Таблеткалар. Архивдик сүрөт

Рактын өрчүп кетишин 91 пайызга арттырган кошулма тууралуу адис айтып берди

204
(жаңыланган 17:12 21.11.2021)
Эксперттер кээ бир илимий тажрыйба рактан коргобостон, аталган илдетти чакырарын аныктагандан кийин ишти дароо токтотушкан.

БИШКЕК, 21-ноя. — Sputnik. Селенди E витамини менен кошуп ичкенде эркектердин простата рагынын өрчүшүн 91 пайызга арттырат. Бул туурасында Express басылмасына шилтеме кылып, РИА Новости жазды.

Экспериментке 35тен ашык киши катышкан. Окумуштуулар азык-түлүк кошулмалардын онкологиялык оорулардын алдын алууга кандай жардам берерин аныктоо максатын койгон. Эксперттер алардын бир катарлары рактан коргобостон, аталган илдетти чакырарын аныктагандан кийин тажрыйбаны дароо токтоткону макалада айтылган.

Адамдын организминде башында аз болгондуктан селен минералы анча кооптуулук жараткан эмес. Бирок бейтаптар анын кошулмасын ичип, дозаны 91 пайызга көтөргөндө простата рагына кабылуу ыктымалдыгы көбөйгөн.

Илимий эмгектин авторлорунун бири, Сиэтлдеги Фред Хатчинсон атындагы онкологияны изилдөө борборунун доктору Алан Кристал пайда алып келбестен, организмге бир топ кооптуулук жараткандыктан селен менен Е витаминин кошуп ичүүнү токтотууга кеңеш берген.

Селен организмде иммундук клеткаларды калыптандырууда маанилүү роль ойногон заттардын бири.

204
Белгилер:
АКШ, кошулма, рак
Тема боюнча
Окумуштуулар түндө байкалчу рактын симптомдорун аныктады
Басылбаган жөтөл, ич өтүү. Рактын анча аңдабаган баштапкы белгилери аталды
Ооруканадагы дарыгерлер. Архив

Кечээтен бери коронавирус үч адамдын өмүрүн алды

9
(жаңыланган 09:34 30.11.2021)
Бир сутка ичинде эмдөөдөн 10 260 адам өтүп, анын ичинен 5 803ү биринчи дозаны алса, 4 457 адам экинчисин сайдырды.

БИШКЕК, 30-ноя. — Sputnik. Өткөн суткада 66 адамдан коронавирус табылып, 118 бейтап айыкты. Бул тууралуу Республикалык штаб кабарлады.

Жуктургандар:

  • Бишкек – 19;
  • Чүй облусу – 30;
  • Ош облусу – 4;
  • Талас облусу – 1;
  • Жалал-Абад облусу – 5;
  • Баткен облусу – 7.

Өлкөдө илдет илештиргендердин жалпы саны 183 351ге жетти. Анын ичинен 178 230 адам дартты жеңген. Тилекке каршы, оору бир сутка ичинде үч адамдын өмүрүн алып, жалпы 2 746 адам дарттын курмандыгы болду.

Азыркы учурда стационарда 405, ал эми амбулатордук шартта 488 адам дарыланып жатат. Өткөн сутка ичинде эмдөөдөн 10 260 адам өтүп, анын ичинен 5 803ү биринчи дозаны, 4 457 адам экинчи компонентин алган.

9
Белгилер:
Кыргызстан, коронавирус, оору, бейтап, статистика
Тема:
Кыргызстандагы коронавирус
Тема боюнча
Кыргызстанга кирүүдө 1-декабрдан тарта ПЧР-тест талап кылынат
Жугуштуу илдеттер ооруканасы эми COVID жуктургандарды кабыл албайт
Көчөдө бараткан жаштар. Архив

Статком: Кыргызстанда эркектерге караганда билимдүү аялдар көбүрөөк

10
Кыздар көбүнчө билим берүү, саламаттык сактоо, маданият, көркөм өнөр, сервис сыяктуу адистиктерди тандайт.

БИШКЕК, 30-ноя. — Sputnik. Кыргызстанда эркектерге караганда аялдардын билим деңгээли жогору экени аныкталды. Бул туурасында Улуттук статистика комитети билдирди.

2020-жылы ар кандай жумуштарда эмгектенгендердин арасында жогорку кесиптик билими бар аялдар 28 пайызды, эркектер 19 пайызды түзгөн. Ошол эле учурда орто билимдин ээлери 17 жана 8 пайыз болгон.

Ошол эле учурда быйыл (2020/2021-окуу жылы) жогорку окуу жайларга тапшырган студенттердин арасында кыздар 52 пайызын ээлесе, орто кесиптик окуу жайларына киргендер 56 пайызга жеткен. Алар билим берүү, кеңири керектелчү товарлардын технологиясы, саламаттык сактоо, маданият, көркөм өнөр, сервис сыяктуу адистиктерге басымдуулук кылышат.

Ал эми эркектер машина куруу жана металл иштетүү, токой ресурстарын кайра иштетүү, пайдалуу кендерди иштетүү, курулуш жана архитектура, электрондук техника, энергетика менен байланышкан кесиптерди тандашат.

Мындан сырткары, аспирантурада окугандардын арасында 60, докторантурада 69 пайызы аялдар экени белгиленген.

10
Белгилер:
Улуттук статистика комитети, билим, эркек, аял
Тема боюнча
Кыргызстанда эркектер үйлөнгөндөн кийин спорттон оолактап кетет. Статистика