Музейдин экспонаттары. Архив

Алтайда Кыргызстанга арналган сүрөт көргөзмө ачылат

146
(жаңыланган 10:33 15.11.2021)
Кыргызстанга окумуштуулар кыргыздардын көчмөн маданиятын изилдеп, алтай элинин салты менен салыштыруу максатында келип кетишкен.

БИШКЕК, 15-ноя. — Sputnik. Алтай мамлекеттик университетинде жана Ысык-Көлдөгү көчмөн цивилизация борборунда 20-ноябрда бир убакта "XXI кылымдагы көчмөн маданиятынын чеги" аталышындагы сүрөт көргөзмө ачылат. Бул тууралуу уюштуруучулар билдирди. 

Анда "Чоң Алтайдын түрк-монгол дүйнөсү: тарыхтагы жана азыркы замандагы биримдиги жана көп түрдүүлүгү" долбоорунун алкагында эл аралык этнографиялык экспедиция учурунда тартылган 100гө жакын сүрөт коомчулукка тартууланат.

Бул долбоорду Алтай университети Россиянын Илим жана жогорку билим берүү министрлигинин тапшырмасы менен ишке ашырууда.

Ушул жылдын сентябрь айында Кыргызстан менен Россиянын 12 жогорку окуу жайынан жана илимий мекемелеринен 20 этнограф менен тарыхчы Ысык-Көл, Нарын облустарындагы ондон ашуун айылдарда болгон. Алар көчмөн кыргыз маданиятынын азыркы көрүнүштөрүн жазып алган, ошондой эле буюмдар менен оозеки материалдарды чогултушкан. Андан соң алтайлыктардын жана Чоң Алтайдагы түрк элдердин көчмөн салттары менен салыштырууну көздөгөн. 

"Сүрөт көргөзмөдө экспедиция мүчөлөрү менен тоолуу Кыргызстандын сүрөттөрү, кол өнөрчүлөр менен малчылардын портреттери, улуттук кийим, үй буюмдары, кийиз, килемдер жана башка көчмөн турмуштун элементтери көрсөтүлөт. Экспедицияда чогулган буюмдардын бир бөлүгү жана сүрөттөр Курманжан датка атындагы Көчмөндөр цивилизация борборуна сактоого берилет", — деп билдирди уюштуруучулар. 

Башкы уюштуруучу Иван Назаровдун айтымында, экспедиция эки өлкөнүн илимий потенциалын бириктирүүгө, салттуу көчмөн маданиятынын сакталып калган көрүнүштөрү боюнча уникалдуу маалыматтарды чогултууга, кыргыз жана алтай маданиятынын аспектилерин салыштырып изилдөөгө мүмкүнчүлүк берген акыркы 70 жылдагы эл аралык деңгээлдеги алгачкы масштабдуу долбоор болуп калды.

146
Белгилер:
Кыргызстан, Алтай крайы, сүрөт, көргөзмө, тарых, көчмөн, маданият
Тема боюнча
Талант Мамытов алтай бийлигинен Манастын эстелигине орун бөлүп берүүнү өтүндү
Камчаткадагы кыргыздар "Көчмөндөр оюну" этноспорттук фестиваль өткөрөт
Студенттер. Архив

Кыргызстандык студенттер Эл аралык жаштар парламентинин угуучусу болду

4
(жаңыланган 10:28 01.12.2021)
Долбоордун иш-чаралары Парламенттер аралык ассамблеянын штаб-квартирасы жайгашкан Таврический сарайында жана Санкт-Петербург мамлекеттик университетинин эл аралык мамилелер факультетинде өтөт.

БИШКЕК, 1-дек. — Sputnik. Кыргызстандык студенттер Санкт-Петербургдагы Эл аралык жаштар парламентинин угуучусу болду. Бул тууралуу КМШ Парламенттер аралык ассамблеясы кеңешинин катчылыгынын маалымат кызматы билдирди.

Бул мектеп кечээ, 30-ноябрда, "Дүйнө өлкөлөрүнүн шайлоо системалары" II Эл аралык студенттик интернет-олимпиаданын жеңүүчүлөрү жана байге ээлери үчүн ачылган.

Долбоордун угуучулары болуп КМШнын жогорку окуу жайларында билим алып жаткан 30дан ашык студенттер Азербайжан, Армения, Беларусь, Казакстан, Кыргызстан, Молдова, Россия, Өзбекстан, Украина, Түркмөнстан жана Сербиянын жарандары болушту. Мектеп 4-декабрга чейин иштейт.

Парламенттер аралык ассамблеясы кеңешинин башкы катчысы Дмитрий Кобицкий долбоордун катышуучуларына өз саламын жолдоду. Ал бул иш-чара КМШнын түзүлгөндүгүнүн 30 жылдыгынын алдында өтүп жатканын белгиледи.

"Шериктештиктин келечеги түздөн-түз жаш муундан, алардын мезгилдин жаңы чакырыктарына даярдыгынан жана пайдалуу кызматташууну тандоосунан көз каранды", — деп баса белгиледи Кобицкий.

Анын айтымында, КМШ ПАА жаштардын коомдун саясий турмушуна жана мамлекеттин ишмердүүлүгүнө жигердүү катышуу укугун ишке ашырууга өзгөчө көңүл бурат.

Долбоордун иш-чаралары Парламенттер аралык ассамблеянын штаб-квартирасы жайгашкан Таврический сарайында жана Санкт-Петербург мамлекеттик университетинин эл аралык мамилелер факультетинде өтөт.

Жаштар мектебинин программасына интерактивдүү лекцияларды өткөрүү, студенттерди постсоветтик мейкиндикте интеграцияны өнүктүрүү боюнча көрөгөчтүккө (эксперттик баалоо ыкмаларынын системасы) даярдоо, КМШ ПАА Кеңешинин катчылыгынын иши менен таанышуу кирери белгиленди.

Программанын негизги иш-чарасы 2-декабрда илимий дебат форматында өтө турган "Электрондук добуш берүү: макул жана каршы" эл аралык конференциясы болмокчу. Командалар шайлоо процессинде санариптик технологияларды колдонууга арналган интеллектуалдык таймашка катышат. Конференциянын соңунда дебаттардын катышуучуларына сыйлык тапшырылат.

Мунун баары Көз карандысыз мамлекеттер шериктештигинин түзүлгөндүгүнүн 30 жылдыгына арналган "Жаштар парламентаризми КМШ өлкөлөрүнүн туруктуу саясий өнүгүүсүнүн жана өнөктөштүгүнүн негизи" долбоорунун бир бөлүгү. 2021-жылы долбоор РФ президентинин Гранттык фондунун колдоосуна ээ болгон.

4
Белгилер:
Кыргызстан, мектеп, парламент, жаштар, КМШ Парламенттер аралык ассамблеясы
Тема боюнча
Россия чет элдик студенттерге туруктуу жашоого жеңилдетилген жол менен уруксат берет
QR-код текшерүү

Кыргызстанда эмделгенин тастыктоочу QR-код системасы киреби? Министрдин жообу

8
(жаңыланган 10:24 01.12.2021)
Буга чейин социалдык тармактарда бийлик кийинки аптадан тарта адамдын коронавируска каршы эмдөөдөн өткөнүн тастыктай турган QR-код системасын киргизет деген маалымат тараган.

БИШКЕК, 1-дек. — Sputnik. Кыргызстанда QR-код системасын киргизүү планы жок. Бул тууралуу Sputnik редакциясына саламаттык сактоо министри Алымкадыр Бейшеналиев билдирди.

Буга чейин социалдык тармактарда, анын ичинде "Бишкек сегодня" Telegram-каналында дагы бийлик кийинки аптадан тарта адамдын коронавируска каршы эмдөөдөн өткөнүн тастыктай турган QR-код системасын киргизет деген маалымат тараган. Анда вакцина албай, QR-кодго ээ болбогондор соода борборлору, кафе-ресторан сыяктуу коомдук жайларга киргизилбей турганы айтылган.

Министр бул маалыматты төгүндөдү.

"Жок, андай нерсе пландалган эмес. Бул маселени мен чечем да, азыр андай оюбуз жок", — деди Бейшеналиев.

Соңку маалыматтарга караганда, Кыргызстанда 1,1 миллион киши коронавируска каршы вакцинанын биринчи дозасын алды. Ал эми экинчи компоненти дээрлик 900 миң кишиге сайылды.

Белгилей кетсек, эмделгендер жана ооруп сакайгандар коомдук жайларда эркин жүрүшү үчүн аларга QR-код берүү чечимин Россия бийлиги кабыл алган. Ушул эле эрежелер Европанын айрым мамлекеттеринде колдонулуп жатат.

8
Белгилер:
Кыргызстан, коронавирус, QR-код, Алымкадыр Бейшеналиев
Тема:
Кыргызстандагы коронавирус
Тема боюнча
Кыргызстандагы вакциналар "омикронго" каршы эффективдүүбү? Адистин жообу
Жугуштуу илдеттер ооруканасы COVID жуктургандарды кайра кабыл алмай болду