Таблеткаларды кармап турган фармацевтикалык заводдун кызматкери. Архив

Дарыгер коронавирус жуктурганда кандай дарыларды ичүүгө болбой турганын айтты

247
Дарыгер эмне себептен антибиотикти оору жаңы башталганда эле ичпеш керектигин түшүндүрүп, кесепетин айтты.

БИШКЕК, 17-ноябрь — Sputnik. Коронавирус менен ооруган адамга дароо антибиотик бербеш керек. Бул тууралуу Sputnik радиосуна медицина илимдеринин кандидаты Борис Чурадзе билдиргенин РИА Новости жазды.

"Коронавирус жаңы жуктуруп ооруп жаткан адамды антибиотик менен дарылабаш керек. Көпчүлүк учурда коронавирус болгондор бактериялык инфекцияны оорунун экинчи этабында илештирет. Ошондо гана антибиотик колдонсо болот, бирок дарыгердин көрсөтмөсү менен", — деген медик.

Ал антибиотик менен өз алдынча дарылануу, өзгөчө коронавирус жаңы жуктурганда колдонуу кооптуу экенин эскерткен.

"Антибактериалдык препараттар иммунитеттин сапатына терс таасирин тийгизиши мүмкүн. Иммундук системанын милдети — вирустук инфекция менен күрөшүү. Эгер антибиотикти жөнү жок колдоно берсе, ал иммундук системанын иштөөсүнө жолтоо болуп, организм үчүн керек болгон маалда таасирин жоготуп коёт. Аны дарыгердин көрсөтмөсү менен гана убагында ичүү кажет", — деген Чурадзе.

Адис оорунун белгилери байкалса, сөзсүз медициналык жайга кайрылууну сунуштап, эмдөө менен гана дартты алдын алып же жеңил жеңсе болорун белгилеген.

247
Белгилер:
коронавирус, антибиотик, эскертүү, кеңеш
Тема:
Дүйнөгө жайылган коронавирус (1604)
Тема боюнча
Дарыгер антибиотик кайсы учурда таптакыр жардам бербесин айтты
COVID кайсы учурда баланы өлүмгө кептейт? Дарыгердин жүрөк үшүн алган пикири
Россиянын федералдык жыйынынын Мамлекеттик Думасынын КМШ иштери, евразиялык интеграция жана мекендештер менен байланыш боюнча комитетинин төрагасынын биринчи орун басары Казбек Тайсаев

Байкоочу: башка мамлекеттер Кыргызстандын шайлоо системасын киргизиши керек

3
Чет элдик байкоочу Россияда добуштарды кайталап саноо үчүн соттун чечими керек экенин, ал эми Кыргызстанда бул мыйзам жүзүндө жолго коюлганын белгиледи.

БИШКЕК, 28-ноя. — Sputnik. Автоматтык түрдө санаган электрондук урнанын (АСУ) эсебинин негизинде чыгарылган шайлоонун болжолдуу жыйынтыгынан кийин кол менен кайра эсептөө гана шайлоонун 100 пайыз ачыктыгын камсыздай алат. Бул тууралуу Россиянын федералдык жыйынынын Мамлекеттик Думасынын КМШ иштери, евразиялык интеграция жана мекендештер менен байланыш боюнча комитетинин төрагасынын биринчи орун басары Казбек Тайсаев билдирди.

Ал Sputnik Кыргызстан агенттигинин маалымат борборунда өткөн КМШ Парламенттер аралык ассамблеясынын байкоочуларынын брифингине катышты.

"Кыргызстанда шайлоо биометрикалык маалыматтарды колдонуу менен өтүүдө. Добуш берүү бүткөндөн кийин комиссия мүчөлөрү бюллетендерди кайра санашат. Мунун баары шайлоонун 100 пайыз айкындуулугун камсыздайт. Бул башка мамлекеттер үйрөнө турчу нерсе. Силер киргизген системаны колдонсо болот", — деген Тайсаев.

Ал белгилегендей, Россияда дагы добуштарды электрондук түрдө санаган жабдык иштейт, бирок андан алынган маалыматтар текшерилбейт. Кайра саноо үчүн соттун чечими керек. Кыргызстанда бул мыйзам жүзүндө жолго коюлган.

Тайсаев парламенттик шайлоону уюштурууга жогорку деңгээлде баа берип, добуш берүүчүлөргө бардык шарттар түзүлгөнүн кошумчалады.

3
Белгилер:
Кыргызстан, шайлоо, байкоочу, система
Тема:
Жогорку Кеңешке жаңы тартип менен болчу шайлоо
Тема боюнча
Бишкекте парламенттик шайлоонун жүрүшүн көрсөткөн 15 сүрөт
Бекматов: парламенттик шайлоого элдин катышуусу төмөн болууда
Ысык-Көлдүн Тоң районунда баш кошкон эки жаш парламенттик шайлоодо добуш беришти

ЗАГСтан түз шайлоого. Ысык-Көлдө жаңы үйлөнгөн эки жаштын добуш берген сүрөтү

68
(жаңыланган 16:53 28.11.2021)
Бул окуя облустун Тоң районундагы №3212 шайлоо участкасында болгон. Эки жаш үлпөт кийимчен келишкен.

БИШКЕК, 28-ноя. — Sputnik. Ысык-Көлдүн Тоң районунда баш кошкон эки жаш парламенттик шайлоодо добуш беришти. Мындай маалыматты Борбордук шайлоо комиссиясы өзүнүн Facebook баракчасына жазып, сүрөттөрүн чыгарды.

  • Молодожены участвуют на выборах депутатов Жогорку Кенеша VII созыва в избирательном участке №3212 в Тонском районе Иссык-Кульской области. 28 ноября 2021 года
    Выборы депутатов Жогорку Кенеша VII созыва в Кыргызстана
    © Фото / пресс-служба ЦИК КР
  • Молодожены участвуют на выборах депутатов Жогорку Кенеша VII созыва в избирательном участке №3212 в Тонском районе Иссык-Кульской области. 28 ноября 2021 года
    Выборы депутатов Жогорку Кенеша VII созыва в Кыргызстана
    © Фото / пресс-служба ЦИК КР
1 / 2
© Фото / пресс-служба ЦИК КР
Выборы депутатов Жогорку Кенеша VII созыва в Кыргызстана

Жаштар ЗАГСтан түз эле шайлоо тилкесине келишкен. Бул окуя облустун Тоң районундагы №3212 шайлоо участкасында катталды.

Эске салсак, бүгүн өлкөдө Жогорку Кеңешке депутаттарды шайлоо жүрүп жатат. Бул ирет шайлоо мурдагыларга салыштырмалуу башка эреже менен өтөт. 54 талапкер партиялык тизме (пропорционалдык система), калган 36сы бир мандаттуу округ (мажоритардык система) менен келет. Парламенттин VII чакырылышында депутаттардын саны 90 болот.

Бирдиктүү шайлоо округу боюнча саат 14:00гө карата шайлоочулардын 16,27 пайызы добуш берди. Бул 602 432 кыргызстандык шайлоого катышканын түшүндүрөт.

68
Белгилер:
шайлоо, Жогорку Кеңеш, Ысык-Көл, үлпөт, той
Тема:
Жогорку Кеңешке жаңы тартип менен болчу шайлоо
Тема боюнча
ИИМ өкүлү: шайлоочуларды ташуу, добуш сатып алуу боюнча даттануулар түшүүдө
Шайлоого катышкандардын саны канчага жетти? Саат 14:00гө карата маалымат