Жолдо бараткан унаа. Архив

Жаңы конуштун тургундары айланма жолду тосуп алышты. Видео

3565
(жаңыланган 09:17 18.11.2021)
Күбөлөрдүн айтымында, жашоочулар электр жарыгынын өчүрүлүшүнө нааразы болуп жатышат. Аталган конушту "Түндүк электр" ишканасы тейлейт.

БИШКЕК, 17-ноя. — Sputnik. Бишкектин жака-белиндеги Алтын-Казык конушунун тургундары айланма жолду тосуп алышты. Окуя болуп жаткан жерден тартылган видео "Короче" Telegram каналына жүктөлдү.

"Жашоочулар таштанды төгүүчү жайдын аймагындагы трассаны жаап салышты. Алар эки күндөн бери үйлөрүндө электр энергиясынын жогуна нааразы", — дешти күбөлөр.

Аталган конушту "Түндүк электр" ишканасы тейлейт. Компания жарык өчүрүлгөнүн тастыктап, мындай чара тургундардын карызы үчүн көрүлгөнүн белгиледи. Ушу тапта ишкана түшүндүрүү иштерин жүргүзүп жатат.

Ал эми Чүй облустук милициясы жолдун жабылганы боюнча маалыматты тактап жатканын кабарлады.

3565
Белгилер:
жаңы конуштар, электр жарыгы, нааразычылык, жол тосуу, 'Түндүк Электр' ишканасы
Тема боюнча
Түркмөнстан КРге эмне себептен электр энергия бербей калды. Расмий жооп
Көчөдө бараткан аял. Архив

Шейшембиге карата аба ырайы

91
30-ноябрь, шейшембиге, караган түнү жаан-чачын күтүлбөйт. Шамалдын багыты өзгөрүлүп, ылдамдыгы секундасына 1-6 метрге жетет.

БИШКЕК, 29-ноя. — Sputnik. 30-ноябрда республика боюнча күн ачык болот. Мындай маалыматты Кыргызгидромет таратты.

Абанын температурасы Чүй облусунда +9...+14, Таласта +8...+13, Ош, Жалал-Абад жана Баткен облустарында +10...+15, Ысык-Көл өрөөнүндө +2...+7, Нарын аймагында -2...+3 градуска чейин көтөрүлөт.

Борбор калаада күндүн табы +12...+14, Ош шаарында +13...+15 градуска чейин жете турганы айтылды.

91
Белгилер:
аба ырайы, Кыргызстан
Тема боюнча
Дүйнө тынчсызданган "омикрон" штаммынын белгилери, кайдан чыкканы айтылды
Коронавируска ПЦР-тест жасап жаткан лаборатория кызматкери. Архив

Кыргызстанга кирүүдө 1-декабрдан тарта ПЧР-тест талап кылынат

144
(жаңыланган 20:35 29.11.2021)
Министрлик менен ведомстволорго COVID-19дун жаңы штаммына байланыштуу даярдыкта туруу тапшырылды.

БИШКЕК, 29-ноя. — Sputnik. 1-декабрдан тарта өлкө аймагына кирүүдө милдеттүү түрдө ПЧР-тест талап кылынат. Бул тууралуу өкмөттүн маалымат кызматы кабарлады.

Мындай чечимди министрлер кабинети өлкө аймагында коронавирус инфекциясынын жаңы штаммынын жайылышына жол бербөө үчүн кабыл алган.

"Чет элдик жарандар жана кыргызстандыктар өлкө аймагына кирүүдө эмделген сертификатынан тышкары ПЦР-тестинин терс жыйынтыгын көрсөтүшү керек", — деп жазылган маалыматта.

Саламаттык сактоо министрлиги "омикрон" штаммынын очогу аныкталып жаткан өлкөлөрдөгү эпидемиологиялык абалга көз салып жатканы белгиленди.

Ал эми вирус тарап жаткан мамлекеттердин тизмеси Улуттук коопсуздук мамлекеттик комитетинин Чек ара кызматына берилип, ал өлкөлөрдүн жарандарына Кыргызстандын аймагына кирүүгө тыюу салынат.

Министрлик менен ведомстволорго COVID-19дун жаңы штаммына байланыштуу толук даярдыкта туруу тапшырылган.

Кечээ өлкөнүн министрлер кабинети Дүйнөлүк саламаттык сактоо уюму (ДССУ) менен COVID-19дун "омикрон" деген жаңы штаммы боюнча ыкчам жолугушуу өткөргөн.

144
Белгилер:
Кыргызстан, коронавирус, 'омикрон' штаммы, тест
Тема:
Кыргызстандагы коронавирус
Тема боюнча
Министрлер кабинети ДССУ менен COVID-19дун жаңы штаммы боюнча жыйын курду