Кофе жана сахар. Архив

Адис чарчоону чакырган тамактарды санап берди

430
(жаңыланган 11:52 16.11.2021)
Дарыгер айрым азыктар кыска убакытка дем-күч берип, андан кийин кайра чарчатып-чаалыктыра турганын айтты. Бул убакта организм күчүн тамак сиңирүүгө көп жумшап калат.

БИШКЕК, 16-ноя. — Sputnik. Адамда чарчоону кайсы азыктар чакыра турганын Р-Спорт агенттиги дарыгер-диетолог Юлия Чехонинага таянып жазды.

Кофе

Күнүнө 1-2 чыны кофе ичүү күч-кубат берери баарыбызга маалым. Айрым учурда андан сергек болбой жаткандай сезилет да, кофени көп ичип алышат. Аны канчалык көп ичсең, ошончолук чарчайсың. Ошондуктан өлчөмүн билгиле.

Таттуулар

Кумшекери көп азыктар да чарчатып-чаалыктырат. Аларды жегенден кийин адам өзүн бир аз убакыт күүлүү-күчтүү сезип калат. Эгер организм таттууну улам сайын талап кыла берсе, кара жана ачуу шокаладга өтүү керек. Алар кандагы глюкозанын деңгээлин көтөрбөйт. Бирок шоколаддын да ченемин билүү керек.

Таттуу суусундуктар, маселен, шире жана газдалган суулар да чарчоо жаратат. Мөмө-жемишке караганда жашылчадан жасалган ширелерди ичиңиздер, анда кант аз болот.

Майсыздандырылган азыктар

Май менен кумшекерден такыр баш тартпоо керек. Адам майсыздандырылган азыктар менен диетага отурганда организм энергия ала албай калат. Мисалы, быштактын 5 пайыз майлуу болгонун алуу керек. Майы кетирилген тамактын даамы да, пайдасы да жок болуп калат.

Фастфуд

Тез даярдалуучу тамактарда калория жогору жана углевод көп. Бул тамак сиңирүү органдарына катуу күч келтирет. Адамдын күчүнүн баары кубаттуу тамакты сиңирүүгө жумшалат. Адатта кыска убакытта энергия берген азыктар кийин кечке чейин шалдыратат. Ал чаалыгуудан жакшы уктап гана арылууга болот.

Ферменттелген азыктар

Ышталган колбаса менен сырдын айрым түрлөрү да чарчатат. Тузу жок сырлар пайдалуураак келет.

430
Белгилер:
дарыгерлер, чарчап калуу, организм, кофе, таттуу, фастфуд
Тема боюнча
Күнүгө колдонобуз. Жүрөк оорусун пайда кылган азык аталды
Окумуштуулар COVID-19дун жайылуусун токтотууга жөндөмдүү азыкты тапканын айтышты
Ысык-Көлдүн Тоң районунда баш кошкон эки жаш парламенттик шайлоодо добуш беришти

ЗАГСтан түз шайлоого. Ысык-Көлдө жаңы үйлөнгөн эки жаштын добуш берген сүрөтү

56
(жаңыланган 16:53 28.11.2021)
Бул окуя облустун Тоң районундагы №3212 шайлоо участкасында болгон. Эки жаш үлпөт кийимчен келишкен.

БИШКЕК, 28-ноя. — Sputnik. Ысык-Көлдүн Тоң районунда баш кошкон эки жаш парламенттик шайлоодо добуш беришти. Мындай маалыматты Борбордук шайлоо комиссиясы өзүнүн Facebook баракчасына жазып, сүрөттөрүн чыгарды.

  • Молодожены участвуют на выборах депутатов Жогорку Кенеша VII созыва в избирательном участке №3212 в Тонском районе Иссык-Кульской области. 28 ноября 2021 года
    Выборы депутатов Жогорку Кенеша VII созыва в Кыргызстана
    © Фото / пресс-служба ЦИК КР
  • Молодожены участвуют на выборах депутатов Жогорку Кенеша VII созыва в избирательном участке №3212 в Тонском районе Иссык-Кульской области. 28 ноября 2021 года
    Выборы депутатов Жогорку Кенеша VII созыва в Кыргызстана
    © Фото / пресс-служба ЦИК КР
1 / 2
© Фото / пресс-служба ЦИК КР
Выборы депутатов Жогорку Кенеша VII созыва в Кыргызстана

Жаштар ЗАГСтан түз эле шайлоо тилкесине келишкен. Бул окуя облустун Тоң районундагы №3212 шайлоо участкасында катталды.

Эске салсак, бүгүн өлкөдө Жогорку Кеңешке депутаттарды шайлоо жүрүп жатат. Бул ирет шайлоо мурдагыларга салыштырмалуу башка эреже менен өтөт. 54 талапкер партиялык тизме (пропорционалдык система), калган 36сы бир мандаттуу округ (мажоритардык система) менен келет. Парламенттин VII чакырылышында депутаттардын саны 90 болот.

Бирдиктүү шайлоо округу боюнча саат 14:00гө карата шайлоочулардын 16,27 пайызы добуш берди. Бул 602 432 кыргызстандык шайлоого катышканын түшүндүрөт.

56
Белгилер:
шайлоо, Жогорку Кеңеш, Ысык-Көл, үлпөт, той
Тема:
Жогорку Кеңешке жаңы тартип менен болчу шайлоо
Тема боюнча
ИИМ өкүлү: шайлоочуларды ташуу, добуш сатып алуу боюнча даттануулар түшүүдө
Шайлоого катышкандардын саны канчага жетти? Саат 14:00гө карата маалымат
Киши сом купюралары менен. Иллюстративдик сүрөт

ИИМ айрым талапкерлер бир добуштун "баасын" канчага көтөргөнүн айтты

225
(жаңыланган 16:31 28.11.2021)
Милициянын маалыматы боюнча, талапкерлер добуш сатып алуу үчүн 1000 сомдон 3000 чейин сунуштап жатат.

БИШКЕК, 28-ноя. — Sputnik. Нарын жана Ош облустарында добуш сатып алуу фактысы көбүрөөк катталууда. Бул тууралуу ИИМдин Тергөө кызматынын өзгөчө маанилүү иштер боюнча улук тергөөчүсү Султан Макилов билдирди.

Анын айтымында, шайлоо процесси башталгандан бери добуш сатып алуу боюнча 49 факты катталган. Анын ичинен жетөө тергелип бүтүп, сотко жөнөтүлдү.

"Бизге түшкөн маалыматтарда добуш сатып алуу үчүн шайлоочуларга 1000 сомдон 3000 чейин сунуштап жатканы аныкталды. Кээде акча түрүндө эле эмес, жол салып же кандайдыр бир объект куруп берүүгө аракет кылгандар бар. Мындай учурлар Бишкекте мурункудай болбой, азайып калды. Көбүнчө Нарын жана Ош облустарынан катталууда", — деди Макилов.

Ошондой эле ал бүгүн добуш сатып алуу боюнча фактылар аныкталбаганын кошумчалады.

Мындан сырткары, тергөөчү "административдик ресурсту колдонуу" беренеси боюнча 39 факты катталганын белгиледи. Анын ичинен тогузу тергелип бүтүп, сотко жөнөтүлгөн. Мындай мыйзам бузууга баргандардын басымдуу бөлүгү Бишкекте, Ош облусу жана шаарында болууда.

Шайлоонун жүрүшү тууралуу соңку маалыматтарды, сүрөт, видеолорду Sputnik Кыргызстандын онлайн репортажынан көрө аласыздар.

225
Белгилер:
Жогорку Кеңешке шайлоо, добуш, сатып алуу, тергөөчү
Тема:
Жогорку Кеңешке шайлоо 2021
Тема боюнча
260 миң сомдук айып, 2,5 жылдык түрмө. Шайлоо эрежесин бузгандар кантип жазаланат
Шайлоодон уткан кээ бир талапкерлерге мандат берилбей калышы мүмкүн. Себеби
Кыргызстандын президенти Садыр Жапаров Түркмөнстанда өтүп жаткан Экономикалык кызматташтык уюмунун 15-саммити учурунда

Региондо тынчтык болбосо кызматташуу мүмкүн эмес! Жапаровдун Ашхабаддагы сөзү

18
(жаңыланган 17:37 28.11.2021)
Өлкө башчы региондо тынчтык жана туруктуулук болмоюнча экономика жаатында ийгиликтүү кызматташуу мүмкүн эмес экенин белгиледи.

БИШКЕК, 28-ноя. — Sputnik. Президент Садыр Жапаров Түркмөнстанда өтүп жаткан Экономикалык кызматташтык уюмунун 15-саммитинде сөз сүйлөп, уюмдун алдындагы жаңы милдеттерди санап өттү.

Белгилей кетсек, бул уюмга Борбор Азия өлкөлөрү жана Жакынкы Чыгыштын бир катар мамлекеттери мүчө.

Президенттин кебин анын маалымат кызматы жарыялады. Жапаровдун айткандарын тезис менен беребиз:

  1. климаттын өзгөрүп жатканын белгилеп кетүү маанилүү, себеби бул маселе өтө олуттуу глобалдык көйгөй, аны чечүү үчүн бүткүл дүйнөлүк коомчулуктун токтоосуз аракети талап кылынат;
  2. абадагы көмүртектин көлөмүн төмөндөтүү жана циклдүү экономиканы пландуу өнүктүрүү боюнча кызматташтыкты жандандыруу жана бекемдөө зарыл;
  3. Кыргызстан 2050-жылга чейин көмүртектин нейтралдуулугуна жетишүүгө аракет кылат. Кайра калыбына келүүчү энергия булактары, биринчи кезекте, гидроэнергетика көмүртексиз өнүгүү саясатынын локомотиви болот; 
  4. уюмдун алкагында гидроэнергетика комплексинде инвестициялык кызматташтыкты мамлекеттик-жеке өнөктөштүк принциптеринин негизинде түзүүнү жана парник газдарын бөлүп чыгаруунун көлөмүн азайтуу жолу менен климаттын өзгөрүшүнө ыңгайлашуу боюнча биргелешкен чараларды көрүү; 
  5. соода-экономикалык чөйрөдө региондук кызматташтыкты жүзөгө ашыруу үчүн ЭКУнун бардык өлкөлөрүндө долбоорлорду каржылоонун реалдуу системасын түзүүгө багытталган масштабдуу реформаларга убакыт келди;
  6. кеңейтилген региондук кызматташууда, экономикалык өсүштө жана чөлкөмүбүздү өнүктүрүүдө экономикабыз үчүн артыкчылыктуу болгон транспорт жана коммуникация, өнөр жай, энергетика, соода жана инвестиция, туризм, айлана-чөйрөнү коргоо сыяктуу тармактарда тийиштүү стратегия иштеп чыгып, аны ишке ашырууда чечкиндүү болушубуз керек;
  7. Кыргызстан ЭКУнун башка өлкөлөрү менен биргеликте Чыгыш — Батыш жана Түндүк — Түштүк транспорт коридорлорун өнүктүрүүгө жигердүү катышууда. Бул Борбор Азия өлкөлөрүнө Түркмөнстан жана Иран аймактары аркылуу Перс булуңуна чыгууга мүмкүнчүлүк берет;
  8. Кыргызстан ЭКУ аймагында транспортту жана коммуникацияларды өнүктүрүү боюнча ЭКУнун иш-аракеттер программасына кирген Өзбекстан — Кыргызстан — Кытай темир жолун куруу долбоорун илгерилетүүгө чоң маани берет;
  9. Кыргызстан Шахид Ражаи портун пайдалануу аркылуу Кыргызстан — Өзбекстан — Түркмөнстан — Иран каттамы боюнча транспорт коридорунун транзиттик мүмкүнчүлүктөрүн жогорулатуу жаатында жигердүү иш жүргүзүп жатат;
  10. региондо тынчтык жана туруктуулук болмоюнча экономика жаатында ийгиликтүү кызматташуу мүмкүн эмес. Афганистандагы кырдаал ЭКУ өлкөлөрүнө түздөн-түз таасирин тийгизет. Кыш мезгилинин алдында Афганистандагы социалдык-экономикалык абал өзгөчө тынчсыздандырат. Дал ушул гуманизм принциптеринин негизинде учак менен Кыргызстан Кабулга, ошондой эле жүк ташуучу транспорттор менен алыскы Кичи жана Улуу Памирдин аймактарынын тургундарына гуманитардык жардам жеткирди. Кыргызстандан билим алып жаткан афган жарандарына студенттик виза берүүнү улантуу чечимин кабыл алды. Афганистандын жарандык согуштун туңгуюгуна түшүп кетишине жол бербөө үчүн болгон күч-аракетти жумшоо маанилүү;
  11. ЭКУга мүчө мамлекеттердин экономикалык өнүгүү деңгээлдеринин ортосундагы айырманы азайтуу максатында биргелешкен, жыйынтыгында баары биригип келип, бирдиктүү натыйжа бере турган тиешелүү чараларды көрүү зарыл;
  12. бүгүн кабыл алып жаткан "Ашхабад декларациясы" уюмубуздун бардык мүчөлөрүнүн кызыкчылыктарына жооп берет.

Садыр Жапаров Кыргызстанга бүгүн кайтат.

18
Белгилер:
Кыргызстан, Садыр Жапаров, Ашхабад
Тема боюнча
Жапаров Бердымухамедов менен жолугуп, кызматташчу өзгөчө багыттарды атады
Садыр Жапаров Ашхабадга жетти. Аэропорттогу сүрөт, видео