Дарактын бутагында кар

Декабрда аба ырайы кандай болот. Синоптиктердин божомолу

23206
(жаңыланган 17:31 15.11.2021)
Өлкөдө абанын айлык орточо температурасы жана жаан-чачындын айлык көлөмү нормага жакын болушу күтүлөт.

БИШКЕК, 15-ноя. — Sputnik. Кыргызгидромет агенттиги декабрь айына карата аба ырайынын божомолу тууралуу маалымат берди.

Среднемесячная температура по Кыргызстану в декабре 2021 года
© Фото / Кыргызгидромет
Декабрдагы абанын орточо температурасы

Ага ылайык, абанын айлык орточо температурасы жана жаан-чачындын айлык көлөмү нормага жакын болушу күтүлөт.

Среднемесячное количество осадков по Кыргызстану в декабре 2021 года
© Фото / Кыргызгидромет
Декабрдагы жаан-чачындын орточо көлөмү

Чүй облусу

Абанын айлык орточо температурасы климаттык норманын чегинде болуп -1…-3 градус, тоо этектеринде жана Кемин өрөөнүндө -4…-6 градус суук болушу күтүлөт.

Ай ичинде абанын температурасы түнкүсүн -3…2 градустан -5…-10 градуска чейин суук, күндүз -2...3 градустан 12 градуска чейин жылышы ыктымал.

Кемин өрөөнүндө жана тоо этектериндеги райондордо абанын температурасы түнкүсүн 0…-5 градустун тегерегинде болуп, күндүз 2…7 градустан 8…13 градуска чейин жылышы мүмкүн. Жаан-чачындын айлык көлөмү норманын чегинде болору күтүлүүдө.

Талас облусу

Абанын айлык орточо температурасы климаттык норманын чегинде туруп -2…-4 градус суук болушу ыктымал.

Ай ичинде абанын температурасы түнкүсүн -4...1 градустан 6…-11 градуска чейин суук, күндүз -3...2 градустан 6…11 градус болуп өзгөрүлүп турушу мүмкүн. Кээ бир күндөрү түнкүсүн -13…-18 градуска чейин муздап, күндүз -4…-9 градуска чейин төмөндөшү ыктымал.

Ош облусу

Абанын айлык орточо температурасы климаттык норманын чегинде болуп 0…2 градус жылуу, тоо этектериндеги райондордо -1…-3 градус суук болушу күтүлөт.

Ай ичинде абанын температурасы түнкүсүн -3…-8 градус сууктан 4 градуска чейин жылышы ыктымал. Күндүз 0...5 градустан 7…12 градуска чейин жылып, өзгөрүлүп турушу күтүлөт.

Тоо этектериндеги райондордо ай ичинде абанын температурасы түнкүсүн -3 градус, кээ бир түндөрү -10…-15 градуска чейин төмөндөшү божомолдонууда.

Жалал-Абад облусу

Абанын айлык орточо температурасы климаттык норманын чегинде болуп 0…2 градус жылуу, тоо этектериндеги райондордо 0…-2 градус суук болушу күтүлөт.

Ай ичинде абанын температурасы түнкүсүн -3…-8 градус суук болсо, күндүз 4 градуска чейин жылып, өзгөрүлүп турушу ыктымал.

Токтогул районунда ай ичинде абанын температурасы түнкүсүн -3 градус, айрым түндөрү суук -5…-10 градуска жетиши мүмкүн.

Баткен облусу

Абанын айлык орточо температурасы климаттык норманын чегинде болуп 0…2 градус жылуу, тоо этектериндеги райондордо 0…-2 градус суук болушу күтүлөт.

Ай ичинде абанын температурасы түнкүсүн -3…-8 градус, күндүз 0…5 градустан 7…12 градуска чейин жылышы ыктымал. Жаан-чачындын айлык көлөмү нормага жакын болот.

Ысык-Көл облусу

Абанын айлык орточо температурасы климаттык норманын чегинде болуп 0…-2 градус суук, чыгышында -3…-5 градус суук болушу мүмкүн. Ай ичинде абанын температурасы түнкүсүн -1…-6 градустан -7…-12 градуска чейин суук, күндүз 3…8 градустун айланасында жылуу болору божомолдонууда.

Нарын облусу

Абанын айлык орточо температурасы климаттык норманын чегинде болуп -10…-12 градус, Кочкор районунда -7…-9 градус суук болушу күтүлөт.

Ай ичинде абанын температурасы түнкүсүн -5…-10 градустан -14…-19 градуска чейин суук, күндүз -2 градустан -4…-9 градуска чейин суук болушу мүмкүн.

23206
Белгилер:
декабрь, аба ырайы, божомол, синоптик
Тема боюнча
Күз бүтө электе ак карга оронгон Бишкек. Ордо калаанын асмандан көрүнүшү
Уктап жаткан адам. Архив

Дарыгер күз-кышта адам эмнеге уйкусурап, чарчай берерин айтып берди

25
Адистин айтымында, биологиялык сааттарды күндүн нуру жөнгө салып турат. Күз-кыш мезгилинде күндүн жарыгы азайып, мелатонин гормону жакшы иштелип чыкпай калат.

БИШКЕК, 27-ноя. — Sputnik. Күзүндө жана кышында айрым адамдардын чарчап, уйкусурап жана маанайы түшүп жүргөнү байкалат. Мунун себебин "Ридус" сайтына Москва мамлекеттик университетинин уйку боюнча медицина борборунун жетекчиси, сомнолог Александр Калинкин айтып берди.

"Биздин биологиялык сааттарыбызды күндүн нуру жөнгө салып турат. Күз-кыш мезгилинде күндүн жарыгы азайып, күндүз жана кечинде мелатонин аз иштелип чыгат, бул уйкусуздукту шарттайт", — деген дарыгер.

Сомнолог уйкусуздуктан арылып, сергек жүрүүнүн да жолун айтты.

"Аба ырайы суук мезгилде да күндүн нурун алганга аракет кылуу керек. Мисалы, жумушта терезеге жакын отуруңуз, эртең менен көчөгө басып келиңиз. Ал болбосо күндүн жарыгын берген атайын шаймандарды колдонуңуз", — деген адис.

Кофеин кошулган азыктар менен суусундуктар да күч берет, бирок уйкусуздуктан арылта албайт.

Буга чейин диетолог айрым азыктар кыска убакытка дем-күч берип, андан кийин кайра чарчатып-чаалыктыра турганын айткан. Мында организм күчүн тамак сиңирүүгө көп жумшап калат.

25
Белгилер:
күз, кыш, уйку, күн, нур, дарыгер
Тема боюнча
Адис чарчоону чакырган тамактарды санап берди
Колубаева: уйкусуздук, аутизмден мээни коррекциялоо менен арылса болот
Pfizer вакцинасы. Архив

Кыргызстанда өспүрүмдөр Pfizer вакцинасын сайдырат. Кимдер алышы керек

27
Министрлик өткөн айдан тарта вакцина алчулардын жаңы категориясын киргизип, балдарды, кош бойлууларды жана бала эмизгендерди эмдөөдөн өткөрө баштады.

БИШКЕК, 26-ноя. — Sputnik. Саламаттык сактоо министрлиги өспүрүмдөр кандай учурда коронавируска каршы эмделип, кайсы вакцинаны алышы керектигин айтып берди.

Ноябрда калкты максималдуу түрдө эмдөөгө жетишүү үчүн жаңы категория киргизилген. Алар 16-18 жаштагы өспүрүмдөр, кош бойлуулар жана бала эмизгендер болчу.

Министрлик өспүрүмдөр Pfizer Pfizer - BioNTech вакцинасы менен эмделерин билдирди.

"Өнөкөт илдети барлар жана улгайгандар менен дайыма байланышта болгон, ошондой эле өзүнүн да ден соолугу начар балдар биринчи кезекте вакцина алышы керек", — деп жазылган маалыматта.

Кыргызстанга октябрда Американын Pfizer BioNTech вакцинасынын 250 миң дозасы келген.

27
Белгилер:
Кыргызстан, өспүрүм, вакцина, коронавирус, оору
Тема:
Коронавируска каршы эмдөө
Тема боюнча
Адис COVID-19га каршы вакцинанын таасири канча убакытка жетип жатканын айтты
Министрлик: вакцина алгандардын арасында коронавирустан каза болгондор жок
Казакстан Кыргызстан жана башка 19 өлкөнүн эмдөө боюнча сертификатын тааныды
Алтын куймалары. Архив

Улуттук банктын алтын запасы бир айда 1,6 млрд. сомго азайды

0
Бул жылы Улуттук банктын алтын активинин наркы бир топ өзгөргөн. Маселен, майдын башынан июль айынын башына чейин ал үч эсеге азайган.

БИШКЕК, 27-ноя.— Sputnik. Кыргызстандын алтын-валюта кору октябрь айында 1 миллиард 577 сомго кыскарды. Бул тууралуу Улуттук банктын ачык маалыматтарында айтылат.

Бул жылы Улуттук банктын алтын активинин наркы бир топ өзгөргөн. Маселен, майдын башынан июль айынын башына чейин ал үч эсеге азайган. Тагыраагы, 99 миллиард сомдон 36, 4 миллиард сомго түшкөн. Кийинчерээк алтындын кору бир аз (37, 9 миллиард сомго) кымбаттаган. Сентябрда кайра 29 миллиард 74,4 миллион сомго чейин түшүп кеткен.

1-октябрга карата анын баасы 49 миллиард 905,7 миллион сомго өскөнү айтылды. Бирок ноябрда кайра 48 миллиард 328,7 миллион сомго төмөндөгөн.

Алтын-валюта запасы (эл аралык валюта резерви) Улуттук банктын сомдун курсун туруктуу көзөмөлдөп туруусуна мүмкүнчүлүк берет. Ал ондогон валюталардан турат: CDR (Атайын карыз алуу укугу – Эл аралык валюта фондунун (ЭВФ) жасалма резерви жана төлөө каражаттары) жана алтын.

0
Белгилер:
Кыргызстан, Улуттук банк, алтын
Тема боюнча
Евразия өнүктүрүү банкы Кыргызстанда инфляция качан басаңдай турганын айтты
Кыргызстанда доллардын курсу жакынкы жылдары кандай өзгөрөт? ЕАӨБдүн божомолу