Эшикти ачып жаткан адам. Архив

Камактагы ууру акчаны үйдүн кайсы жерине катпаш керектигин айтып берген

4434
Соттолуучунун билдиргенине караганда, уурулардын басымдуу бөлүгү тоноо үчүн барганда ошол үйдөгүлөрдүн тааныш-билиштеринен алган маалыматты пайдаланат. Андыктан үй-бүлө мүчөлөрүнөн башкаларга баалуу буюм же акча кайсы жерде экенин айтпай эле койгон туура.

БИШКЕК, 15-ноя. — Sputnik. Казакстандын Караганда облусунда абакта отурган кылмышкер уурулар үйдүн ичинен акчаны кантип издей турганын айтып бергенин Жаза аткаруу кызматына шилтеме берип Sputnik Казакстан агенттиги жазды.

Соттолгон кишинин айтымында, уурулардын басымдуу бөлүгү тоноо үчүн барганда ошол үйдөгүлөрдүн тааныш-билиштеринен алган маалыматты пайдаланат. Андыктан үй-бүлө мүчөлөрүнөн башкаларга баалуу буюм же акчалар кайсы жерде экенин айтпай эле койгон туура. Ошондой эле мүлк сатып же башка булактардан ири суммадагы акча келгени тууралуу ооз ачпаш керек.

Ошондой эле кылмышкер уурдап жүргөн "тажрыйбасына таянып", адатта баалуу буюмдар кайсы жерлерге катыларын жана кылмыш кылууга канча убакыт кетерин да айтып берген.

Кылмышкерлер үйгө байкатпай акырын кирерин, эки бөлмө батирдеги баалуу буюмдарды "шыпырып" кетиш үчүн болгону жети мүнөткө чукул убакыт кетерин айткан.

"Зер буюмдарды анча ката беришпейт. Алар тартмаларда, күзгүнүн жанындагы кутучаларда болот. Ал эми акчаны матрацтын астына, кийимдердин арасына, эски курткалардын чөнтөгүнө, муздаткычка, кээде балдардын оюнчуктарынын арасына коюп коюшат. Айрым учурда гүл отургузган же таштанды челектеринин алдынан дагы табылат", — деген ал.

Сөзүнүн аягында соттолуучу ири суммадагы акчаны банкка сактоо керек деген пикирин айткан. Анткени үйдөгү сейфтерди ачып алуунун да жолдору көп.

4434
Белгилер:
үй, уурулук, сейф, акча, банк, кеңеш
Тема боюнча
Бишкекте үйдү тоногондор видеого түшүп калган
Дүйшөналиев: быйыл кылмыштуулук былтыркыга караганда 26,4%га өстү
Көчөдө бараткан аял. Архив

Шейшембиге карата аба ырайы

93
30-ноябрь, шейшембиге, караган түнү жаан-чачын күтүлбөйт. Шамалдын багыты өзгөрүлүп, ылдамдыгы секундасына 1-6 метрге жетет.

БИШКЕК, 29-ноя. — Sputnik. 30-ноябрда республика боюнча күн ачык болот. Мындай маалыматты Кыргызгидромет таратты.

Абанын температурасы Чүй облусунда +9...+14, Таласта +8...+13, Ош, Жалал-Абад жана Баткен облустарында +10...+15, Ысык-Көл өрөөнүндө +2...+7, Нарын аймагында -2...+3 градуска чейин көтөрүлөт.

Борбор калаада күндүн табы +12...+14, Ош шаарында +13...+15 градуска чейин жете турганы айтылды.

93
Белгилер:
аба ырайы, Кыргызстан
Тема боюнча
Дүйнө тынчсызданган "омикрон" штаммынын белгилери, кайдан чыкканы айтылды
Коронавируска ПЦР-тест жасап жаткан лаборатория кызматкери. Архив

Кыргызстанга кирүүдө 1-декабрдан тарта ПЧР-тест талап кылынат

144
(жаңыланган 20:35 29.11.2021)
Министрлик менен ведомстволорго COVID-19дун жаңы штаммына байланыштуу даярдыкта туруу тапшырылды.

БИШКЕК, 29-ноя. — Sputnik. 1-декабрдан тарта өлкө аймагына кирүүдө милдеттүү түрдө ПЧР-тест талап кылынат. Бул тууралуу өкмөттүн маалымат кызматы кабарлады.

Мындай чечимди министрлер кабинети өлкө аймагында коронавирус инфекциясынын жаңы штаммынын жайылышына жол бербөө үчүн кабыл алган.

"Чет элдик жарандар жана кыргызстандыктар өлкө аймагына кирүүдө эмделген сертификатынан тышкары ПЦР-тестинин терс жыйынтыгын көрсөтүшү керек", — деп жазылган маалыматта.

Саламаттык сактоо министрлиги "омикрон" штаммынын очогу аныкталып жаткан өлкөлөрдөгү эпидемиологиялык абалга көз салып жатканы белгиленди.

Ал эми вирус тарап жаткан мамлекеттердин тизмеси Улуттук коопсуздук мамлекеттик комитетинин Чек ара кызматына берилип, ал өлкөлөрдүн жарандарына Кыргызстандын аймагына кирүүгө тыюу салынат.

Министрлик менен ведомстволорго COVID-19дун жаңы штаммына байланыштуу толук даярдыкта туруу тапшырылган.

Кечээ өлкөнүн министрлер кабинети Дүйнөлүк саламаттык сактоо уюму (ДССУ) менен COVID-19дун "омикрон" деген жаңы штаммы боюнча ыкчам жолугушуу өткөргөн.

144
Белгилер:
Кыргызстан, коронавирус, 'омикрон' штаммы, тест
Тема:
Кыргызстандагы коронавирус
Тема боюнча
Министрлер кабинети ДССУ менен COVID-19дун жаңы штаммы боюнча жыйын курду