Аял. Архив

Балам балалуу келиндин үстүнө кирип жашайм деп кууратты. Эненин каты

7995
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасына уулу анын балдарын карагысы келбеген аялдын үстүнө киргени жатканын угуп беймаза болгон апанын каты жарыяланды.

Саламатсыздарбы? Анча-мынча нерсени эч кимдин кеңеши жок өзүм эле чечип койчу элем, мында эмне кылышты билбей калдым. Беш балам бар, эки кыз, үч эркек. Баары үйлөнүп жайланган, кудайга шүгүр. Бирок үч жыл мурда кичүү баламдын келинчеги кырсыктап каза болуп, уулум, үч неберем жалгыз калды. Кайсы балаң кыйналса ошонун жанында болуп калат экенсиң, үч неберемди өзүм багып дайыма алардын жанындамын. Атасы иштейт. Келиним ченебеген адам болчу. Балдарынын улуусу 7-класста окуйт, кичүүсү 5те. Апасын сагынып куса болуп жүрүшөт. Бирок өлгөн адамды кайра кайрып келе албайт экенсиң, ошолорго энесин жоктотпоюн деп болгон аракетти көрүп жатам. Бирок жаш өтүп калгандан кийин канча жашарыбызды билбейбиз, уулума жакшы кыз чыкса үйлөнүп алсаң боло, балдарыңа эне болсун деп айткам. Башында көңүлдөнбөй жүргөн. Кийин унчукпай эле калды. Көрсө, жарым жылдан бери өзүнөн 3-4 жаш улуу балалуу аял менен сүйлөшүп жүрүптүр. Аны жакында эле айтты. Сүйлөшсө, өзүнө жакса, ага үйлөнсө деле мейли эле. Мени кейиткени ал аял балама шарт коюп жатыптыр. Уулумдун балдарын карабайт экен, өзүнчө туруп, ошонун балдары менен болушат экен. Мындайча айтканда, балам анын үстүнө киргени жатат. Балдарына күйүмдүү эле, эмне болуп ал аялдын айтканына макул болгонун билбейм. Жакын арада үйлөнүп кетем дейт. Тиги аял башын айлантып алганбы, эмне кылганын билбейм. Балдарым деле аны менен сүйлөштү, эч кимдин сөзүн укпай койду. Неберелериме жакшыраак эне табылып, өздөрү менен өздөрү болсо, өлсөм да тынч өлөт элем, эми эмне кылышты билбей башым маң. Уулума "ушундай чечтиңби" десем "ооба" деди. Каршы чыгайын десем анын жалгыз жүргөнүн көрүү мен үчүн да кыйын. Тиги аялды мейли ала берсин дейин десем "эмитен бөлүнүп жашаса, неберелериме кандай эне болот" деп сарсанаамын. Эмне кылышты билбей жатам. Унчукпай да жата албайм, таптакыр бут да тосо албайм. Ошол себептен аргасыздан психологго кайрылып көрүүнү чечтим.

Психолог Гүлнара Жасоолова:

— Үй-бүлө курарда ар бир адам өзү чечим кабыл алып, жактырган жана өзүн түшүнгөн адам менен баш кошууга белсенет. Бир жагынан уулуңуз үйлөнүп жатканына кубанып, экинчиден, келиниңиз "балдарды бакпайм" деп жатканына нааразы болуп жатыпсыз. Ал келиндин балдарды баккысы келбегендигин өзүңүз уктуңузбу же айтыштыбы?

Мүмкүн жөн гана уулуңуз сизге ишенип, балдарым чоң энесинин мээримине бөлөнүп, энем менен бирге болушсун деп жаткандыр. Негизи бирөөнүн баласына камкор болуу абдан кыйын. Бала менен өгөй эненин ортосунда эмоционалдык байланыш дароо эле түзүлүп кетпейт. Ага убакыт керек. Бизде "өгөй эне балдарга жаман мамиле жасайт" деген түшүнүк бар. Ал сөздү балдар угуп калса, такыр эле артын салып калат.

Сиз "ушинтип эле балдарын таштап кетип калабы" деп уулуңуздан кооптонуп жатасыз. Кичинесинен эле бала менен атанын ортосунда эмоционалдык байланыш бекем түзүлүп калса, ал эч качан таштай албайт. Балким, сизге ишенип жаткандыр. Аялынын үстүнө кирип алганда деле анын балдарын көрүп, өзүнүкүнө салыштырып, аялы менен кайра кайтып келиши мүмкүн экендигин да ойлошуңуз керек. Сиз болочоктогу келиниңизге болгон оюңузду дагы бир сыйра анализдеп көрүңүз. Мүмкүн аны негатив менен кабыл алып жаткандырсыз. Уулуңуз жаш кыз алган күндө деле ал да балалуу болот. Аны да ойлошуңуз керек. Албетте, биологиялык энеге жетпейт, бирок, тилекке каршы, өз энеси жок болгондон кийин балдар баары бир өгөй энелүү болот. Андан көрө сиз балдарды атасынан алыстатпоого аракет кылыңыз. Кеңеш берип, туура жакка үндөп турсаңыз баары жакшы болот деген ойдомун.

Сиз катыңыздын башында маселенин баарын өзүм чеччүмүн дедиңиз. Баарын өзүңүз чечип жүрүп, уулуңуздун өзү чыгарган чечимине көнө албай жаткан жоксузбу?

Эгер дагы кеңеш керек болсо психолог менен көзмө-көз сүйлөшүп көрсөңүз болот. Кыскасы, баарын дагы бир сыйра акыл калчап ойлонуп көрүңүз.

7995
Белгилер:
күйөө, келин, өлүм, бала, жетим, чоң эне, уул, небере, үй, үйлөнүү, өгөй эне
Тема:
Психолог менен баарлашуу (176)
Тема боюнча
Эңсеген аялды таптым, бирок балдарымды кантип кыям?.. Эркектин каты
Күйөөгө энеси бардай узагым келет, бирок акчамды байкем сурап жатат. Кыздын каты
Автоунаанын фонунда дарак бутактарындагы кар

Шейшембиге карата аба ырайы

7
7-декабрга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 6-дек. — Sputnik. Шейшембиде күндүз тоолуу райондордо кар жаап, дыйканчылык аймактарда күн ачык болот. Бул тууралуу Кыргызгидромет билдирди.

Абанын температурасы Чүй аймагында +7...+12, Талас өрөөнүндө +6...+11, Ош, Жалал-Абад жана Баткен облустарында +8...+13, Ысык-Көлдө +2...+7, Теңир-Тоодо 0...-5 градуска чейин суук болору айтылды.

Күндүн табы Бишкекте +9...+11, Ош шаарында +11...+13 градуска чейин көтөрүлөт.

7
Белгилер:
аба ырайы, декабрь, Кыргызстан
Тема боюнча
"Түндүк электр" 5,6 миңден ашуун абоненттин жарыгын өчүрөт
Вашингтондогу Капитолий имараты. Архивдик сүрөт

Путинден америкалыктар эмне күтүп, кандай коркутууларга барат?

32
Эртең, 7-декабрда, Россия жана АКШ президенттери видеобайланыш аркылуу сүйлөшөт. Аны утурлай таасирдүү Atlantic Council аналитикалык борбору Байден үчүн бүтүндөй бир сценарий түздү.

Америкалыктардын каалаганы эмне? Эң оболу Россия тезинен Украина менен чек арасынан күчтөрүн алып кетишин күтөт. Бирок алар өз өлкөсүнүн аймагында экенин Кошмо Штаттар эстен чыгарып жатышат. Ошол эле учурда украиналык күчтөр туурасында бир ооз да сөз жок. Киев өзүнүн Куралдуу күчтөрүн Донбасстан чыгарып кетүүгө милдеттенме да албайт. Виктория Никифорованын эки держава лидерлеринин эртеңки баарлашуусунун алдында жагдайды талдоосу РИА Новости сайтына жарык көргөн.

Батыштын оюнда Россия Украинаны "коркутканын" токтотууга тийиш. Ал эми Украина аймагына америкалык жана британиялык аскердик базалар, жашыруун биолабораториялардын жайната курулуп, америкалыктар өндүрүштүк масштабда "Жавелиндерди" түшүрүп, НАТО өлкөлөрү да оолак карманган комплекстүү аскердик кызматташтыкка умтулуп жатканына көз жумуп коюушу керек экен. Ал тургай Россия аталган мамлекетти газ, көмүр жана башка эмнеге муктаж болсо, баары менен үзгүлтүксүз жабдууга милдеттүү деп эсептешет.

НАТОго мүчө болушун кубаттап же куру дегенде унчукпай моюн сунушун көксөшөт. Россия булардын баарын аткарса, Кошмо Штаттар Минск келишимдерин өзү кошо ишке ашырууну убада кылат. Болгону алар Минскиде кол коюлуп, Германия жана Франция тарабынан кепилденген келишимдер эмес.

Америкалык версиясында Донбассты "эл аралык зонага айлантуу" сунушталат. Республикалардын Украинанын өзгөчө макамы жөнүндөгү жана өлкөнүн тышкы саясатына вето коюу мүмкүнчүлүктөрү тууралуу саясий талаптары канааттандырылбайт. ЛТР жана ДТРдин жетекчилигин толук бойдон "өткөөл учурдун эл аралык жарандык администрациясы" менен алмаштыруу болжонот.

Кошуундар куралсыздандырылып, милиция таратылат. Бул түзүмдөрдүн ордун эл аралык тынчтык орнотуучулар басат. Алардын көзөмөлүндө Донбасста шайлоо өтүп, "кесипкөй полиция" түптөлөт. Ошентип Украина-Россия чек арасындагы көзөмөл акырындап кайсы бир эл аралык тынчтык орнотуучулардын колуна өтөт. Минск келишимдеринде так жазылган шарттардын эч бири аткарылбастан, көзөмөл алардын колунан Киевге берилет.

Эгер Россия буга көнсө, Вашингтон Киевге азыраак курал берип, Россиядан санкциялардын бир бөлүгүн алууну, НАТО менен Россиянын ортосундагы өз ара аракеттешүүнү жөнгө салууну убада кылат. Ал эми Россия бул талаптарды аткаруудан баш тарта турган болсо, Украинаны курал-жарак менен жабдууну уланта берет. "Жавелиндерден" сырткары, тизмеде — абадан коргонуу жана жээктеги күзөт тутумдары, радиоэлектрондук система жана каражаттар, контрартиллериялык жана контрбатареялык радарлар бар.

НАТО күчтөрү Украинада ротациялык негизде калат, ал эми украиналык армияны "Россияны ооздуктоо" максатында тескөө түндүк атлантикалык альянстын келерки жылга карата стратегиясынын эң башкы артыкчылыгы болмокчу. Бул жаатта Франция жана Германия кандай пикирде экени эске да алынбайт.

Узак мөөнөттүү планда Россияны Батыш аныктаган "агрессиясы" үчүн санкциялар менен муунтууну улантышат. Анткен менен 2014-жылдагы санкциялар топтому да, 2019-жылдагы "тозоктон келген санкциялар" да Россиянын саясатын өзгөртө алган эмес. Буга ынанууга убакыт жетиштүү эле болду.

Жаңы экономикалык кысымдын жаңы чараларында "Газпром" жана анын "бутактары" үчүн каржылоого тыюу салуу камтылат. Ошол эле убакта Европага газ жеткирүүнү толук бөгөттөөгө жол берилбейт. Каржылык акциялардын кеңири түрү "Роснефтинин" филиалдарына каршы багытталган жана "Сургутнефтегаз" менен "Новатэкти" да курмандыкка чалуу сунушталат.

Россиянын тоо-кен өндүрүшү жана металлургиясына азырынча санкция толук масштабда коюла элек. Atlantic Council "Евраз" жана "Алрос", ошондой эле россиялык камсыздандыруучу ири "Согаз" жана "Совкомфлот" ишканасына көңүл бурууга үндөйт. Анан да, албетте, "Түндүк агым — 2" долбоорун да унуткарышкан эмес. Америкалыктардын пикиринде, бул "жаман демилге" болгон, ал эми "Россияны ооздуктоо" чарасы Германиядан аталган долбоордун ишине мораторий коюуну талап кылат.

Ошондой эле Россияны SWIFT системасынан өчүрүү сунушу кайрадан калкып чыкты. "Бул тема дале четке кагыла элек, акыркы чара болот," — деди Киевдеги америкалык мурдагы элчи Жон Хербст. "Ооба, европалык компаниялар санкциялар процессинде кыйынчылыктарга тушугат, — деп моюнга алышат америкалык аналитиктер. — Бирок путиндик агрессияга каршы турууга чечкиндүүлүк — бул Кремлди ооздуктоонун мыкты ыкмасы". Белгилүү болгондой, "биргелешкен аракеттер" деген түшүнүк Atlantic Council борборунун эң көп оозанганы.

Америкалыктардын союздаштары Франция жана Германия НАТОго Украинанын мүчөлүгүнө каршы. Европалыктар жосунсуз санкциялардын айынан россиялык газды алууда үзгүлтүктөрдөн жапа чегүүнү каалашпайт. Бул чектөөлөр Россияга караганда аталган биримдик мейкиндигиндеги экономиканы талкалоодо. Эч ким — европалыктар да, америкалыктар да, украиналыктар да Вашингтондун буйругу менен согушууну каалабайт.

Россия эртеңки баарлашууга буларга карама-каршы шарттар менен камынууда. РФ кызыл чийинди так чийгени маалым. Украина НАТОго мүчөлүккө алынбашы керек. Аймагында үчүнчү өлкөлөрдүн жалпы аскердик күчтөрү жайгаштырылбашы шарт. НАТО чыгышка карай таптакыр жайылбашы керек. Буга жазуу жүзүндөгү кепилдиктерди күтөт. Анткени оозеки макулдашуулардын баарын өнөктөштөр унуткарышканы белгилүү.

Россиялык жана америкалык президенттердин позицияларын кандайдыр жакындатылары арсар. Алардын Женевадагы кезигүүсүнөн эч майнап чыккан эмес, болгону ажырымды тереңдеткен.

Октябрда Байден эгер кокус КЭР кол сала турган болсо, Кошмо Штаттар Тайванды коргой турганын айткан. 1979-жылдан бери Вашингтон Тайванды коргоо каражаттары менен жабдууга милдеттенме алган, бирок президенттер Тайвань үчүн Кытай менен согушууну эч качан убадалаган эмес. Тайвань — Украианадан кийинки дүйнөнүн эң кооптуу жерлеринин бири. Америкалык режим аралды курал менен камсыздап, кытай агрессиясы боюнча тарыхый үгүттөөсүн жүргүзүүдө. Украина жагдайындагыдай эле Кытайга эч кандай агрессиянын зарылдыгы жок. Пекиндегилер мекендештери менен акыры тынч биригерине ишенишет. Бирок америкалыктар Украинаны Россияга кандай тукурса, Тайванды Кытайга да дал ушундай каршы багыттоодо. Эки өлкө тең "экинчи Афганистанга" айланып калуудан коркушат.

Америкалыктар Россия менен Кытай Украина менен Тайванга январь-февралда кол салуу ыктымалдыгын олуттуу түрдө талкуулоодо. Үрөйлөрү учкан тайвандыктар Байдендин сөздөрүн кунт коюу менен тыңдашат. Ал эми эртеси күнү эле Ак үй "силер туура эмес түшүнүп алдыңар, ал жөн гана тамашалады" деп жайгарып коет.

Мындай туруксуз контрагент менен сүйлөшүү кыйынчылыктарга кептейт. Бирок Владимир Путиндин көз карашынын күчү – анын орустардын да, украиналыктардын да, америкалыктардын да жана дегеле Жер жүзүнүн калкынын пикирин билдиргенинде. Бизге согуштун кереги жок! Тынч, өз ара пайдалуу кызматташтык жана өнүгүү зарыл. Бул тилектер түшүнбөстүктөргө жол бербөө үчүн жазуу түрүндө кепилденгени оң.

32
Белгилер:
Россия, Украина, АКШ, Кытай, талап, чек ара, курал, коркутуу
Тема боюнча
Аяктай турган түрү жок антироссиялык аракет: АКШ Украинаны жарга түртүүдө
АКШ эсминецтери Украина үчүн салгылашабы?