Вакцина алып жаткан адамдар. Архив

Министр: Кыргызстанда COVID-19га каршы ревакцинация декабрда башталат

351
(жаңыланган 15:33 15.11.2021)
Министр Бейшеналиевдин айтымында, Кыргызстанга жеткирилген препараттар калкты кайрадан вакцинациядан өткөрүүгө жетиштүү.

БИШКЕК, 15-ноя. — Sputnik. Кыргызстанда коронавируска каршы ревакцинация декабрдан тарта башталат. Бул тууралуу саламаттык сактоо министри Алымкадыр Бейшеналиев "Ала-Тоо 24" телеканалынын эфиринде билдирди.

Анын айтымына караганда, өлкөгө алып келинген препараттардын эффекти жарым жылдан бир жылга чейин деп белгиленген.

"Жазында вакцина алган жарандар антителого тест тапшырышы керек. Эгер көрсөткүч үчтөн кем болсо анда ревакцинациядан өтүү керек. Декабрдан тарта антителосу төмөнкү деңгээлде болгондорго кайрадан эмдөөдөн өтүүнү сунуштайбыз", — деди министр.

Ал ошондой эле калкты кайрадан эмдөө үчүн вакцина жетиштүү экенин кошумчалады.

Расмий маалыматтар боюнча, апрель айынан бери вакцинанын биринчи дозасын 1 038 427, экөөнү тең 817 530 киши алды.

351
Белгилер:
Кыргызстан, коронавирус, вакцина
Тема:
Коронавируска каршы эмдөө (279)
Тема боюнча
"Спутник Лайт" вакцинасы менен кайра канча убакытта эмделиш керек? Адистин пикири
Вакцинанын арты менен оору азайды! Жапаров элди эмдөөдөн өтүүгө чакырды
Ооруканадагы дарыгерлер. Архив

Кечээтен бери коронавирус үч адамдын өмүрүн алды

15
(жаңыланган 09:46 30.11.2021)
Бир сутка ичинде эмдөөдөн 10 260 адам өтүп, анын ичинен 5 803ү биринчи дозаны алса, 4 457 адам экинчисин сайдырды.

БИШКЕК, 30-ноя. — Sputnik. Өткөн суткада 66 адамдан коронавирус табылып, 118 бейтап айыкты. Бул тууралуу Республикалык штаб кабарлады.

Жуктургандар:

  • Бишкек – 19;
  • Чүй облусу – 30;
  • Ош облусу – 4;
  • Талас облусу – 1;
  • Жалал-Абад облусу – 5;
  • Баткен облусу – 7.

Өлкөдө илдет илештиргендердин жалпы саны 183 351ге жетти. Анын ичинен 178 230 адам дартты жеңген. Тилекке каршы, оору бир сутка ичинде үч адамдын өмүрүн алып, жалпы 2 746 адам дарттын курмандыгы болду.

Азыркы учурда стационарда 405, ал эми амбулатордук шартта 488 адам дарыланып жатат. Өткөн сутка ичинде эмдөөдөн 10 260 киши өтүп, анын ичинен 5 803ү биринчи дозаны, 4 457 адам экинчи компонентин алган.

15
Белгилер:
Кыргызстан, коронавирус, оору, бейтап, статистика
Тема:
Кыргызстандагы коронавирус
Тема боюнча
Кыргызстанга кирүүдө 1-декабрдан тарта ПЧР-тест талап кылынат
Жугуштуу илдеттер ооруканасы эми COVID жуктургандарды кабыл албайт
Көчөдө бараткан жаштар. Архив

Статком: Кыргызстанда эркектерге караганда билимдүү аялдар көбүрөөк

13
Кыздар көбүнчө билим берүү, саламаттык сактоо, маданият, көркөм өнөр, сервис сыяктуу адистиктерди тандайт.

БИШКЕК, 30-ноя. — Sputnik. Кыргызстанда эркектерге караганда аялдардын билим деңгээли жогору экени аныкталды. Бул туурасында Улуттук статистика комитети билдирди.

2020-жылы ар кандай жумуштарда эмгектенгендердин арасында жогорку кесиптик билими бар аялдар 28 пайызды, эркектер 19 пайызды түзгөн. Ошол эле учурда орто билимдин ээлери 17 жана 8 пайыз болгон.

Ошол эле учурда быйыл (2020/2021-окуу жылы) жогорку окуу жайларга тапшырган студенттердин арасында кыздар 52 пайызын ээлесе, орто кесиптик окуу жайларына киргендер 56 пайызга жеткен. Алар билим берүү, кеңири керектелчү товарлардын технологиясы, саламаттык сактоо, маданият, көркөм өнөр, сервис сыяктуу адистиктерге басымдуулук кылышат.

Ал эми эркектер машина куруу жана металл иштетүү, токой ресурстарын кайра иштетүү, пайдалуу кендерди иштетүү, курулуш жана архитектура, электрондук техника, энергетика менен байланышкан кесиптерди тандашат.

Мындан сырткары, аспирантурада окугандардын арасында 60, докторантурада 69 пайызы аялдар экени белгиленген.

13
Белгилер:
Улуттук статистика комитети, билим, эркек, аял
Тема боюнча
Кыргызстанда эркектер үйлөнгөндөн кийин спорттон оолактап кетет. Статистика