Медиктер лифтте

COVID статистикасы: 60 кишиге вирус жугуп, үч бейтап көз жумду

37
(жаңыланган 10:10 19.11.2021)
Өлкөдө илдет илештиргендердин жалпы саны 182 727ге жетти. Анын ичинен 177 289 адам дартты жеңип, 2 718 адам коронавирустун курмандыгы болду.

БИШКЕК, 19-ноя. — Sputnik. Бир сутка ичинде Кыргызстанда 60 адамдан коронавирус табылып, 89 бейтап айыкты. Бул тууралуу Республикалык штаб кабарлады.

Жуктургандар:

  • Бишкек — 31;
  • Ош шаары — 1;
  • Чүй облусу — 8;
  • Ош облусу — 6;
  • Ысык-Көл облусу — 8;
  • Жалал-Абад облусу — 1;
  • Баткен облусу — 5.

Өлкөдө илдет илештиргендердин жалпы саны 182 727ге жетти. Анын ичинен 177 289 адам дартты жеңген. Тилекке каршы, кечээтен бери оору үч адамдын өмүрүн алып, аны кошкондо өлкөдө жалпы 2 718 адам коронавирустун курмандыгы болду.

Азыркы тапта стационарда 538, ал эми амбулатордук шартта 650 адамдын дарыланып жатканы айтылды.

Өткөн суткада эмдөөдөн 10 836 киши өттү, анын ичинен 5 117си биринчи дозаны, 5 719 адам экинчи компонентти алган. Жалпы эмдөөдөн өткөндөрдүн саны 1 061 133кө жетти (экинчи доза 842 471 адам).

37
Белгилер:
Кыргызстан, Бишкек, коронавирус, статистика
Тема:
Кыргызстандагы коронавирус (186)
Тема боюнча
Тогуз айда өлкөдө COVID-19ду канча киши жугузуп, канча адам көз жумду?
COVID менен күрөшкөн медиктерге октябрь айы үчүн компенсация төлөндү. Суммасы
Министр: Кыргызстанда COVID-19га каршы ревакцинация декабрда башталат
Баласына китеп окуп жаткан адам. Архив

Балага жыныстык тарбия берүүдөн уялбаш үчүн ата-эне кантип даярданышы керек

0
Психолог бала өзү төшөк маселесине байланыштуу суроо берген учурда жооп берүүдөн качпаш керектигин айтат. Ал үчүн ата-эне бири-бири менен сүйлөшүп, даярданып алганы жакшы.

БИШКЕК, 30-ноя. — Sputnik. Балага жыныстык тарбия берүү үчүн ата-эне өзү кандай даярдыктан өтүшү керектигин РИА Новости агенттигине Россиянын сексологиялык илимий коомунун мүчөсү, психолог Татьяна Селезнева айтып берди.

Алгач адис бала кайсы курактан баштап жыныстык тарбияга даяр болорун түшүндүрдү.

"Ар бир бала дүйнө таанымына жараша ар кайсы куракта "жетилет". Негизги 15-16 жашка чейин акырындык менен маалымат алып алганы туура. Мисалы, жыныстык органдар, алардын функциялары, бойго бүтүп калуу жана венерологиялык оорулардан сактануу жолдорун билиши керек. Качан гана уул-кыздар 16дан ашканда секс тууралуу, болгондо дагы анын жалаң негитивдүү жактарын айта баштаган туура эмес", — деди Селезнева.

Психолог "төшөк мамилеси тууралуу балага туура түшүндүрүп берсе келечеги жакшы болорун" кошумчалады.

Ошондой эле ал ата-энелер өздөрү диалог баштоодон уялбаш үчүн кантип даярданышы керектигин айтып берди.

"Алгач ата-эне бири-бири менен сүйлөшүп, даярданып алганы жакшы. Учурда жыныстык тарбия тууралуу балдар үчүн китептер өтө көп. Ошолорду алып окуп койсо балдар гана эмес, чоңдор дагы көп нерселерди биле алышат", — деди адис.

Сөзүнүн соңунда психолог бала өзү төшөк маселесине байланыштуу суроо берген учурда жооп берүүдөн эч качан качпаш керектигин айтат.

0
Белгилер:
бала, тарбия, психология, ата-эне, жыныс
Тема боюнча
Атаны балдардын тарбиясына кантип аралаштырса болот? Педагогдун кеңеши
Баланы жоопкерчиликке кантип үйрөтсө болот? Адистин кеңеши
Көчөдө бараткан аял. Архив

Шейшембиге карата аба ырайы

93
30-ноябрь, шейшембиге, караган түнү жаан-чачын күтүлбөйт. Шамалдын багыты өзгөрүлүп, ылдамдыгы секундасына 1-6 метрге жетет.

БИШКЕК, 29-ноя. — Sputnik. 30-ноябрда республика боюнча күн ачык болот. Мындай маалыматты Кыргызгидромет таратты.

Абанын температурасы Чүй облусунда +9...+14, Таласта +8...+13, Ош, Жалал-Абад жана Баткен облустарында +10...+15, Ысык-Көл өрөөнүндө +2...+7, Нарын аймагында -2...+3 градуска чейин көтөрүлөт.

Борбор калаада күндүн табы +12...+14, Ош шаарында +13...+15 градуска чейин жете турганы айтылды.

93
Белгилер:
аба ырайы, Кыргызстан
Тема боюнча
Дүйнө тынчсызданган "омикрон" штаммынын белгилери, кайдан чыкканы айтылды