Кан алып жаткан медицина кызматкери. Архив

Дарыгер кант диабети эмнеден улам күчөп кетерин айтты

386
Бүгүн, 14-ноябрь, дүйнө жүзүндө кант диабетине каршы күрөшүү күнү. Дүйнөлүк саламаттык сактоо уюмунун маалыматы боюнча, 2019-жылы бул ооруга кабылгандардын саны (20-79 жаштагылардын арасында) 463 миллионго жеткен.

БИШКЕК, 14-ноя. — Sputnik. Кант диабетинин күчөп кетишинин негизги фактору таттуу тамак-аш эмес, ашыкча салмак. Бул тууралуу РИА Новости агенттигине Москва шаарынын саламаттык сактоо департаментинин эндокринологу Ольга Котешкова билдирди.

"Тукумунда кант диабети менен ооругандар көп болсо, адам толуп кеткен учурда таттуу тамактар чындап эле кант диабетин пайда кылышы мүмкүн. Бирок тамак өзүнөн өзү бул ооруну пайда кылбайт. Бул жерде салмак өтө маанилүү. Ашыкча килограммдар кошулган сайын кант диабетине кабылуу тобокелдиги дагы ошончо жогорулайт”, — деди Котешкова.

Андыктан дарыгер толуп кетүү коркунучу бар адамдарды колдон келишинче көбүрөөк кыймылдап, бат сиңип кетчү тамактарды сунуштайт. Тагыраагы, май жана шекери көп азыктарга караганда клетчатка, витаминге бай жашылчаларды көбүрөөк жеген жакшы. Алар организмди жакшы иштетип, салмакты өзүнүн калыбында кармап турат.

Эске салсак, бүгүн, 14-ноябрь, дүйнө жүзүндө кант диабетине каршы күрөшүү күнү.

386
Белгилер:
дарыгер, кант диабети, ден соолук, салмак
Тема боюнча
Гастриттен жапа чеккендерге пайдалуу болчу азыктар туурасында адис айтып берди
Түнкү нөөмөттүк жумуш да инсультка кептеши ыктымал. Дарттын белгилери
Автоунаалар. Архив

Арзан кезинде жасап алгыла! Министрликтин айдоочуларга эскертүүсү

4
(жаңыланган 10:51 27.11.2021)
Улуттук кампания жылдын аягына чейин болот. Акция башталгандан, тагыраагы, 1-июндан тарта 189 585 машина жаңы ээлерине катталган.

БИШКЕК, 27-ноя. — Sputnik. Кыргызстандагы автоунаа айдап жүргөндөрдү темир тулпарын нөлдүк ставка менен өзүнө кайра каттатып алууга дагы бир ай бар. Бул тууралуу Санарипти өнүктүрүү министрлигинен кабарлады.

Улуттук кампания жылдын аягына чейин уланат. Акциясыз күндөрү автоунааны кайра каттатууда бул кыймылдуу мүлктүн жалпы баасынан бекитилген эреже боюнча бир пайыз алынат. Эске салсак, мындай жеңилдетүү мурда да жарыяланып, анда 0,3 пайызга чейин болгон.

Азыркы арзандатуу шартында, 31-декабрга чейин жогоруда айтылган 1 пайыз алынбайт, министрлик андыктан темир тулпар ээлерине айдап жүргөн автоунаасын мурдагы кожоюндарынан кайра өзүнө каттатып алууда болгону 498 сом гана төлөй тургандыгын айтты. Бул кызмат көрсөтүүгө гана каралган акча. Эгерде ал номердик белгисин же аймагын өзгөрткүсү келсе, анда 1 633 сом төлөйт.

Акция башталгандан, тагыраагы, 1-июндан тарта 189 585 машина учурдагы ээсине каттатылган.

Өлкө боюнча бул багытта иш алып барган мамлекеттик "Унаа" ишканасынын аймактык 26 бөлүмү жумасына беш күн, тагыраагы, дүйшөмбү-жума күндөрү иштейт. Ал эми эс алуу күндөрү "Риом-авто" базарынан аталган мамлекеттик ишкананын Батыш аймактык бөлүмүнөн каттатып же кайра каттатып алса болот.

Мындай процедураларды эл үчүн жеңилдетүү жана тейлөөнү жакшыртуу үчүн банктык кызматтарды терминалдан төлөө системасы каралган. Министрликтен Бишкектеги, Оштогу шаардык, Жалал-Абаддагы аймактык бөлүмдө бул мүмкүнчүлүктөрдү пайдаланууга болорун билдирди.

4
Белгилер:
Кыргызстан, автоунаа, каттоо, акция
Уктап жаткан адам. Архив

Дарыгер күз-кышта адам эмнеге уйкусурап, чарчай берерин айтып берди

34
Адистин айтымында, биологиялык сааттарды күндүн нуру жөнгө салып турат. Күз-кыш мезгилинде күндүн жарыгы азайып, мелатонин гормону жакшы иштелип чыкпай калат.

БИШКЕК, 27-ноя. — Sputnik. Күзүндө жана кышында айрым адамдардын чарчап, уйкусурап жана маанайы түшүп жүргөнү байкалат. Мунун себебин "Ридус" сайтына Москва мамлекеттик университетинин уйку боюнча медицина борборунун жетекчиси, сомнолог Александр Калинкин айтып берди.

"Биздин биологиялык сааттарыбызды күндүн нуру жөнгө салып турат. Күз-кыш мезгилинде күндүн жарыгы азайып, күндүз жана кечинде мелатонин аз иштелип чыгат, бул уйкусуздукту шарттайт", — деген дарыгер.

Сомнолог уйкусуздуктан арылып, сергек жүрүүнүн да жолун айтты.

"Аба ырайы суук мезгилде да күндүн нурун алганга аракет кылуу керек. Мисалы, жумушта терезеге жакын отуруңуз, эртең менен көчөгө басып келиңиз. Ал болбосо күндүн жарыгын берген атайын шаймандарды колдонуңуз", — деген адис.

Кофеин кошулган азыктар менен суусундуктар да күч берет, бирок уйкусуздуктан арылта албайт.

Буга чейин диетолог айрым азыктар кыска убакытка дем-күч берип, андан кийин кайра чарчатып-чаалыктыра турганын айткан. Мында организм күчүн тамак сиңирүүгө көп жумшап калат.

34
Белгилер:
күз, кыш, уйку, күн, нур, дарыгер
Тема боюнча
Адис чарчоону чакырган тамактарды санап берди
Колубаева: уйкусуздук, аутизмден мээни коррекциялоо менен арылса болот