектилер боюнча сүйлөшүүлөр жүргүзүлгөн.

БИШКЕК, 13-ноя. — Sputnik. Министрлер кабинетинин төрагасынын орун басары Азиз Аалиев менен Азия өнүктүрүү банкынын Кыргызстандагы туруктуу өкүлчүлүгүнүн директору Лао-Арайя Канопкан мамлекеттик-жеке өнөктөштүк долбоорунун алкагында Алматы — Ысык-Көл альтернативдүү жолун куруу маселесин талкуулашты.

Өкмөттөн билдиргендей, жолугушуу учурунда аталган жолдун долбоору презентацияланып, техникалык, финансылык, экономикалык жана башка аспектилер боюнча сүйлөшүүлөр жүргүзүлгөн.

Аалиев долбоор чоң мааниге ээ экенин айтып, банктын өкүлдөрүнө колдоосу үчүн ыраазычылык билдирген.

"Долбоор сөзсүз түрдө туристтик, транспорттук жана соода-сатык жаатына оң таасирин тийгизет. Министрлер кабинети долбоорду ишке ашыруу үчүн болгон жардамын берет", — деди Аалиев.

Ал тийиштүү мамлекеттик органдарга долбоорду тезинен ишке киргизүү үчүн иш алып барууну тапшырды.

Белгилей кетсек, альтернативдүү жол убакытты жана каражатты үнөмдөйт. Ошондой эле туристтердин агымын көбөйтүү менен бирге инвестициянын келишине дагы шарт түзөт.

331
Белгилер:
Кыргызстан, Азия, өнүктүрүү, банк, Алматы, Ысык-Көл, жол куруу
Тема боюнча
Кыргызстанда Түндүк – Түштүк жолунун бир бөлүгү жана эки ири көпүрө ачылды. Сүрөт
Көчөдө бараткан аял. Архив

Шейшембиге карата аба ырайы

93
30-ноябрь, шейшембиге, караган түнү жаан-чачын күтүлбөйт. Шамалдын багыты өзгөрүлүп, ылдамдыгы секундасына 1-6 метрге жетет.

БИШКЕК, 29-ноя. — Sputnik. 30-ноябрда республика боюнча күн ачык болот. Мындай маалыматты Кыргызгидромет таратты.

Абанын температурасы Чүй облусунда +9...+14, Таласта +8...+13, Ош, Жалал-Абад жана Баткен облустарында +10...+15, Ысык-Көл өрөөнүндө +2...+7, Нарын аймагында -2...+3 градуска чейин көтөрүлөт.

Борбор калаада күндүн табы +12...+14, Ош шаарында +13...+15 градуска чейин жете турганы айтылды.

93
Белгилер:
аба ырайы, Кыргызстан
Тема боюнча
Дүйнө тынчсызданган "омикрон" штаммынын белгилери, кайдан чыкканы айтылды
Коронавируска ПЦР-тест жасап жаткан лаборатория кызматкери. Архив

Кыргызстанга кирүүдө 1-декабрдан тарта ПЧР-тест талап кылынат

144
(жаңыланган 20:35 29.11.2021)
Министрлик менен ведомстволорго COVID-19дун жаңы штаммына байланыштуу даярдыкта туруу тапшырылды.

БИШКЕК, 29-ноя. — Sputnik. 1-декабрдан тарта өлкө аймагына кирүүдө милдеттүү түрдө ПЧР-тест талап кылынат. Бул тууралуу өкмөттүн маалымат кызматы кабарлады.

Мындай чечимди министрлер кабинети өлкө аймагында коронавирус инфекциясынын жаңы штаммынын жайылышына жол бербөө үчүн кабыл алган.

"Чет элдик жарандар жана кыргызстандыктар өлкө аймагына кирүүдө эмделген сертификатынан тышкары ПЦР-тестинин терс жыйынтыгын көрсөтүшү керек", — деп жазылган маалыматта.

Саламаттык сактоо министрлиги "омикрон" штаммынын очогу аныкталып жаткан өлкөлөрдөгү эпидемиологиялык абалга көз салып жатканы белгиленди.

Ал эми вирус тарап жаткан мамлекеттердин тизмеси Улуттук коопсуздук мамлекеттик комитетинин Чек ара кызматына берилип, ал өлкөлөрдүн жарандарына Кыргызстандын аймагына кирүүгө тыюу салынат.

Министрлик менен ведомстволорго COVID-19дун жаңы штаммына байланыштуу толук даярдыкта туруу тапшырылган.

Кечээ өлкөнүн министрлер кабинети Дүйнөлүк саламаттык сактоо уюму (ДССУ) менен COVID-19дун "омикрон" деген жаңы штаммы боюнча ыкчам жолугушуу өткөргөн.

144
Белгилер:
Кыргызстан, коронавирус, 'омикрон' штаммы, тест
Тема:
Кыргызстандагы коронавирус
Тема боюнча
Министрлер кабинети ДССУ менен COVID-19дун жаңы штаммы боюнча жыйын курду