Көмүр кампасында экскаватор. Архив

"Кыргыз көмүр": Бишкекте көмүрдү арзан баада саткан кошумча кампалар ачылат

170
(жаңыланган 21:47 16.11.2021)
Борбордо арзан көмүр бир эле базада сатылууда. "Кыргыз көмүр" ишканасы кезекти азайтуу үчүн кошумча кампалар ачыларын убадалады.

БИШКЕК, 16-ноя. — Sputnik. Бишкектен көмүрдү арзан баада 3 миң сомдон саткан кампалар ачылат. Бул тууралуу "Кыргыз көмүр" ишканасынын маалымат кызматы кабарлады.

"Көмүргө суроо-талап жогору болуп жатканына байланыштуу кошумча базаларды ачуу каралып жатат. Бул узун кезекти да азайтмакчы. Көмүр кампаларынын даректери тууралуу кошумча маалымат беребиз", — деп билдирди ишкана.

Буга чейин президент Садыр Жапаровдун тапшырмасы менен Кара-Кеченин көмүрүнүн тоннасын 3 миң сомдон саткан жер уюштурулган. Кампа Бишкек шаарындагы Мурманская,1Б/1 көчөсүндө жайгашкан. Арзан көмүр бир эле жакта сатылып жаткандыктан чоң кезек жаралган.

170
Белгилер:
Бишкек, Кыргызкөмүр мамлекеттик ишканасы, көмүр, кампа, сатуу
Тема:
Бишкектеги 3 миң сомдук көмүр (14)
Тема боюнча
Кезек качан келерин билбейбиз! Арзан көмүр алууга агылган элдин видеосу
Көмүрдүн баасын кымбаттаткандар болсо ыкчам комиссияга чалыңыз. Телефондору
Ооруканадагы дарыгерлер. Архив

Кечээтен бери коронавирус үч адамдын өмүрүн алды

7
(жаңыланган 09:34 30.11.2021)
Бир сутка ичинде эмдөөдөн 10 260 адам өтүп, анын ичинен 5 803ү биринчи дозаны алса, 4 457 адам экинчисин сайдырды.

БИШКЕК, 30-ноя. — Sputnik. Өткөн суткада 66 адамдан коронавирус табылып, 118 бейтап айыкты. Бул тууралуу Республикалык штаб кабарлады.

Жуктургандар:

  • Бишкек – 19;
  • Чүй облусу – 30;
  • Ош облусу – 4;
  • Талас облусу – 1;
  • Жалал-Абад облусу – 5;
  • Баткен облусу – 7.

Өлкөдө илдет илештиргендердин жалпы саны 183 351ге жетти. Анын ичинен 178 230 адам дартты жеңген. Тилекке каршы, оору бир сутка ичинде үч адамдын өмүрүн алып, жалпы 2 746 адам дарттын курмандыгы болду.

Азыркы учурда стационарда 405, ал эми амбулатордук шартта 488 адам дарыланып жатат. Өткөн сутка ичинде эмдөөдөн 10 260 адам өтүп, анын ичинен 5 803ү биринчи дозаны, 4 457 адам экинчи компонентин алган.

7
Белгилер:
Кыргызстан, коронавирус, оору, бейтап, статистика
Тема:
Кыргызстандагы коронавирус
Тема боюнча
Кыргызстанга кирүүдө 1-декабрдан тарта ПЧР-тест талап кылынат
Жугуштуу илдеттер ооруканасы эми COVID жуктургандарды кабыл албайт
Көчөдө бараткан жаштар. Архив

Статком: Кыргызстанда эркектерге караганда билимдүү аялдар көбүрөөк

9
Кыздар көбүнчө билим берүү, саламаттык сактоо, маданият, көркөм өнөр, сервис сыяктуу адистиктерди тандайт.

БИШКЕК, 30-ноя. — Sputnik. Кыргызстанда эркектерге караганда аялдардын билим деңгээли жогору экени аныкталды. Бул туурасында Улуттук статистика комитети билдирди.

2020-жылы ар кандай жумуштарда эмгектенгендердин арасында жогорку кесиптик билими бар аялдар 28 пайызды, эркектер 19 пайызды түзгөн. Ошол эле учурда орто билимдин ээлери 17 жана 8 пайыз болгон.

Ошол эле учурда быйыл (2020/2021-окуу жылы) жогорку окуу жайларга тапшырган студенттердин арасында кыздар 52 пайызын ээлесе, орто кесиптик окуу жайларына киргендер 56 пайызга жеткен. Алар билим берүү, кеңири керектелчү товарлардын технологиясы, саламаттык сактоо, маданият, көркөм өнөр, сервис сыяктуу адистиктерге басымдуулук кылышат.

Ал эми эркектер машина куруу жана металл иштетүү, токой ресурстарын кайра иштетүү, пайдалуу кендерди иштетүү, курулуш жана архитектура, электрондук техника, энергетика менен байланышкан кесиптерди тандашат.

Мындан сырткары, аспирантурада окугандардын арасында 60, докторантурада 69 пайызы аялдар экени белгиленген.

9
Белгилер:
Улуттук статистика комитети, билим, эркек, аял
Тема боюнча
Кыргызстанда эркектер үйлөнгөндөн кийин спорттон оолактап кетет. Статистика