Кан тапшыруу учурунда донор

Кан эмне себептен "майлуу" болот? Пайда-зыянын гематолог түшүндүрдү

133
(жаңыланган 11:25 19.11.2021)
Дарыгердин айтымында, кандын курамында май нормасынан жогору болсо, аны "майлуу" деп атап коюшат. Бул көбүнесе зат алмашуу бузулган учурда кездешет.

БИШКЕК, 19-ноя. — Sputnik. Эмне себептен кан "майлуу" болорун жана анын кесепети кандай экенин Sputnik радиосунун эфиринде Москва шаарындагы Рогачев атындагы балдардын гематология борборунун бөлүм башчысы Павел Трахтман айтып берди.

Дарыгер түшүндүргөндөй, кандын курамында май нормасынан жогору болсо, аны "майлуу" деп атап коюшат. Бул көбүнесе зат алмашуу бузулган учурда кездешет.

"Көбүнчө мындай көйгөй толук адамдарда болот. Май көп болгондо толугу менен кайра иштелип чыгууга жетишпей, кан тамырлардын ички бөлүгүнө жабышып кала берет. Ошондой эле майлуу жана туура эмес тамактануу дагы канга бир топ кесепетин тийгизет. Жыйынтыгында атеросклероз баш болгон олуттуу илдеттер өрчүй баштайт", — деди Трахтман.

Адистин пикиринде, кан "майлуу" болгон учурда башка оорулар боюнча диагноз коюуга тоскоолдук жаралат.

"Мындай учурда канга биохимиялык же башка анализдерди жүргүзүү өтө татаал. Мисалы, айрым жыныстык илдеттерди аныктоо учурунда инфекция жок учурда деле бар деп көрсөтүп коюшу мүмкүн", — деди гематолог.

Андыктан дарыгер толук адамдарга зарыл болгон учурда бир анализди бир нече жолу тапшырып көрүүнү сунуштаган.

133
Белгилер:
кан, май, ден соолук, кесепет, салмак, гематолог
Тема боюнча
Невролог Бакаева: инсульт жашарууда, мунун эки себеби бар
Адис чарчоону чакырган тамактарды санап берди
Министрлер кабинетинин төрагасы Акылбек Жапаров. Архив

Акылбек Жапаров үй-бүлөсү менен батирде жашап, 7 унаа айдайт. Декларация

101
(жаңыланган 16:08 06.12.2021)
Өкмөт башчынын аянты 77,5 чарчы метрди түзгөн бир гана батири бар. Чыгымдары жана башка мүлкү тууралуу жазылган эмес.

БИШКЕК, 6-дек. — Sputnik. Министрлер кабинетинин төрагасы Акылбек Жапаров былтыр 815 357 миң сом киреше тапкан. Бул туурасында анын Салык кызматына тапшырган декларациясында көрсөтүлөт.

Өкмөт башчынын аянты 77,5 чарчы метрди түзгөн бир гана батири бар. Чыгымдары жана башка мүлкү тууралуу жазылган эмес.

Ал эми жакын туугандары өткөн жылы 96 миллион 745 миң 719 сом пайда тапкан. Алар беш контейнер жана жети автоунаага ээлик кылат.

Контейнерлери жана аянты:

  • Контейнер — 22,7 чарчы метр;
  • Контейнер — 1026,6;
  • Контейнер — 192;
  • Контейнер — 1021,7;
  • Контейнер — 67,6.

Автоунаалары:

  • Mercedes-Benz 210;
  • Mercedes-Benz 410;
  • Mercedes-Benz 409;
  • Mercedes-Benz 208;
  • Mercedes-Benz 811;
  • Mercedes-Benz 7100;
  • Mercedes-Benz 308.
101
Белгилер:
Акылбек Жапаров, декларация, автоунаа, контейнер
Тема боюнча
Садыр Жапаров жана анын үй-бүлөсү кандай мал-мүлккө ээлик кылары жарыяланды
Карылар жана балдар үйүндө жашагандардын тамактануусуна 2 эсе көп акча бөлүнөт
Киши сом купюралары менен. Архив

Карылар жана балдар үйүндө жашагандардын тамактануусуна 2 эсе көп акча бөлүнөт

33
(жаңыланган 15:40 06.12.2021)
Буга чейин тамак-аш үчүн күнүнө бир адамга 110 сом каралса, жаңы жылдан кийин ал 220 сомго көтөрүлөт.

БИШКЕК, 6-дек. — Sputnik. Президент Садыр Жапаров "Социалдык чөйрөнүн айрым мекемелеринде тамактануу чыгымдарынын акчалай ченемдерин көтөрүү жөнүндө" жарлыкка кол койду. Бул туурасында мамлекет башчынын маалымат кызматы билдирди.

Ага ылайык, мындан ары жетим балдар үйү, карылар үйү жана ден соолугунан мүмкүнчүлүгү чектелген балдар жана адамдар баш калкалаган жайларда тамактанууга бюджеттен эки эсе көп каражат бөлүнөт. Тагыраак айтканда, буга чейин күнүнө бир адамга 110 сом каралса, эми ал 220 сомго көтөрүлөт. Муну менен катар министрлер кабинетине бир топ талаптар коюлду.

2022-жылдын 1-январынан баштап тамактануунун акчалай ченеми 100 пайызга көбөйтүлө турган жайлардагы жарандар:

  • Эмгек, социалдык камсыздоо жана миграция министрлигинин мекемелериндеги балдардын, улгайган жарандардын, ден соолугунан мүмкүнчүлүгү чектелген адамдардын, анын ичинде ден соолугунан мүмкүнчүлүгү чектелген балдардын;
  • Билим берүү жана илим министрлигинин мекемелериндеги жетим балдардын, ата-энесинин көзөмөлүсүз калган балдардын, ден соолугунан мүмкүнчүлүгү чектелген балдардын;
  • Саламаттык сактоо министрлигинин адистештирилген реабилитациялоо борборлорундагы (балдар үйлөрүндөгү) балдардын;
  • Ушул жарлыкты ишке ашыруу үчүн кошумча финансы каражаттарын тапсын жана бөлүп берсин;
  • Өзүнүн чечимдерин ушул жарлыкка ылайык келтирсин.

Эске салсак, мамлекет башчы ишемби күнү Беловодск айылындагы балдардын психоневрологиялык социалдык стационардык мекемесине барганда бул боюнча тийиштүү тапшырманы берген.

33
Белгилер:
Садыр Жапаров, тамак-аш, мекеме, көтөрүү
Тема боюнча
Садыр Жапаров: дыйкан менен фермерлер жер салыгынан бошотулат
Кыргызстандагы эң көп пенсия 179 миң сом экени маалым болду
Уялам. Соцфонддун башчысы Кыргызстандагы пенсия тууралуу оюн айтты