Башы ооруп жаткан кыз. Иллюстративдүү сүрөт

Окумуштуулар баш оорудан арылуунун жолун айтышты

3885
Клиникага кайрылган 60 жаштагы бейтап 10 жылдан ашык убакыттан бери баш оорудан жабыркап келген. Ал бир кармаганда 72 саатка чейин созулган.

БИШКЕК, 20-ноя. — Sputnik. Америкалык окумуштуулар көп жылдар бою баш оорудан кыйналган кишини жашылчанын негизиндеги диета менен айыктырышты. Бейтап тамактануу рационун алмаштырып, үч айдын ичинде жакшы болгондугун BMJ Case Reports журналы жазган.

Клиникага кайрылган 60 жаштагы бейтап 10 жылдан ашык убакыттан бери баш оорусу менен жабыркап келгендигин айткан. Ал бир кармаганда 72 саатка чейин созулуп жарыкка, ызы-чууга күчөп, жүрөк айлануу жана кусуу менен коштолгон. Мындай көрүнүш жалпысынан бир айда 12-18 күнгө созулуп турган.

Бейтап клиникага кайрылар алдында оору 18-24 күнгө чейин созулуп, курч абалга өткөн. Киши жазылган дарыларды ичип, илдетти чакырган шоколад, сыр, жаңгак, кофеин жана кургатылган жемиштерди колдонбой, йога жана медитация менен алектенген. Бирок эч нерсе жардам берген эмес.

Анализдер канда эч кандай сезгенүү жок экендигин жана бета-керотиндин өлчөмү нормалдуу болгондугун көрсөткөн. Бирок бейтап күн сайын таттуу картошка жегендигин айткандан кийин ага тамактануу рационун өзгөрткөн LIFE (Low Inflamasted Foods Everyday) диетасын сунушташкан. Рациондо күн сайын жашылча жана жашыл смузи колдонулуп, бүтүн дандуу азыктардан, крахмалдуу жашылчалардан, жаныбар майы менен белоктон баш тартып, өзгөчө сүт азыктарын жана кызыл этти колдонбоо сунушталган.

Жаңы диетага отургандан кийин оорунун курчушу айына бир күнгө чейин азайып, үч айдан соң толугу менен токтогон. Ал эми кандагы бета-каротиндин өлчөмү 53төн 92 мкг/длга чейин көбөйгөн. Киши баш ооруга каршы дары ичпей, ал тургай ооруну күчөтүүчү жумуртка, лосось азыктарын жеп баштаган.

Бул окуядан соң окумуштуулар жашылчанын негизиндеги диета өнөкөт баш ооруну дарылоонун коопсуз, эффективдүү жана туруктуу жолу экендигин жазышкан.

3885
Белгилер:
баш оору, ден соолук, окумуштуулар, бейтап
Тема боюнча
Педиатр тумоолоп калган балага кантип жардам берсе болорун айтты
COVID, сасык тумоодон кийин дене табы эмнеге көтөрүлөт? Түшүндүрмө
Дарыгер коронавирус жуктурганда кандай дарыларды ичүүгө болбой турганын айтты
Чай. Архив

Чайды өтө кызыл демдеп ичпеш керек. Эндокринологдун кеңеши

0
Эндокринолог кайсы бир дарыны, маселен, канды суюлтуу үчүн аспирин ичип жаткандарга да кызыл демделген чайды сунуштаган эмес.

БИШКЕК, 30-ноя. — Sputnik. Эндокринолог, диетолог Оксана Михалева кимдерге чай ичкенге болбой турганын айтты. Адистин кеңеши "Известия" басылмасына жарыяланды.

Эндокринолог чайдын курамында полифенол (катехиндер, теафлавиндер,флавоноиддер), амин кычкылы, A, C, K, β-каротин витаминдери, органикалык кычкылдар, липид, белок, углевод, кофеин, фтор, бор, кобальт, жез, марганец жана цинк сыяктуу микронутриенттер бар экенин айтып, ал микробго каршы таасир эте аларын, антиоксиндат экенин белгилеген. Холестеринди түшүрүүгө да жардам берет.

Ошол эле учурда медик аны көп ичүү зыян экенин эскерткен.

"Кызыл демделген чайды көп ичүү өзгөчө ашказанды оорутуп, жүрөктү айлантып, ичти катырышы ыктымал. Ошондой эле боорду бузуп, нерв системасына, уйкуга терс таасирин тийгизиши мүмкүн", — деди адис.

Мындан улам Михалева аритмия, жүрөк оору, депрессия, кант диабети, гипертония, бөйрөк оорусу менен жабыркагандар, ашказанда жарасы барлар, он эли ичегиси ооругандар, боорунда өнөкөт дарты барларга кызыл демделген чайды сунуштаган эмес. Анткени бул учурда мындай илдети барлардан кан кетиши ыктымал.

Эндокринолог кайсы бир дарыны, маселен, канды суюлтуу үчүн аспирин ичип жаткандарга да чайды өтө кызыл демдеп ичпеш керектигин эскерткен. Бул учурда дагы кан кетиши мүмкүн.

0
Белгилер:
эндокринолог, чай, эскертүү, алдын алуу, жүрөк, оору
Тема боюнча
Адис чарчоону чакырган тамактарды санап берди
Дарыгер эмнеге кеңсе жумушу адамды стресске кептей турганын айтты
Дарыгер күз-кышта адам эмнеге уйкусурап, чарчай берерин айтып берди
Баласына китеп окуп жаткан адам. Архив

Балага жыныстык тарбия берүүдөн уялбаш үчүн ата-эне кантип даярданышы керек

21
Психолог бала өзү төшөк маселесине байланыштуу суроо берген учурда жооп берүүдөн качпаш керектигин айтат. Ал үчүн ата-эне бири-бири менен сүйлөшүп, даярданып алганы жакшы.

БИШКЕК, 30-ноя. — Sputnik. Балага жыныстык тарбия берүү үчүн ата-эне өзү кандай даярдыктан өтүшү керектигин РИА Новости агенттигине Россиянын сексологиялык илимий коомунун мүчөсү, психолог Татьяна Селезнева айтып берди.

Алгач адис бала кайсы курактан баштап жыныстык тарбияга даяр болорун түшүндүрдү.

"Ар бир бала дүйнө таанымына жараша ар кайсы куракта "жетилет". Негизги 15-16 жашка чейин акырындык менен маалымат алып алганы туура. Мисалы, жыныстык органдар, алардын функциялары, бойго бүтүп калуу жана венерологиялык оорулардан сактануу жолдорун билиши керек. Качан гана уул-кыздар 16дан ашканда секс тууралуу, болгондо дагы анын жалаң негитивдүү жактарын айта баштаган туура эмес", — деди Селезнева.

Психолог "төшөк мамилеси тууралуу балага туура түшүндүрүп берсе келечеги жакшы болорун" кошумчалады.

Ошондой эле ал ата-энелер өздөрү диалог баштоодон уялбаш үчүн кантип даярданышы керектигин айтып берди.

"Алгач ата-эне бири-бири менен сүйлөшүп, даярданып алганы жакшы. Учурда жыныстык тарбия тууралуу балдар үчүн китептер өтө көп. Ошолорду алып окуп койсо балдар гана эмес, чоңдор дагы көп нерселерди биле алышат", — деди адис.

Сөзүнүн соңунда психолог бала өзү төшөк маселесине байланыштуу суроо берген учурда жооп берүүдөн эч качан качпаш керектигин айтат.

21
Белгилер:
бала, тарбия, психология, ата-эне, жыныс
Тема боюнча
Атаны балдардын тарбиясына кантип аралаштырса болот? Педагогдун кеңеши
Баланы жоопкерчиликке кантип үйрөтсө болот? Адистин кеңеши