Кулпунай жыттап жаткан адам. Архив

Коронавирустан кийин жыт сезүүнү кантип калыбына келтирүү керек? Кеңештер

192
(жаңыланган 11:53 18.11.2021)
Окумуштуулар вирус мурун көңдөйүндө жайгашкан жыт сезүүчү нерв талчалары менен анын айланасындагы клеткаларды жабыркатарын айтышкан.

БИШКЕК, 18-ноя. — Sputnik. COVID-19 менен ооруп айыккандар жытты адатта 14 күндүн ичинде кайра сезе баштайт, бирок айрым учурда андан да көп убакытта пайда болушу мүмкүн. Бул тууралуу "Прайм" агенттигине Россияда коронавирус инфекциясына кабылган бейтаптардын оорусун аныктоо борборунун жетекчиси Мария Петина билдирди.

"Айрым окумуштуулар вирус мурун көңдөйүндө жайгашкан жыт сезүүчү нерв талчаларын жабыркатат дешет. Гарварддын неврологдору вирус жыт сезүүчү нерв талчаларынын айланасында жайгашкан клеткаларга да зыянын тийгизет деген пикирде. Анткени дал ушунда вируска клеткаларга кирүүгө жардам берген ACE2 белогу бар. Кошумча клеткалар жок биздин жыт сезүүчү нейрондор толугу менен иштей албай, гипосмия (жыт сезүүнүн төмөндөшү) же аносмия (жыт сезүүнүн жоголушу) келип чыгат", — деген медик.

Анын айтымында, коронавирустук аносмияны калыбына келтирүү үч күндөн үч айга чейин созулат. Петина айрым учурда бейтаптарга жыт билүүнү кайтаруучу көнүгүүлөр сунушталарын айткан. Маселен, эфир майлары сыяктуу жыпар жыттарды жыттаса болот.

Ошол эле учурда адис өз алдынча дарылануудан алыс болууга чакырып, алгачкы симптомдордо эле адиске кайрылуу керектигин кошумчалады.

192
Белгилер:
коронавирус, жыт, симптом, дарыгер
Тема:
Дүйнөгө жайылган коронавирус (1604)
Тема боюнча
Статком: пандемиядан кийин жакырлар көбөйдү
Дарыгер коронавирус жуктурганда кандай дарыларды ичүүгө болбой турганын айтты
Россиянын федералдык жыйынынын Мамлекеттик Думасынын КМШ иштери, евразиялык интеграция жана мекендештер менен байланыш боюнча комитетинин төрагасынын биринчи орун басары Казбек Тайсаев

Байкоочу: башка мамлекеттер Кыргызстандын шайлоо системасын киргизиши керек

22
Чет элдик байкоочу Россияда добуштарды кайталап саноо үчүн соттун чечими керек экенин, ал эми Кыргызстанда бул мыйзам жүзүндө жолго коюлганын белгиледи.

БИШКЕК, 28-ноя. — Sputnik. Автоматтык түрдө санаган электрондук урнанын (АСУ) эсебинин негизинде чыгарылган шайлоонун болжолдуу жыйынтыгынан кийин кол менен кайра эсептөө гана шайлоонун 100 пайыз ачыктыгын камсыздай алат. Бул тууралуу Россиянын федералдык жыйынынын Мамлекеттик Думасынын КМШ иштери, евразиялык интеграция жана мекендештер менен байланыш боюнча комитетинин төрагасынын биринчи орун басары Казбек Тайсаев билдирди.

Ал Sputnik Кыргызстан агенттигинин маалымат борборунда өткөн КМШ Парламенттер аралык ассамблеясынын байкоочуларынын брифингине катышты.

"Кыргызстанда шайлоо биометрикалык маалыматтарды колдонуу менен өтүүдө. Добуш берүү бүткөндөн кийин комиссия мүчөлөрү бюллетендерди кайра санашат. Мунун баары шайлоонун 100 пайыз айкындуулугун камсыздайт. Бул башка мамлекеттер үйрөнө турчу нерсе. Силер киргизген системаны колдонсо болот", — деген Тайсаев.

Ал белгилегендей, Россияда дагы добуштарды электрондук түрдө санаган жабдык иштейт, бирок андан алынган маалыматтар текшерилбейт. Кайра саноо үчүн соттун чечими керек. Кыргызстанда бул мыйзам жүзүндө жолго коюлган.

Тайсаев парламенттик шайлоону уюштурууга жогорку деңгээлде баа берип, добуш берүүчүлөргө бардык шарттар түзүлгөнүн кошумчалады.

22
Белгилер:
Кыргызстан, шайлоо, байкоочу, система
Тема:
Жогорку Кеңешке жаңы тартип менен болчу шайлоо
Тема боюнча
Бишкекте парламенттик шайлоонун жүрүшүн көрсөткөн 15 сүрөт
Бекматов: парламенттик шайлоого элдин катышуусу төмөн болууда
Ысык-Көлдүн Тоң районунда баш кошкон эки жаш парламенттик шайлоодо добуш беришти

ЗАГСтан түз шайлоого. Ысык-Көлдө жаңы үйлөнгөн эки жаштын добуш берген сүрөтү

75
(жаңыланган 16:53 28.11.2021)
Бул окуя облустун Тоң районундагы №3212 шайлоо участкасында болгон. Эки жаш үлпөт кийимчен келишкен.

БИШКЕК, 28-ноя. — Sputnik. Ысык-Көлдүн Тоң районунда баш кошкон эки жаш парламенттик шайлоодо добуш беришти. Мындай маалыматты Борбордук шайлоо комиссиясы өзүнүн Facebook баракчасына жазып, сүрөттөрүн чыгарды.

  • Молодожены участвуют на выборах депутатов Жогорку Кенеша VII созыва в избирательном участке №3212 в Тонском районе Иссык-Кульской области. 28 ноября 2021 года
    Выборы депутатов Жогорку Кенеша VII созыва в Кыргызстана
    © Фото / пресс-служба ЦИК КР
  • Молодожены участвуют на выборах депутатов Жогорку Кенеша VII созыва в избирательном участке №3212 в Тонском районе Иссык-Кульской области. 28 ноября 2021 года
    Выборы депутатов Жогорку Кенеша VII созыва в Кыргызстана
    © Фото / пресс-служба ЦИК КР
1 / 2
© Фото / пресс-служба ЦИК КР
Выборы депутатов Жогорку Кенеша VII созыва в Кыргызстана

Жаштар ЗАГСтан түз эле шайлоо тилкесине келишкен. Бул окуя облустун Тоң районундагы №3212 шайлоо участкасында катталды.

Эске салсак, бүгүн өлкөдө Жогорку Кеңешке депутаттарды шайлоо жүрүп жатат. Бул ирет шайлоо мурдагыларга салыштырмалуу башка эреже менен өтөт. 54 талапкер партиялык тизме (пропорционалдык система), калган 36сы бир мандаттуу округ (мажоритардык система) менен келет. Парламенттин VII чакырылышында депутаттардын саны 90 болот.

Бирдиктүү шайлоо округу боюнча саат 14:00гө карата шайлоочулардын 16,27 пайызы добуш берди. Бул 602 432 кыргызстандык шайлоого катышканын түшүндүрөт.

75
Белгилер:
шайлоо, Жогорку Кеңеш, Ысык-Көл, үлпөт, той
Тема:
Жогорку Кеңешке жаңы тартип менен болчу шайлоо
Тема боюнча
ИИМ өкүлү: шайлоочуларды ташуу, добуш сатып алуу боюнча даттануулар түшүүдө
Шайлоого катышкандардын саны канчага жетти? Саат 14:00гө карата маалымат