Президент Садыр Жапаров

Прокуратурада чынчыл, принципиалдуу адамдар иштейт. Жапаровдун куттуктоосу

149
(жаңыланган 12:42 20.11.2021)
Президент прокуратура кызматкерлери ар дайым мыйзамдуулуктун сакталышын көзөмөлдөп, укук бузуулар менен кылмыштуулукка каршы туруп келишкенин белгилеген.

БИШКЕК, 20-ноя. — Sputnik. Мамлекет башчы Садыр Жапаров прокуратура органдарында иштегендерди кесиптик майрамы менен куттуктаганын президенттин маалымат кызматы билдирди.

Сотрудники органов прокуратуры во время поздравления президента КР с профессиональным праздником. 20 ноября 2021 года
© Пресс-служба президента КР / Султан Досалиев
Мамлекет башчы Садыр Жапаров прокуратура органдарында иштегендерди кесиптик майрамы менен куттуктаганын президенттин маалымат кызматы билдирди

Билдирмеге караганда, бул күнгө карата салтанаттуу иш-чара өтүп, ага Садыр Жапаров катышкан.

"Мамлекетибиз эчен татаал мезгилдерди баштан кечирип, далай тайгак кечүүлөрдөн өтсө дагы прокуратура кызматкерлери ар дайым мыйзамдуулуктун сакталышын көзөмөлдөп, укук бузуулар менен кылмыштуулукка каршы туруп келишкен. Ошол эле маалда кандай гана өзгөрүүлөр болбосун прокуратура органдарында чынчыл, принципиалдуу, баш оту менен өз кесибине берилген, мекен үчүн мыйзамдуулукту жана адилеттүүлүктү орнотууга жанын аябаган адамдар эмгектенишет", — деп жазылат куттуктоодо.

Президент прокуратура ардагерлери жаш муундарга таза, кесипкөй жана чынчыл кызматкерлердин үлгүсүн көрсөткөнүн белгилеген. Ал жалпы кызматкерлерге коомго мыйзамдуулукту бекемдөөгө кошкон салымы үчүн ыраазычылыгын билдирди.

149
Белгилер:
Садыр Жапаров, президент, прокуратура, майрам, куттуктоо
Тема боюнча
УКМК эмнеге унчукпай отурушу керек. Жапаров атайын кызматтардын тыңшоосу боюнча айтты
Элге гана таянып өлкө башчы болдум. Жапаровдун кайрылуусу
Көчөдө бараткан аял. Архив

Шейшембиге карата аба ырайы

86
30-ноябрь, шейшембиге, караган түнү жаан-чачын күтүлбөйт. Шамалдын багыты өзгөрүлүп, ылдамдыгы секундасына 1-6 метрге жетет.

БИШКЕК, 29-ноя. — Sputnik. 30-ноябрда республика боюнча күн ачык болот. Мындай маалыматты Кыргызгидромет таратты.

Абанын температурасы Чүй облусунда +9...+14, Таласта +8...+13, Ош, Жалал-Абад жана Баткен облустарында +10...+15, Ысык-Көл өрөөнүндө +2...+7, Нарын аймагында -2...+3 градуска чейин көтөрүлөт.

Борбор калаада күндүн табы +12...+14, Ош шаарында +13...+15 градуска чейин жете турганы айтылды.

86
Белгилер:
аба ырайы, Кыргызстан
Тема боюнча
Дүйнө тынчсызданган "омикрон" штаммынын белгилери, кайдан чыкканы айтылды
Коронавируска ПЦР-тест жасап жаткан лаборатория кызматкери. Архив

Кыргызстанга кирүүдө 1-декабрдан тарта ПЧР-тест талап кылынат

141
(жаңыланган 20:35 29.11.2021)
Министрлик менен ведомстволорго COVID-19дун жаңы штаммына байланыштуу даярдыкта туруу тапшырылды.

БИШКЕК, 29-ноя. — Sputnik. 1-декабрдан тарта өлкө аймагына кирүүдө милдеттүү түрдө ПЧР-тест талап кылынат. Бул тууралуу өкмөттүн маалымат кызматы кабарлады.

Мындай чечимди министрлер кабинети өлкө аймагында коронавирус инфекциясынын жаңы штаммынын жайылышына жол бербөө үчүн кабыл алган.

"Чет элдик жарандар жана кыргызстандыктар өлкө аймагына кирүүдө эмделген сертификатынан тышкары ПЦР-тестинин терс жыйынтыгын көрсөтүшү керек", — деп жазылган маалыматта.

Саламаттык сактоо министрлиги "омикрон" штаммынын очогу аныкталып жаткан өлкөлөрдөгү эпидемиологиялык абалга көз салып жатканы белгиленди.

Ал эми вирус тарап жаткан мамлекеттердин тизмеси Улуттук коопсуздук мамлекеттик комитетинин Чек ара кызматына берилип, ал өлкөлөрдүн жарандарына Кыргызстандын аймагына кирүүгө тыюу салынат.

Министрлик менен ведомстволорго COVID-19дун жаңы штаммына байланыштуу толук даярдыкта туруу тапшырылган.

Кечээ өлкөнүн министрлер кабинети Дүйнөлүк саламаттык сактоо уюму (ДССУ) менен COVID-19дун "омикрон" деген жаңы штаммы боюнча ыкчам жолугушуу өткөргөн.

141
Белгилер:
Кыргызстан, коронавирус, 'омикрон' штаммы, тест
Тема:
Кыргызстандагы коронавирус
Тема боюнча
Министрлер кабинети ДССУ менен COVID-19дун жаңы штаммы боюнча жыйын курду